Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Աստվածաշունչը / հին Կտակարան / ԹԱԳԱՒՈՐՈՒԹԻՒՆՆԵՐ Գ

Աստվածաշունչը - Արարատյան Թարգմանություն

ԹԱԳԱՒՈՐՈՒԹԻՒՆՆԵՐ Բ ԹԱԳԱՒՈՐՈՒԹԻՒՆՆԵՐ Գ ԹԱԳԱՒՈՐՈՒԹԻՒՆՆԵՐ Դ

ղեկավար 1 2 3 4 5 6 7 8 9 10 11 12 13 14 15 16 17 18 19 20 21 22

1 Եւ Ասորիների թագաւոր Բենադադը ժողովեց իր բոլոր զօրքերը, եւ երեսունեւերկու թագաւոր իրան հետ, ձիերով եւ կառքերով, եւ վեր գնաց ու պաշարեց Սամարիան եւ պատերազմ արաւ նորա հետ։

2 Եւ պատգամաւորներ ուղարկեց քաղաքը Իսրայէլի թագաւոր Աքաաբի մօտ,

3 Եւ ասեց նորան. Այսպէս է ասում բենադադը, Քո արծաթը եւ քո ոսկին իմն է, եւ քո կանայքը եւ քո գեղեցիկ որդիները իմն են։

4 Եւ Իսրայէլի թագաւորը պատասխանեց եւ ասեց. Քո ասածի պէս լինի, ով իմ տէր թագաւոր, ես եւ իմ բոլոր ունեցածը քոնն ենք։

5 Եւ պատգամաւորները ետ դառան եւ ասեցին. Այսպէս է ասում Բենադադն ասելով թէ Ես քեզ մօտ մարդ ուղարկեցի եւ ասեցի՝ քո արծաթը եւ ոսկին, քո կանայքը եւ քո որդիները ինձ տուր։

6 Ուրեմն էգուց իմ ծառաներին քեզ մօտ կուղարկեմ, որ նորանք պտրտեն քո տունը եւ քո ծառաների տուները, եւ ինչ որ քո աչքին հաճելի բան լինի, նորանք պիտի իրանց ձեռքն առնեն։

7 Եւ Իսրայէլի թագաւորը կանչեց երկրի բոլոր ծերերին եւ ասեց. Խնդրեմ իմացէք եւ տեսէք, որ նա ահա չարութիւն է ուզում. Որովհետեւ նա մարդ է ուղարկել ինձ մօտ իմ կանանց եւ որդկանց եւ իմ արծաթի ու իմ ոսկիի համար, եւ ես նորան չմերժեցի։

8 Եւ բոլոր ծերերը եւ բոլոր ժողովուրդը ասեցին նորան. Մի լսիր եւ յանձդ մի առնիր։

9 Եւ նա ասեց Բենադադի պատգամաւորներին. Ասեցէք իմ տէր թագաւորին՝ ինչի համար որ մարդ էիր ուղարկել ծառայիդ մօտ առաջին անգամ, այն կանեմ, բայց այս բանը չեմ կարող անել. Եւ պատգամաւորները գնացին եւ պատասխանը ետ տարին։

10 Եւ Բենադադը նորա մօտ մարդ ուղարկեց եւ ասեց. Աստուածներն ինձ այսպէս անեն, եւ սորանից աւելի անեն, եթէ Սամարիայի հողը բաւականանայ իմ ետեւից եկող բոլոր զօրքերի ափերին։

11 Եւ Իսրայէլի թագաւորը պատասխանեց եւ ասեց. Ասեցէք. Թող չպարծենայ գօտին կապողը իբրեւ լուծողը։

12 Եւ եղաւ հէնց որ նա լսեց այս խօսքը, երբոր ինքը եւ թագաւորները խմում էին վրաններումը, իսկոյն ասեց իր ծառաներին. Շարուեցէք. Եւ նորանք շարուեցան քաղաքի դէմ։

13 Եւ ահա մէկ մարգարէ մօտեցաւ Իսրայէլի Աքաաբ թագաւորին եւ ասեց. Այսպէս է ասում Տէրը. Բոլոր այս մեծ ամբոխը տեսա՞ր. Ահա ես նորան քո ձեռքն եմ յանձնելու այսօր, որ իմանաս թէ ես եմ Տէրը։

