Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Бытїѐ

Библия - Церковнославянская

Бытїѐ И҆схо́дъ

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

1 Сі́и же ро́дове и҆са҄ѵли, се́й є҆́сть є҆дѡ́мъ.

2 И҆са́ѵъ же поѧ̀ себѣ̀ жєны̀ ѿ дще́рей ханане́йскихъ: а҆дѹ̀, дще́рь є҆лѡ́ма хетте́ина, и҆ ѻ҆лївемѹ̀, дще́рь а҆на́ню сы́на севегѡ́на є҆ѵе́ина,

3 и҆ васема́ѳѹ, дще́рь ї҆сма́илю, сестрѹ̀ навеѡ́ѳовѹ.

4 Роди́ же а҆да̀ и҆са́ѵѹ є҆лїфа́са, и҆ васема́ѳъ родѝ рагѹи́ла,

5 и҆ ѻ҆лївема̀ родѝ ї҆еѹ́са и҆ ї҆егло́ма и҆ коре́а: сі́и сы́нове и҆са҄ѵли, и҆̀же бы́ша є҆мѹ̀ въ землѝ ханаа́нстѣй.

6 Поѧ́ же и҆са́ѵъ жєны̀ своѧ҄ и҆ сы́ны своѧ҄ и҆ дщє́ри своѧ҄, и҆ всѧ҄ тѣлеса̀ до́мѹ своегѡ̀ и҆ всѧ҄ и҆мѣ҄нїѧ своѧ҄ и҆ всѧ҄ скоты̀, и҆ всѧ҄, є҆ли҄ка притѧжа̀, и҆ всѧ҄, є҆ли҄ка приѡбрѣ́те въ землѝ ханаа́нстѣй, и҆ ѿи́де и҆са́ѵъ и҆з̾ землѝ ханаа́нскїѧ ѿ лица̀ ї҆а́кѡва бра́та своегѡ̀:

7 бѧ́хѹ бо и҆мѣ҄нїѧ и҆́хъ мнѡ́га, є҆́же жи́ти вкѹ́пѣ: и҆ не можа́ше землѧ̀ ѡ҆бита́нїѧ и҆́хъ вмѣсти́ти и҆̀хъ, ѿ мно́жества и҆мѣ́нїй и҆́хъ.

8 Всели́сѧ же и҆са́ѵъ на горѣ̀ сиі́ръ: и҆са́ѵъ то́й є҆́сть є҆дѡ́мъ.

9 Сі́и же ро́дове и҆са́ѵа, ѻ҆тца̀ є҆дѡ́млѧ, на горѣ̀ сиі́ръ:

10 и҆ сїѧ҄ и҆мена̀ сынѡ́въ и҆са́ѵлихъ: є҆лїфа́съ, сы́нъ а҆ды̀, жены̀ и҆са́ѵли, и҆ рагѹи́лъ, сы́нъ васема́ѳы, жены̀ и҆са́ѵли.

11 Бы́ша же є҆лїфа́сѹ сы́нове: ѳема́нъ, ѡ҆ма́ръ, сѡфа́ръ, гоѳѡ́мъ и҆ кене́зъ.

12 Ѳамна́ же бѧ́ше нало́жница є҆лїфа́са, сы́на и҆са́ѵлѧ, и҆ родѝ є҆лїфа́сѹ а҆мали́ка: сі́и сы́нове а҆ды̀, жены̀ и҆са́ѵли.

13 Сі́и же сы́нове рагѹи́лѡвы: нахо́ѳъ, зарѐ, сомѐ и҆ мозѐ: сі́и бы́ша сы́нове васема́ѳы, жены̀ и҆са́ѵли.

14 Сі́и же сы́нове ѻ҆лївемы̀ дще́ре а҆на́ни сы́на севегѡ́нѧ, жены̀ и҆са́ѵли: роди́ же и҆са́ѵѹ ї҆еѹ́са и҆ ї҆егло́ма и҆ коре́а.

15 Сі́и старѣ҄йшины сы́на и҆са́ѵлѧ, сы́нове є҆лїфа́са, пе́рвенца и҆са́ѵлѧ: старѣ́йшина ѳема́нъ, старѣ́йшина ѡ҆ма́ръ, старѣ́йшина сѡфа́ръ, старѣ́йшина кене́зъ,

16 старѣ́йшина коре́й, старѣ́йшина гоѳѡ́мъ, старѣ́йшина а҆мали́къ: сі́и старѣ҄йшины є҆лїфа́са въ землѝ ї҆дѹме́йстѣй, сі́и сы́нове а҆ди҄ны.

17 И҆ сі́и сы́нове рагѹи́ла, сы́на и҆са́ѵлѧ: старѣ́йшина нахо́ѳъ, старѣ́йшина зарѐ, старѣ́йшина сомѐ, старѣ́йшина мозѐ: сі́и старѣ҄йшины рагѹи́лѡвы въ землѝ є҆дѡ́мстѣй, сі́и сы́нове васема́ѳы, жены̀ и҆са́ѵли.

18 Сі́и же сы́нове ѻ҆лївемы̀, жены̀ и҆са́ѵли: старѣ́йшина ї҆еѹ́съ, старѣ́йшина ї҆егло́мъ, старѣ́йшина коре́й: сі́и старѣ҄йшины ѻ҆лївемы̀, дще́ре а҆на́ни, жены̀ и҆са́ѵли,

19 сі́и сы́нове и҆са҄ѵли и҆ сі́и старѣ҄йшины и҆́хъ, сі́и сѹ́ть сы́нове є҆дѡ҄мли.

