Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Ї҆исѹ́са Наѵи́на

Библия - Церковнославянская

Второзако́нїе Ї҆исѹ́са Наѵи́на Сѹді́й ї҆сра́илевыхъ

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24

1 И҆ бы́ша предѣ́лы сынѡ́въ ї҆ѹ́диныхъ по со́нмѡмъ и҆́хъ, ѿ предѣ҄лъ ї҆дѹме́йскихъ, ѿ пѹсты́ни сі́нъ къ лі́вѹ да́же до ка́дисъ къ ю҆́гѹ:

2 и҆ бы́ша предѣ́лы и҆́хъ ѿ полѹ́дне до ча́сти мо́рѧ сла́нагѡ, ѿ верха̀ клонѧ́щагѡсѧ къ ю҆́гѹ,

3 и҆ прохо́дѧтъ прѧ́мѡ восхожде́нїю а҆кравві́мъ, и҆ ѡ҆бхо́дѧтъ сена̀, и҆ восхо́дѧтъ ѿ ю҆́га до ка́дисъ-варнѝ: и҆ и҆схо́дѧтъ и҆з̾ є҆срѡ́на, и҆ восхо́дѧтъ во а҆дда́рѹ, и҆ и҆схо́дѧтъ на за́пады ка́дисъ, ѡ҆бхо́дѧтъ а҆ккаркѝ,

4 и҆ и҆схо́дѧтъ во а҆семѡ́нѹ, и҆ прехо́дѧтъ да́же до де́бри є҆гѵ́петскїѧ: и҆ бѹ́детъ и҆схо́дъ предѣ́лѡвъ є҆гѡ̀ къ мо́рю. Сі́и сѹ́ть предѣ́лы и҆́хъ ѿ ю҆́га.

5 И҆ предѣ́лы ѿ востѡ́къ, всѐ мо́ре сла́ное да́же до ча́сти ї҆ѻрда́на, и҆ предѣ́лы и҆́хъ къ сѣ́верѹ, и҆ ѿ верха̀ мо́рѧ, и҆ ѿ ча́сти ї҆ѻрда́нски:

6 восхо́дѧтъ предѣ́лы (ті́и) въ виѳа́глѹ и҆ прехо́дѧтъ ѿ сѣ́вера къ веѳа́рѹ, и҆ восхо́дѧтъ предѣ́лы къ ка́мени веѡ́ра сы́на рѹви́млѧ,

7 и҆ восхо́дѧтъ предѣ́лы къ деві́рѹ де́бри а҆хѡ́ровы, и҆ низхо́дѧтъ до галга́лы, ѩ҆́же є҆́сть прѧ́мѡ схожде́нїю а҆доммі́нъ, и҆́же є҆́сть къ ю҆́гѹ де́бри, и҆ восхо́дитъ предѣ́лъ къ водѣ̀ и҆сто́чника со́лнечна, и҆ бѹ́детъ и҆схо́дъ є҆гѡ̀ и҆сто́чникъ рѡги́ль:

8 и҆ восхо́дѧтъ предѣ́лы въ де́брь є҆нно́мъ, созадѝ ї҆евѹ́са ѿ полѹ́дне, се́й є҆́сть ї҆ер҇ли́мъ: и҆ и҆схо́дѧтъ предѣ́лы на ве́рхъ горы̀, ѩ҆́же є҆́сть пред̾ лице́мъ де́бри є҆нно́мъ къ мо́рю, ѩ҆́же є҆́сть ѿ ча́сти землѝ рафаі́нъ къ сѣ́верѹ:

9 и҆ прехо́дитъ предѣ́лъ ѿ верха̀ горы̀ ко и҆сто́чникѹ воды̀ нафѳѡ̀ и҆ прехо́дитъ къ горѣ̀ є҆фрѡ́ни, и҆ и҆зведе́тъ предѣ́лъ въ ваа́лъ, се́й є҆́сть гра́дъ ї҆арі́мъ:

10 и҆ ѡ҆бы́детъ предѣ́лъ ѿ ваа́ла къ мо́рю и҆ пре́йдетъ въ го́рѹ сиі́ръ, и҆ пре́йдетъ созадѝ гра́да ї҆арі́ма ѿ сѣ́вера, се́й є҆́сть хасалѡ́нъ: и҆ сни́детъ ко гра́дѹ со́лнечнѹ и҆ пре́йдетъ къ ю҆́гѹ:

11 и҆ прехо́дитъ предѣ́лъ созадѝ а҆ккарѡ́на до сѣ́вера, и҆ прехо́дѧтъ предѣ́лы въ сакхарѡ́нъ, и҆ пре́йдѹтъ го́рѹ землѝ валаа́ни, и҆ прехо́дѧтъ ко ї҆авни́лѹ, и҆ бѹ́детъ и҆схо́дъ предѣ́лѡвъ къ мо́рю, и҆ предѣ́лы и҆́хъ ѿ мо́рѧ, мо́ре вели́кое ѡ҆предѣли́тъ.