14 Եւ Աքաաբն ասեց. Որի՞ ձեռքով. Եւ նա ասեց. Գաւառաց իշխանների պատանիների ձեռքովը. Եւ ասեց. Ո՞վ պիտի սկսէ պատերազմը. Նա էլ ասեց. Դու։

15 Եւ նա համարեց գաւառաց իշխանների պատանիներին, եւ նորանք երկու հարիւր երեսունեւերկու էին, եւ նորանցից յետոյ համարեց ժողովրդին՝ բոլոր Իսրայէլի որդիներին՝ եօթը հազար։

16 Եւ նորանք դուրս ելան կէսօրին. Բայց Բենադադը խմած արբած էր վրաններումը ինքը եւ իրան օգնող երեսունեւերկու թագաւորները։

17 Եւ գաւառաց իշխանների պատանիները առաջ դուրս ելան. Եւ Բենադադը մարդ ուղարկեց, եւ նորան իմացրին ասելով. Սամարիայից մարդիկ են դուրս գալիս։

18 Նա էլ ասեց. Եթէ խաղաղութեան համար են դուրս եկել, նորանց ողջ ողջ բռնեցէք. Եւ եթէ պատերազմի համար են դուրս եկել, էլի ողջ բռնեցէք նորանց։

19 Եւ սորանք դուրս եկան քաղաքիցը՝ գաւառաց իշխանների պատանիները եւ այն զօրքը որ նորանց ետեւին էր.

20 Եւ ամեն մարդ զարկեց իր դիմացինին. Եւ Ասորիները փախան. Եւ Իսրայէլը հալածեց նորանց. Եւ Ասորիների թագաւոր Բենադադը պրծաւ ձիան վերայ եւ ձիաւորներով։

21 Եւ Իսրայէլի թագաւորը դուրս եկաւ ու զարկեց ձիերն էլ կառքերն էլ. Եւ Ասորիների մէջ մեծ կոտորած արաւ։

22 Եւ մարգարէն մօտեցաւ Իսրայէլի թագաւորին եւ ասեց նորան. Գնա ուժովացիր, եւ իմացիր եւ տես թէ ինչ պիտի անես, որովհետեւ եկող տարի Ասորիների թագաւորը վեր է գալու քեզ վերայ։

23 Եւ Ասորիների թագաւորի ծառաներն ասեցին նորան. Նորանց աստուածները սարերի աստուածներ են, նորա համար մեզ յաղթեցին. Բայց եթէ նորանց հետ պատերազմենք դաշտի մէջ, անշուշտ մենք նորանց կյաղթենք։

24 Եւ այս բանն արա. Թագաւորների ամեն մէկին հեռացրու իր տեղիցը, եւ նախարարներ դիր նորանց տեղ։

25 Եւ այնքան զօրք ժողովիր քեզ համար որքան որ քեզանից կորաւ, եւ ձիերի չափ ձիեր եւ կառքերի չափ կառքեր, եւ մենք պատերազմենք նորանց հետ դաշտումը, եւ մենք անշուշտ կյաղթենք նորանց. Եւ նա լսեց նորանց խօսքին եւ այնպէս արաւ։

26 Եւ եղաւ որ եկող տարին Բենադադը Ասորիներին հանդէս արաւեւ վեր գնաց Ափէկ որ Իսրայէլի հետ պատերազմէ։

27 Եւ Իսրայէլի որդիքն էլ հանդէս արին, եւ պաշար առան ու գնացին նորանց առաջը. Եւ Իսրայէլի որդիքը բանակ կազմեցին նորանց դիմացը այծերի երկու երամակների պէս. Բայց Ասորիները լցրել էին երկիրը։

28 Եւ Աստուծոյ մարդը մօտեցաւ եւ ասեց Իսրայէլի թագաւորին թէ Այսպէս է ասում Տէրը. Որովհետեւ Ասորիներն ասում են թէ Եհովան սարերի Աստուած է եւ ոչ թէ հովիտների Աստուած է նա. Վասն որոյ այս մեծ ամբոխը քո ձեռքն եմ մատնելու, որ դուք գիտենաք թէ Եհովան ես եմ։

29 Եւ եօթն օր իրար դէմ բանակ տուած կացան. Եւ եօթներորդ օրը պատերազմ եղաւ. Եւ Իսրայէլի որդիքը ջարդեցին Ասորիներից հարիւր հազար հետեւակ զօրք մէկ օրում։