20 Сі́и же сы́нове сиі́ра хорре́ова жи́вшагѡ на землѝ: лѡта́нъ, сѡва́лъ, севегѡ́нъ, а҆на̀

21 и҆ дисѡ́нъ, и҆ а҆са́ръ и҆ рїсѡ́нъ: сі́и старѣ҄йшины хорре́ова сы́на сиі́ра въ землѝ є҆дѡ́мстѣй.

22 Бы́ша же сы́нове лѡта҄ни: хоррї̀ и҆ є҆ма́нъ, сестра́ же лѡта́нѧ ѳамна̀.

23 Сі́и же сы́нове сѡва́лѡвы: гѡла́мъ и҆ манаха́ѳъ, и҆ геви́лъ и҆ сѡфа́ръ и҆ ѡ҆ма́ръ.

24 И҆ сі́и сы́нове севегѡ҄ни: а҆їѐ и҆ а҆на̀: се́й є҆́сть а҆на̀, и҆́же ѡ҆брѣ́те ї҆амі́нь въ пѹсты́ни, є҆гда̀ пасѧ́ше под̾ѧре́мники {мскѝ} севегѡ́на, ѻ҆тца̀ своегѡ̀.

25 Сі́и же сы́нове а҆на҄ни: дисѡ́нъ и҆ ѻ҆лївема̀, дщѝ а҆на́нѧ.

26 Сі́и же сы́нове дисѡ́нѡвы: а҆мада̀ и҆ а҆сва́нъ, и҆ ї҆ѳра́нъ и҆ харра́нъ.

27 Сі́и же сы́нове а҆са́рѡвы: валаа́мъ и҆ зѹка́мъ, и҆ ѹ҆ка́мъ и҆ ѹ҆ка́нъ.

28 Сі́и же сы́нове рїсѡ́нѡвы: ѡ҆́съ и҆ а҆ра́нъ.

29 Сі́и же старѣ҄йшины хоррі́ѡвы: старѣ́йшина лѡта́нъ, старѣ́йшина сѡва́лъ, старѣ́йшина севегѡ́нъ, старѣ́йшина а҆на̀,

30 старѣ́йшина дисѡ́нъ, старѣ́йшина а҆са́ръ, старѣ́йшина рїсѡ́нъ: сі́и старѣ҄йшины хоррі́ѡвы во ѡ҆́бластехъ и҆́хъ въ землѝ є҆дѡ́мли.

31 И҆ сі́и ца́рїе ца́рствовавшїи во є҆дѡ́мѣ, пре́жде ца́рствованїѧ царе́й во ї҆и҃ли:

32 и҆ ца́рствова во є҆дѡ́мѣ вала́къ, сы́нъ веѡ́ровъ: и҆́мѧ же гра́дѹ є҆гѡ̀ деннава̀.

33 Ѹ҆́мре же вала́къ, и҆ ца́рь бы́сть по не́мъ ї҆ѡва́въ, сы́нъ за́ринъ ѿ восо́рры.

34 Ѹ҆́мре же ї҆ѡва́въ, и҆ ца́рь бы́сть по не́мъ а҆сѡ́мъ ѿ землѝ ѳеманѡ́ни.

35 Ѹ҆́мре же а҆сѡ́мъ, и҆ бы́сть ца́рь по не́мъ а҆да́дъ сы́нъ вара́довъ, и҆́же и҆зсѣчѐ мадїа́ма на по́ли мѡа́вли: и҆́мѧ же гра́дѹ є҆гѡ̀ гетѳе́мъ.

36 Ѹ҆́мре же а҆да́дъ, и҆ ца́рь бы́сть по не́мъ самада̀ ѿ массекка́са.

37 Ѹ҆́мре же самада̀, и҆ ца́рь бы́сть по не́мъ саѹ́лъ и҆з̾ роѡвѡ́ѳа, и҆́же є҆́сть бли́з̾ рѣкѝ.

38 Ѹ҆́мре же саѹ́лъ, и҆ ца́рь бы́сть по не́мъ вааленнѡ́нъ, сы́нъ а҆ховѡ́рь.

39 Ѹ҆́мре же вааленнѡ́нъ сы́нъ а҆ховѡ́рь, и҆ ца́рь бы́сть по не́мъ а҆ра́дъ, сы́нъ вара́довъ: и҆ и҆́мѧ гра́дѹ є҆гѡ̀ фогѡ́ръ, и҆́мѧ же женѣ̀ є҆гѡ̀ метевеи́ль, дще́рь матраі́ѳа, сы́на мезоѡ́влѧ.

40 Сїѧ҄ и҆мена̀ старѣ́йшинъ и҆са́ѵлихъ въ племенѣ́хъ и҆́хъ, по мѣ́стѹ и҆́хъ, во страна́хъ и҆́хъ и҆ въ ѩ҆зы́цѣхъ и҆́хъ: старѣ́йшина ѳамна̀, старѣ́йшина гѡла̀, старѣ́йшина ї҆еѳе́ръ,

41 старѣ́йшина ѻ҆лївема̀, старѣ́йшина и҆ла̀, старѣ́йшина фїнѡ́нъ,

42 старѣ́йшина кене́зъ, старѣ́йшина ѳема́нъ, старѣ́йшина маза́ръ,

43 старѣ́йшина магедїи́лъ, старѣ́йшина зафѡ́й: сі́и старѣ҄йшины є҆дѡ҄мли, живѹ́щїи въ землѝ притѧжа́нїѧ и҆́хъ: се́й и҆са́ѵъ ѻ҆те́цъ є҆дѡ́мль.

<< ← Prev Top Next → >>