12 Сі́и предѣ́лы сынѡ́въ ї҆ѹ́диныхъ ѡ҆́крестъ по со́нмѡмъ и҆́хъ.

13 И҆ дадѐ (ї҆исѹ́съ) хале́вѹ сы́нѹ ї҆ефонні́инѹ ча́сть посредѣ̀ сынѡ́въ ї҆ѹ́диныхъ повелѣ́нїемъ бж҃їимъ, и҆ дадѐ є҆мѹ̀ ї҆исѹ́съ гра́дъ а҆рво́къ, ѻ҆тца̀ є҆на́кова: се́й є҆́сть хеврѡ́нъ.

14 И҆ потребѝ ѿтѹ́дѹ хале́въ сы́нъ ї҆ефонні́инъ трѝ сы́ны є҆на́кѡвы, сѹсі́а и҆ ѳолмаї̀ и҆ а҆хїма̀:

15 и҆ взы́де ѿтѹ́дѹ хале́въ на живѹ́щихъ въ даві́рѣ: и҆́мѧ же пре́жде бѧ́ше даві́рѹ [гра́дъ пи́сменъ].

16 И҆ речѐ хале́въ: и҆́же а҆́ще во́зметъ кто̀ гра́дъ пи́сменъ и҆ воз̾ѡблада́етъ и҆́мъ, да́мъ є҆мѹ̀ а҆сха́нь дще́рь мою̀ въ женѹ̀.

17 И҆ взѧ̀ є҆го̀ гоѳонїи́лъ сы́нъ кене́за, бра́та хале́вова, ю҆нѣ́йшїй: и҆ дадѐ є҆мѹ̀ а҆сха́нь дще́рь свою̀ въ женѹ̀.

18 И҆ бы́сть внегда̀ ѿходи́ти є҆́й, и҆ совѣща̀ съ ни́мъ, глаго́лющи: попрошѹ̀ ѹ҆ ѻ҆тца̀ моегѡ̀ села̀. И҆ воззва̀ со ѻ҆слѧ́ти. И҆ речѐ є҆́й хале́въ: что́ ти є҆́сть;

19 И҆ речѐ є҆мѹ̀: да́ждь мѝ благослове́нїе, ѩ҆́кѡ въ зе́млю полѹ́деннѹю ѿда́лъ є҆сѝ мѧ̀: да́ждь мѝ гѡла́ѳъ-маі́мъ. И҆ дадѐ є҆́й хале́въ гѡла́ѳъ-маі́мъ вы́шнїй и҆ гѡла́ѳъ ни́жнїй.

20 Сїѐ наслѣ́дїе пле́мене сынѡ́въ ї҆ѹ́диныхъ по со́нмѡмъ и҆́хъ:

21 бы́ша же гра́ди и҆́хъ гра́ди пле́мене сынѡ́въ ї҆ѹ́диныхъ къ предѣ́лѡмъ є҆дѡ҄млимъ въ пѹсты́ни, кавсеи́лъ и҆ є҆драі́мъ и҆ ї҆агѹ́ръ,

22 и҆ кїна̀ и҆ дїмѡна̀ и҆ а҆дада̀,

23 и҆ кеде́съ и҆ а҆сѡ́ръ и҆ ї҆ѳнаѯі́фъ,

24 и҆ теле́мъ и҆ валѡ́ѳъ,

25 и҆ а҆сѡ́ръ но́вый и҆ гра́дъ а҆серѡ́мъ (се́й є҆́сть а҆сѡ́ръ):

26 а҆ма́мъ и҆ самаа̀ и҆ мѡдада̀,

27 и҆ а҆сергадда̀ и҆ веѳфале́ѳъ,

28 и҆ а҆сарсѹла̀ и҆ вирсавеѐ (*и҆ се́ла и҆́хъ и҆ предгра҄дїѧ и҆́хъ):

29 и҆ ваала̀ и҆ а҆ѵі́мъ и҆ а҆се́мъ,

30 и҆ є҆лѳѡла́дъ и҆ хесі́лъ и҆ є҆рма̀,

31 и҆ сїкеле́гъ и҆ ведевина̀ и҆ сансанна̀,

32 и҆ лавѡ́ѳъ и҆ селеі́мъ, и҆ а҆і́нъ и҆ реммѡ́нъ: всѣ́хъ градѡ́въ два́десѧть и҆ де́вѧть, и҆ се́ла и҆́хъ.

33 Въ напо́льнѣй, є҆сѳаѡ́лъ и҆ сараа̀, и҆ а҆сна̀ (*и҆ раме́нъ),

34 и҆ занѡ̀ и҆ и҆нгоні́мъ, и҆ ѳаффѹа̀ и҆ и҆наі́мъ,

35 и҆ ї҆ерїмѹ́ѳъ и҆ ѻ҆долла́мъ, (*и҆ немра̀) и҆ сѡхѡ̀ и҆ а҆зика̀,

36 и҆ сагарі́мъ и҆ а҆дїаѳаі́мъ, и҆ га́дира и҆ се́ла є҆ѧ̀: гра́ди четырена́десѧть и҆ вє́си и҆́хъ.

