Աստվածաշունչը, ԹՈՒԵՐ, ղեկավար 4. is available here: https://www.bible.promo/chapters.php?id=10121&pid=6&tid=1&bid=80
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Աստվածաշունչը / հին Կտակարան / ԹՈՒԵՐ

Աստվածաշունչը - Արարատյան Թարգմանություն

ՂԵՒՏԱԿԱՆ ԹՈՒԵՐ ԵՐԿՐՈՐԴ ՕՐԵՆՔ

ղեկավար 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1 Եւ Եհովան խօսեց Մովսէսի եւ Ահարօնի հետ ասելով.

2 Առ Ղեւիի որդկանց միջից Կահաթի որդկանց գումարն իրանց տոհմերի եւ իրանց հայրերի տների համեմատ.

3 Երեսուն տարեկանից վեր մինչեւ յիսուն տարեկանը՝ ժողովքի խորանի մէջ ծառայութիւն անելու համար գունդի մէջ ամեն մտնողին համարելով։

4 Ժողովքի խորանի մէջ կահաթի որդկանց պաշտօնը այս լինի՝ սրբութիւն սրբութեանցը։

5 Եւ բանակը չուելիս գայ Ահարօնը եւ նորա որդիքը եւ իջեցնեն ծածկոցի սրահակը եւ նորանով վկայութեան տապանակը ծածկեն։

6 Եւ թէհաշի մորթերից շինուած ծածկոցը նորա վերայ դնեն, եւ նորա վերայ մի բոլորովին կապուտակ ձորձ տարածեն. Եւ նորա ձողերն անցկացնեն։

7 Եւ առաջաւորութեան սեղանի վերայ մի կապուտակ ձորձ տարածեն եւ նորա վերայ սկուտեղները եւ խնկամանները, սկաւառակները եւ թափելու նուէր մատուցանելու բաժակները դնեն, եւ հանապազօրեայ հացերը նորա վերայ լինեն.

8 Եւ նորա վերայ կրկնակի կարմիրից մի ձորձ տարածեն, եւ թէհաշի մորթերից մի ծածկոցով ծածկեն այն. Եւ նորա ձողերը անցկացնեն։

9 Եւ մի կապուտակ ձորձ առնեն եւ ծածկեն լոյսի աշտանակը՝ եւ նորա ճրագները եւ նորա ունելիները եւ բազմակալները՝ եւ նորա բոլոր իւղի ամանները՝ որոնցով ծառայում են նորան.

10 Եւ նորան եւ նորա ամեն գործիքները թէհաշի մորթերից շինուած մի ծածկոցի մէջ դնեն, եւ մի լծակի վերայ դնեն այն։

11 Եւ ոսկի սեղանի վերայ մի կապուտակ ձորձ տարածեն, եւ թէհաշի մորթերից ծածկոցով ծածկեն այն, եւ նորա ձողերը անցկացնեն։

12 Եւ սրբարանի մէջ պաշտօնի համար գործածուած բոլոր գործիքներն առնեն, եւ մի կապուտակ ձորձի մէջ փաթաթեն, եւ թէհաշի մորթերից մի ծածկոցով ծածկեն նորան եւ մի լծակի վերայ դնեն։

13 Եւ սեղանի մոխիրները կտրելով նորա վերայ մի ծիրանեգոյն ձորձ տարածեն.

14 Եւ նորա վերայ դնեն պաշտօնի համար գործածուած նորա բոլոր գործիքները՝ այսինքն կրակի ամանները՝ եւ թիակները՝ եւ կոնքերը՝ միով բանիւ սեղանի բոլոր գործիքները՝ եւ նորա վերայ թէհաշի մորթերից մի ծածկոց տարածեն, եւ նորա ձողերն անցկացնեն։

15 Եւ վերջացնեն Ահարօնը եւ նորա որդիքը սրբարանն եւ սրբարանի բոլոր կարասիները ծածկելը՝ բանակը չուելիս, եւ յետոյ Կահաթի որդիքը գան վեր առնելու. Բայց սուրբ բաներին չդպչեն որ չմեռնեն. Կահաթի որդկանց բեռները սորանք լինեն ժողովքի խորանումը։

16 Եւ Ահարօն քահանայի որդի՝ Եղիազարը լոյսի իւղի եւ անուշահոտ խունկի եւ հանապազօրեայ հացի ընծայի եւ օծման իւղի վերայ վերակացու լինի. Եւ բոլոր խորանի եւ նորա միջի ամեն բաների սրբարանի եւ նորա կարասիների վերայ վերակացու լինի։

17 Եւ Եհովան խօսեց Մովսէսի եւ Ահարօնի հետ ասելով.

18 Ղեւտացիների միջից Կահաթեանց տոհմերի ցեղը չփչացնէք.

19 Բայց նորանց այսպէս արէք՝ որ ամենասուրբ բաների մօտենալիս ողջ մնան եւ չմեռնեն. Ահարօնն ու իր որդիքը գան, եւ նորանց ամեն մէկին նշանակեն իր պաշտօնի եւ իր բեռի վերայ։

20 Եւ երբոր սուրբ բաները ծածկում են, նորանց տեսնելու համար ներս չմտնեն՝ որ չմեռնեն։

21 Եւ Եհովան խօսեց Մովսէսի հետ ասելով.

22 Նաեւ գերսոնի որդկանց գումարն առ՝ իրանց հայրերի տների եւ իրանց տոհմերի համեմատ։

23 Երեսուն տարեկանից վեր մինչեւ յիսուն տարեկանը համարես նորանց՝ ժողովքի խորանի մէջ ծառայութիւն անելու համար գունդի մէջ ամեն մտնողները։

24 Այս է գերսոնեանց տոհմերի ծառայեու եւ բեռ վեր առնելու պաշտօնը.

