Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Աստվածաշունչը / հին Կտակարան / ԹՈՒԵՐ

Աստվածաշունչը - Արարատյան Թարգմանություն

ՂԵՒՏԱԿԱՆ ԹՈՒԵՐ ԵՐԿՐՈՐԴ ՕՐԵՆՔ

ղեկավար 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1 Եւ Եհովան խօսեց Մովսէսի հետ ասելով.

2 Խօսիր Ահարօնի հետ եւ ասիր նորան. Երբոր ճրագները վառես, եօթը ճրագները աշտանակի առաջի կողմիցը լոյս տան։

3 Եւ Ահարօնն այնպէս արաւ. Նորա ճրագները աշտանակի առաջի կողմին վառեց, ինչպէս որ Եհովան մովսէսին պատուիրել էր։

4 Եւ աշտանակի շինուածքն այսպէս էր. ճախարակեայ ոսկի էր. Նորա բունիցը մինչեւ նորա ծաղիկները ճախարակեայ էր այն գաղափարի պէս որ Եհովան Մովսէսին ցոյց էր տուել, այնպէս շինեց աշտանակը։

5 Եւ Եհովան խօսեց Մովսէսի հետ ասելով.

6 Առ իսրայէլի որդկանց միջից Ղեւտացիներին եւ մաքրիր նորանց։

7 Եւ նորանց մաքրելու համար այսպէս անես նորանց. մեղսաքաւիչ ջուր սրսկես նորանց վերայ, եւ ածելիով ածիլես նորանց բոլոր մարմինները, եւ նորանք իրանց հանդերձները լուան եւ մաքրուին։

8 Յետոյ մի զուարակ առնեն եւ նորա հացի նուէրի համար իւղով զանգուած բարակ ալիւր. Եւ մի զուարակ առնես մեղքի պատարագի համար։

9 Եւ Ղեւտացիներին ժողովքի խորանի առաջին մօտեցնես, եւ Իսրայէլի որդկանց բոլոր ժողովքը ժողովես։

10 Եւ Ղեւտացիներին Եհովայի առաջին մօտեցնես եւ Իսրայէլի որդիքն իրանց ձեռքերը Ղեւտացիների վերայ դնեն։

11 Եւ Ահարօնը Ղեւտացիներին Եհովայի առաջին երերացնելու պատարագ մատուցանէ Իսրայէլի որդկանց կողմիցը՝ եւ նորանք Եհովայի պաշտօնը կատարելու համար լինեն։

12 Եւ Ղեւտացիներն իրանց ձեռքերն այն զուարակների գլխին դնեն. Եւ մէկը մեղքի պատարագ մատուցրու Եհովային՝ եւ միւսը ողջակէզ՝ Ղեւտացիների համար քաւութիւն անելու։

13 Եւ Ղեւտացիներին կանգնեցնես Ահարօնի եւ նորա որդկանց առաջին եւ նորանց երերացնելու պատարագ մատուցանես Եհովային։

14 Այսպէս բաժանես Ղեւտացիներին Իսրայէլի որդկանց միջիցը, եւ Ղեւտացիները իմը լինեն։

15 Եւ նորանից յետոյ Ղեւտացիները մտնեն ժողովքի խորանի գործն անելու։ Նորանց մաքրես եւ նորանց իբրեւ երերացնելու պատարագ մատուցանես։

16 Որովհետեւ նորանք բոլորովին ինձ են տրուած Իսրայէլի որդկանց միջիցը. Իսրայէլի որդկանց մէջ մօր արգանդ բացող բոլոր անդրանիկների փոխարէն ինձ համար վեր առայ նորանց։

17 Իսրայէլի որդկանց բոլոր անդրանիկները՝ թէ մարդի եւ թէ անասունի լինի՝ իմն են. Եգիպտոսի երկրումը բոլոր անդրանիկներին զարկած օրիցս նորանց սրբեցի ինձ համար։

18 Եւ Իսրայէլի որդկանց բոլոր անդրանիկների փոխարէն Ղեւտացիներին վեր առայ։

19 Եւ Ղեւտացիներին բոլորովին Ահարօնին եւ նորա որդկանցը տուի Իսրայէլի որդկանց միջից, որ ժողովքի խորանի մէջ Իսրայէլի որդկանց պաշտօնն անեն, եւ Իսրայէլի որդկանց համար քաւութիւն անեն, որ իսրայէլի որդկանց վերայ հարուած չգայ՝ Իսրայէլի որդիքը սրբարանին մօտենալիս։

20 Եւ Մովսէսն ու Ահարօնը եւ Իսրայէլի որդկանց բոլոր ժողովքը Ղեւտացիներին արին ինչպէս որ Եհովան Մովսէսին բոլորը պատուիրել էր Ղեւտացիների մասին. Իսրայէլի որդիքն այնպէս արին նորանց։

21 Եւ Ղեւտացիները մաքրուեցան, եւ իրանց հանդերձները լուացին. Եւ Ահարօնը երերացնելու պատարագ մատուցրեց նորանց Եհովայի առաջին. Եւ Ահարօնը նորանց համար քաւութիւն արաւ, որ նորանց մաքրէ։

22 Եւ նորանից յետոյ Ղեւտացիները ժողովքի խորանը մտան՝ Ահարօնի եւ նորա որդկանց առաջին իրանց պաշտօնն անելու համար. Ինչպէս որ Եհովան Մովսէսին պատուիրել էր Ղեւտացիների մասին, այնպէս արին նորանց։

23 Եւ Եհովան խօսեց Մովսէսի հետ ասելով.

24 Սա լինի Ղեւտացիների կանոնը քսանեւհինգ տարեկանից եւ վեր եղողները ժողովքի խորանի պաշտօնը անելու գունդի մէջ մտնեն.

25 Եւ յիսուն տարեկան լինելուց յետոյ պաշտօնի գունդիցը ետ քաշուեն, եւ այլ եւս չծառայեն.

26 Սակայն ժողովքի խորանի մէջ պահպանութիւնը պահելու օգնեն իրանց եղբայրներին, բայց ծառայութիւն չանեն. Այսպէս անես Ղեւտացիներին՝ իրանց պաշտօնների մասին։

<< ← Prev Top Next → >>