Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Бытїѐ

Библия - Церковнославянская

Бытїѐ И҆схо́дъ

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

1 Са́ра же жена̀ а҆вра́млѧ не ражда́ше є҆мѹ̀: бѧ́ше же є҆́й раба̀ є҆гѵ́птѧнынѧ, є҆́йже и҆́мѧ а҆́гарь.

2 Рече́ же са́ра ко а҆вра́мѹ: сѐ, заключи́ мѧ гдⷭь, є҆́же не ражда́ти: вни́ди ѹ҆̀бо къ рабѣ̀ мое́й, да ча҄да сотворю̀ ѿ неѧ̀. Послѹ́ша же а҆вра́мъ гла́са са́рина.

3 И҆ пои́мши са́ра жена̀ а҆вра́млѧ а҆́гарь є҆гѵ́птѧныню рабѹ̀ свою̀, по десѧтѝ лѣ́тѣхъ вселе́нїѧ а҆вра́млѧ въ землѝ ханаа́ни, дадѐ ю҆̀ въ женѹ̀ а҆вра́мѹ мѹ́жѹ своемѹ̀.

4 И҆ вни́де ко а҆́гари, и҆ зача́тъ: и҆ ви́дѣ, ѩ҆́кѡ во чре́вѣ и҆́мать, и҆ ѹ҆коре́на бы́сть госпожа̀ (є҆ѧ̀) пред̾ не́ю.

5 И҆ речѐ са́ра ко а҆вра́мѹ: ѡ҆би́да мѝ ѿ тебє̀: а҆́зъ да́хъ рабѹ̀ мою̀ въ нѣ́дро твоѐ: ѻ҆на́ же ви́дѣвши, ѩ҆́кѡ во чре́вѣ и҆́мать, ѹ҆коре́на бы́хъ пред̾ не́ю: сѹдѝ бг҃ъ междѹ̀ мно́ю и҆ тобо́ю.

6 Рече́ же а҆вра́мъ къ са́рѣ: сѐ, раба̀ твоѧ̀ въ рѹкѹ̀ твоє́ю: творѝ є҆́й, ѩ҆́коже тѝ є҆́сть ѹ҆го́дно. И҆ ѡ҆ѕло́би ю҆̀ са́ра: и҆ ѿбѣжѐ ѿ лица̀ є҆ѧ̀.

7 И҆ ѡ҆брѣ́те ю҆̀ а҆́гг҃лъ гдⷭень ѹ҆ и҆сто́чника воды̀ въ пѹсты́ни, ѹ҆ и҆сто́чника на пѹтѝ сѹ́ръ.

8 И҆ речѐ є҆́й а҆́гг҃лъ гдⷭень: а҆́гарь, рабо̀ са́рина, ѿкѹ́дѹ и҆́деши и҆ ка́мѡ грѧде́ши; И҆ речѐ: ѿ лица̀ са́ры госпожѝ моеѧ̀ а҆́зъ бѣгѹ̀.

9 Рече́ же є҆́й а҆́гг҃лъ гдⷭень: возврати́сѧ къ госпожѣ̀ свое́й и҆ покори́сѧ под̾ рѹкѹ̀ є҆ѧ̀.

10 И҆ речѐ є҆́й а҆́гг҃лъ гдⷭень: ѹ҆множа́ѧ ѹ҆мно́жѹ сѣ́мѧ твоѐ, и҆ не сочте́тсѧ ѿ мно́жества.

11 И҆ речѐ є҆́й а҆́гг҃лъ гдⷭень: сѐ, ты̀ во чре́вѣ и҆́маши и҆ роди́ши сы́на, и҆ нарече́ши и҆́мѧ є҆мѹ̀ ї҆сма́илъ: ѩ҆́кѡ ѹ҆слы́ша гдⷭь смире́нїе твоѐ:

12 се́й бѹ́детъ се́лный человѣ́къ: рѹ́цѣ є҆гѡ̀ на всѣ́хъ, и҆ рѹ́ки всѣ́хъ на него̀, и҆ пред̾ лице́мъ всеѧ̀ бра́тїи своеѧ̀ всели́тсѧ.

13 И҆ призва̀ а҆́гарь и҆́мѧ гдⷭа гл҃ющагѡ къ не́й: ты̀ бг҃ъ призрѣ́вый на мѧ̀: ѩ҆́кѡ речѐ: и҆́бо предо мно́ю ви́дѣхъ ѩ҆́вльшагосѧ мнѣ̀.

14 Сегѡ̀ ра́ди прозва̀ кла́дѧзь то́й: кла́дѧзь, и҆дѣ́же предо мно́ю ви́дѣхъ: сѐ междѹ̀ ка́дисомъ и҆ междѹ̀ вара́домъ.

15 И҆ родѝ а҆́гарь а҆вра́мѹ сы́на, и҆ наречѐ а҆вра́мъ и҆́мѧ сы́нѹ своемѹ̀, є҆го́же родѝ є҆мѹ̀ а҆́гарь, ї҆сма́илъ.

16 А҆вра́мъ же бѣ̀ лѣ́тъ ѻ҆сми́десѧти шестѝ, є҆гда̀ родѝ а҆́гарь а҆вра́мѹ ї҆сма́ила.

<< ← Prev Top Next → >>