25 Սորանք վեր առնեն խորանի վարագոյրները եւ ժողովքի խորանը, նորա ծածկոցը եւ նորա վերայի թէհաշի ծածկոցը, եւ ժողովքի խորանի դրան վարագոյրը.

26 Եւ խորանի ու սեղանի շուրջը եղած սրահի առագաստները՝ եւ սրահը մտնելու դրան սրահակը եւ նորանց չուանները՝ եւ նորանց պաշտօնի բոլոր գործիքները եւ նորանց հարկաւոր եղած բոլոր սպասաւորութիւններն անեն։

27 Ահարօնի եւ նորա որդկանց խօսքովը լինի գերսոնեանց որդկանց բոլոր պաշտօնը՝ իրանց ամեն բեռների եւ իրանց ամեն պաշտօնների համար եւ նորանց յանձնէք իրանց բոլոր բեռները պահպանութեան համար։

28 Այս է գերսոնեանց որդկանց տոհմերի պաշտօնը ժողովքի խորանի մէջ. Եւ նորանց պահպանութիւնը Ահարօն քահանայի որդի՝ Իթամարի ձեռքովը լինի։

29 Մերարիի որդիքը համարես իրանց տոհմերի եւ իրանց հայրերի տների համեմատ.

30 Երեսուն տարեկանից եւ վեր մինչեւ յիսուն տարեկանը՝ ժողովքի խորանի ծառայութիւնն անելու համար գունդի մէջ ամեն մտնողները համարես։

31 Եւ այս է ժողովքի խորանի մէջ նորանց ամեն պաշտօնների համեմատ նորանց յանձնուած բեռները՝ խորանի տախտակները, եւ նորա նիգերը եւ նորա սիւները եւ խարիսխները,

32 Եւ շուրջանակի սրահի սիւները եւ նորանց խարիսխները եւ ցիցերը եւ չուանները՝ նորանց ամեն գործիքներովը եւ նորանց ամեն պաշտօնովը, նորանց պահպանութեանը բեռների եղած գործիքներն անուններով յանձնէք նորանց։

33 Այս է Մէրարիի որդկանց տոհմերի պաշտօնը ժողովքի խորանի մէջ իրանց բոլոր պաշտօնների համեմատ Ահարօն քահանայի որդի Իթամարի ձեռքով։

34 Եւ Մովսէսն ու Ահարօնը եւ ժողովքի իշխանները համարեցին Կահաթեանց որդիներին նորանց տոհմերի եւ նորանց հայրերի տների համեմատ,

35 Երեսուն տարեկանից վեր մինչեւ յիսուն տարեկանը՝ ժողովքի խորանի մէջ ծառայութիւն անելու համար գունդի մէջ ամեն մտնողները.

36 Եւ նորանց համարուածներն իրանց տոհմերովը երկու հազար եօթը հարիւր յիսուն հոգի։

37 Սորանք են ժողովքի խորանի բոլոր ծառայութիւնն անող Կահաթեանց տոհմերի համարուածները, որ Մովսէսն ու Ահարօնը համարեցին Եհովայի խօսքին համեմատ որ Մովսէսի ձեռքով խօսուած էր։

38 Եւ Գերսոնի որդկանց համարուածներն իրանց տոհմերի եւ իրանց հայրերի տների համեմատ,

39 Երեսուն տարեկանից վեր մինչեւ յիսուն տարեկանը՝ ժողովքի խորանի մէջ ծառայութիւն անելու համար գունդի մէջ ամեն մտնողները.

40 Եւ նորանց համարուածներն իրանց տոհմերի եւ իրանց հայրերի տների համեմատ երկու հազար վեց հարիւր երեսուն հոգի։

41 Սորանք են ժողովքի խորանի մէջ բոլոր ծառայութիւն անող Գերսոնի որդկանց տոհմերից համարուածները, որ Մովսէսն ու Ահարօնը համարեցին՝ Եհովայի խօսքի պէս։

42 Եւ Մերարիի որդկանց տոհմերի համարուածներն իրանց տոհմերի եւ իրանց հայրերի տների համեմատ,

43 Երեսուն տարեկանից վեր մինչեւ յիսուն տարեկանը՝ ժողովքի խորանի մէջ ծառայութիւն անելու համար գունդի մէջ ամեն մտնողները։

44 Եւ նորանց համաուածներն իրանց տոհմերովն երեք հազար երկու հարիւր հոգի։

45 Սորանք են Մերարիի որդկանց տոհմերի համարուածները, որ Մովսէսն ու Ահարօնը համարեցին՝ Եհովայի խօսքին համեմատ որ Մովսէսի ձեռքով խօսուած էր։

46 Ղեւտացիների բոլոր համարուածները, որ Մովսէսն ու Ահարօնը եւ Իսրայէլի իշխանները համարեցին իրանց տոհմերի եւ իրանց հայրերի տների համեմատ,

47 Երեսուն տարեկանից վեր մինչեւ յիսուն տարեկանը՝ ժողովքի խորանի մէջ պաշտօն կատարելու եւ բեռին ծառայելու ամեն մտնողները,

48 Այսինքն նորանց համարուածները ութը հազար հինգ հարիւր ութսուն հոգի.

49 Նորանք Եհովայի պատուիրածին պէս համարուեցան Մովսէսի ձեռքովը, ամեն մէկն իր պաշտօնին եւ իր բեռին նայելով. Այսպէս համարուեցան նորանք ինչպէս որ Եհովան պատուիրեց մովսէսին։

<< ← Prev Top Next → >>