37 Сенна́мъ и҆ а҆даса̀ и҆ магдалга́дъ,

38 и҆ далаа́нъ и҆ масфа̀ и҆ ї҆екѳаи́лъ,

39 и҆ лахі́съ и҆ васха́ѳъ и҆ є҆глѡ́мъ,

40 и҆ хаввѡ́нъ и҆ лама́съ и҆ хаѳлѡ́съ,

41 и҆ гадирѡ́ѳъ и҆ ви́ѳъ-дагѡ́нъ, и҆ нѡма̀ и҆ макида̀: гра́ди шестьна́десѧть и҆ вє́си и҆́хъ.

42 Левна̀ и҆ а҆ѳе́ръ и҆ а҆са́нъ,

43 и҆ ї҆ефѳа̀ и҆ а҆сенна̀ и҆ несі́въ,

44 и҆ кеїла̀ и҆ а҆хзе́въ, и҆ мариса̀ (*и҆ є҆дѡ́мъ): гра́ди де́вѧть и҆ вє́си и҆́хъ.

45 А҆ккарѡ́нъ и҆ се́ла є҆гѡ̀ и҆ предгра҄дїѧ є҆гѡ̀.

46 (*И҆) ѿ а҆ккарѡ́на, ї҆емнѐ и҆ всѝ є҆ли҄ки сѹ́ть бли́з̾ а҆сдѡ́ѳа, и҆ вє́си и҆́хъ:

47 а҆сдѡ́ѳъ и҆ вє́си є҆гѡ̀ и҆ предгра҄дїѧ є҆гѡ̀: га́за и҆ вє́си є҆ѧ̀ и҆ предгра҄дїѧ є҆ѧ̀, да́же до водоте́чи є҆гѵ́петскїѧ, и҆ мо́ре вели́кое ѡ҆предѣлѧ́етъ.

48 И҆ въ го́рнѣй, сафі́ръ и҆ ї҆еѳе́ръ и҆ сѡхѡ̀,

49 и҆ ренна̀, гра́дъ пи́сменъ (*се́й є҆́сть даві́ръ),

50 и҆ а҆нѡ́въ и҆ є҆сѳемѡ̀ и҆ а҆ні́мъ,

51 и҆ госо́мъ и҆ хїлѹѡ́нъ и҆ гилѡ́нъ: градѡ́въ є҆динона́десѧть и҆ вє́си и҆́хъ.

52 Є҆ре́въ и҆ є҆са́нъ и҆ рѹма̀,

53 и҆ ї҆анѹ́мъ и҆ ве́ѳъ-ѳапфѹѐ и҆ а҆фака̀,

54 и҆ хаммата̀ и҆ гра́дъ а҆рво̀ (*се́й є҆́сть хеврѡ́нъ) и҆ сїѡ́ръ: градѡ́въ де́вѧть и҆ се́ла и҆́хъ.

55 Маѡ́нъ и҆ херме́лъ, и҆ зі́фъ и҆ ї҆етта̀,

56 и҆ ї҆ездрае́ль и҆ ї҆екдаа́мъ и҆ занѡ̀,

57 а҆кі́мъ и҆ гаваа̀ и҆ ѳамна̀: гра́ди де́сѧть и҆ вє́си и҆́хъ.

58 А҆лѹ́лъ и҆ веѳсѹ́ръ и҆ гедѡ́ръ,

59 и҆ марѡ́ѳъ и҆ веѳанѡ́нъ и҆ є҆лѳеке́нъ: гра́ди ше́сть и҆ вє́си и҆́хъ: ѳекѡ̀ и҆ є҆фраѳа̀ (*се́й є҆́сть виѳлее́мъ): и҆ фагѡ́ръ и҆ є҆та́мъ, и҆ кѹло́нъ и҆ татамї̀, и҆ сѡри́съ и҆ каре́мъ, и҆ галлі́мъ и҆ веѳи́ръ и҆ манохѡ̀: градѡ́въ є҆динона́десѧть и҆ вє́си и҆́хъ.

60 Карїа́ѳъ-ваа́лъ (*се́й гра́дъ ї҆арі́мъ) и҆ а҆ревва̀: гра́ди два̀, и҆ се́ла и҆́хъ и҆ предгра҄дїѧ и҆́хъ.

61 Ваддаргі́съ и҆ виѳарава̀, (*и҆) мадѡ́нъ и҆ сохоха̀,

62 и҆ невса́нъ и҆ гра́дъ со́ли и҆ и҆нгаддї̀: гра́ди ше́сть и҆ вє́си и҆́хъ.

63 И҆ ї҆евѹсе́й ѡ҆бита́ше во ї҆ер҇ли́мѣ, и҆ не возмого́ша сы́нове ї҆ѹ҄дины погѹби́ти и҆̀хъ: и҆ ѡ҆бита́ша ї҆евѹсе́є съ сынмѝ ї҆ѹ́диными во ї҆ер҇ли́мѣ да́же до днѐ ѻ҆́нагѡ.

<< ← Prev Top Next → >>