30 Եւ մնացորդները փախան Ափէկ քաղաքը. Եւ պարիսպը ընկաւ մնացած քսանեւեօթը հազար մարդկանց վերայ. Եւ Բենադադը փախաւ եւ մտաւ քաղաքումը մի տան խոր սենեակը։

31 Եւ նորա ծառաներն ասեցին իրան. Ահա մենք լսել ենք, որ Իսրայէլի տան թագաւորները ողորմած թագաւորներ են. Թող մեր մէջքերին քուրձեր եւ մեր գլուխներին չուաններ դնենք, եւ գնանք դուրս Իսրայէլի թագաւորի մօտ. Գուցէ նա քո անձը ողջ թողէ։

32 Եւ նորանք մէջքերին քուրձեր եւ իրանց գլուխներին չուաններ կապեցին եւ գնացին Իսրայէլի թագաւորի մօտ եւ ասեցին. Ծառադ Բենադադն ասում է. Թող իմ անձն ապրէ։ Եւ նա ասեց. Մի՞թէ նա դեռ ողջ է. Նա իմ եղբայրն է։

33 Եւ նորա մարդիկը այս յաջողութիւն համարեցին, եւ շտապելով տեղեկացան թէ նորանի՞ց է արդեօք, եւ ասեցին. Ահա քո եղբայրը Բենադադ. Եւ նա ասեց. Գնացէք նորան բերէք։ Եւ Բենադադը դուրս ելաւ նորա մօտ, եւ նա նորան վեր բարձրացրեց կառքի մէջը.

34 Եւ ասեց նորան. Այն քաղաքները որոնք իմ հայրն առաւ քո հօրիցը ես ետ կդարձնեմ. Եւ դու քեզ համար հրապարակներ ունեցիր Դամասկոսում ինչպէս իմ հայրն ունէր Սամարիայում։ Իսկ ես, ասեց Աքաաբը, դաշինքով կարձակեմ քեզ։ Եւ նա դաշինք դրաւ նորա հետ, եւ նա էլ արձակեց նորան։

35 Եւ մարգարէների որդիներից մէկ մարդ ասեց Տիրոջ խօսքովը իր ընկերին. Խնդրեմ՝ ինձ զարկիր, բայց այն մարդը չուզեց նորան զարկել։

36 Նա էլ ասեց նորան. Որովհետեւ դու չլսեցիր Տիրոջ խօսքին, ահա ինձանից գնալիս առիւծը պիտի քեզ զարկէ. Եւ նա գնաց նորա կշտիցը. Եւ մի առիւծ գտաւ նորան եւ զարկեց նորան։

37 Եւ մէկ ուրիշ մարդ գտաւ եւ ասեց նորան. Խնդրեմ՝ ինձ զարկիր. Եւ այն մարդը զարկեց նորան սաստիկ եւ վիրաւորեց։

38 Եւ մարգարէն գնաց եւ կանգնեց թագաւորի ճանապարհին եւ աչքերի վերա մի ծածկոց դնելով իրան ծածկեց։

39 Եւ թագաւորն անց կենալիս՝ նա կանչեց թագաւորին եւ ասեց. Ծառադ գնացել էր պատերազմի մէջը. Եւ ահա մի ետ քաշուող մարդ ինձ մօտ մի մարդ բերաւ եւ ասեց. Պահպանիր այս մարդը. Եթէ նա կորչելու լինի, քո անձը պիտի լինի նորա անձի տեղ, կամ մի տաղանդ արծաթ պիտի վճարես։

40 Եւ երբոր ծառադ այսինչ եւ այնինչ բանը անում էի, եւ նա չկար։ Եւ Իսրայէլի թագաւորն ասեց նորան. Քո դատաստանն էլ այդպէս. Դու ինքդ վճռեցիր։

41 Եւ նա շուտով հեռացրեց ծածկոցը աչքերի վերայից. Եւ Իսրայէլի թագաւորը ճանաչեց նորան որ նա մարգարէներիցն էր։

42 Եւ նա ասեց նորան. Այսպէս է ասում Տէրը. որովհետեւ դու իմ նզոված մարդին արձակեցիր ձեռքից, ուրեմն քո անձը պիտի լինի նորա անձի տեղ, եւ քո ժողովուրդը նորա ժողովրդի տեղ։

43 Եւ Իսրայէլի թագաւորը գնաց իր տունը տխուր եւ բարկացած, եւ եկաւ Սամարիա։

<< ← Prev Top Next → >>