Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / а҃ паралипоме́нѡнъ

Библия - Церковнославянская

д҃ ца́рствъ а҃ паралипоме́нѡнъ в҃ паралипоме́нѡнъ

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

1 Сы́нове леѵі́и: герсѡ́нъ, каа́ѳъ и҆ мера́рї.

2 Сы́нове же каа́ѳѡвы: а҆мра́мъ и҆ ї҆ссаа́ръ, хеврѡ́нъ и҆ ѻ҆зїи́лъ.

3 Сы́нове же а҆мра҄мли: а҆арѡ́нъ и҆ мѡѷсе́й и҆ марїа́мъ. Сы́нове же а҆арѡ́нѡвы: нада́въ и҆ а҆вїѹ́дъ, є҆леаза́ръ и҆ ї҆ѳама́ръ.

4 И҆ є҆леаза́ръ родѝ фїнее́са, и҆ фїнее́съ родѝ а҆вїѹ́да,

5 и҆ а҆вїѹ́дъ родѝ воккі́а, и҆ воккі́й родѝ ѻ҆зі́ю,

6 ѻ҆зі́а же родѝ саре́а, и҆ саре́й родѝ марїѡ́ѳа,

7 марїѡ́ѳъ же родѝ а҆марі́ю, а҆марі́а же родѝ а҆хїтѡ́ва,

8 а҆хїтѡ́въ же родѝ садѡ́ка, и҆ садѡ́къ родѝ а҆хїмаа́са,

9 а҆хїмаа́съ же родѝ а҆за́рїю и҆ а҆за́рїа родѝ ї҆ѡана́на,

10 ї҆ѡана́нъ же родѝ а҆за́рїю, то́й є҆́сть а҆за́рїа, и҆́же свѧще́нствова въ домѹ̀, є҆го́же созда̀ соломѡ́нъ во ї҆ер҇ли́мѣ.

11 Роди́ же а҆за́рїа а҆марі́ю, и҆ а҆марі́а родѝ а҆хїтѡ́ва,

12 а҆хїтѡ́въ же родѝ садѡ́ка, и҆ садѡ́къ родѝ селлѹ́ма,

13 и҆ селлѹ́мъ родѝ хелкі́ю, и҆ хелкі́а родѝ а҆за́рїю,

14 и҆ а҆за́рїа родѝ саре́а, и҆ саре́й родѝ ї҆ѡседе́ка.

15 Ї҆ѡседе́къ же и҆зы́де, є҆гда̀ преселѝ гд҇ь ї҆ѹ́дѹ и҆ ї҆ер҇ли́ма рѹко́ю навѹходоно́сора въ вавѷлѡ́нъ.

16 Сы́нове же леѵі́ини: герсѡ́нъ, каа́ѳъ и҆ мера́рї.

17 И҆ сїѧ҄ и҆мена̀ сынѡ́въ герсѡ́нихъ: ловені́й и҆ семе́й.

18 Сы́нове же каа́ѳѡвы: а҆мра́мъ и҆ ї҆ссаа́ръ, хеврѡ́нъ и҆ ѻ҆зїи́лъ.

19 Сы́нове же мера҄рїны: моолї̀ и҆ мѹсї̀. И҆ сі́и ро́ди леѵі́ини по ѻ҆те́чествѡмъ и҆́хъ.

20 Герсѡ́нови: ловені́й сы́нъ є҆гѡ̀, ї҆е́ѳъ сы́нъ є҆гѡ̀, се́мна сы́нъ є҆гѡ̀,

21 ї҆ѡ́ла сы́нъ є҆гѡ̀, а҆́ддо сы́нъ є҆гѡ̀, за́ра сы́нъ є҆гѡ̀, ї҆еѳрї̀ сы́нъ є҆гѡ̀.

22 Сы́нове каа́ѳѡвы: и҆ссаа́ръ сы́нъ є҆гѡ̀, а҆мїнада́въ сы́нъ є҆гѡ̀, коре́й сы́нъ є҆гѡ̀, а҆си́ръ сы́нъ є҆гѡ̀,

23 є҆лка́на сы́нъ є҆гѡ̀, а҆вїса́фъ сы́нъ є҆гѡ̀, а҆си́ръ сы́нъ є҆гѡ̀,

24 каа́ѳъ сы́нъ є҆гѡ̀, ѹ҆рїи́лъ сы́нъ є҆гѡ̀, ѻ҆зі́а сы́нъ є҆гѡ̀, саѹ́лъ сы́нъ є҆гѡ̀.

25 Сы́нове же є҆лка́нѡвы: а҆масї̀ сы́нъ є҆гѡ̀, а҆мїѡ́ѳъ сы́нъ є҆гѡ̀,

26 є҆лка́на сы́нъ є҆гѡ̀, сѹфі́й сы́нъ є҆гѡ̀, и҆ наа́ѳъ сы́нъ є҆гѡ̀,

27 є҆лїа́въ сы́нъ є҆гѡ̀, ї҆еремеи́лъ сы́нъ є҆гѡ̀, є҆лка́на сы́нъ є҆гѡ̀, самѹи́лъ сы́нъ є҆гѡ̀.

28 Сы́нове же самѹи҄ли: пе́рвенецъ є҆гѡ̀ ї҆ѡи́ль и҆ вторы́й а҆ві́а.

29 Сы́нове же мера҄рїны: моолї̀ сы́нъ є҆гѡ̀, ловені́й си́мъ є҆гѡ̀, семе́й сы́нъ є҆гѡ̀, ѻ҆зі́а сы́нъ є҆гѡ̀,

30 саммаа̀ сы́нъ є҆гѡ̀, а҆на́нїй сы́нъ є҆гѡ̀, а҆саі́а сы́нъ є҆гѡ̀.

31 Сі́и же сѹ́ть, и҆̀хже поста́ви даві́дъ над̾ пѣвцы҄ въ домѹ̀ гд҇ни, є҆гда̀ поста́ви кївѡ́тъ:

32 и҆ бѧ́хѹ слѹжа́ще пред̾ ски́нїею до́мѹ свидѣ́нїѧ въ пѣ́нїи, до́ндеже созда̀ соломѡ́нъ до́мъ гд҇ень во ї҆ер҇ли́мѣ, и҆ стоѧ́хѹ по чи́нѹ своемѹ̀ въ слѹже́нїи свое́мъ.

33 И҆ сі́и предстоѧ́щїи и҆ сы́нове и҆́хъ ѿ сынѡ́въ каа́ѳовыхъ: є҆ма́нъ пѣве́цъ сы́нъ ї҆ѡи́лѧ, сы́на самѹи́лева,

34 сы́на є҆лка́нова, сы́на є҆ремеи́лева, сы́на є҆лїа́влѧ, сы́на наа́ѳова,

35 сы́на сѹ́фова, сы́на є҆лкана́ева, сы́на а҆мїѡ́ѳова, сы́на а҆ма́сова,

36 сы́на є҆лка́нова, сы́на ї҆ѡи́лева, сы́на а҆зарі́ева, сы́на сафані́ева,

37 сы́на маа́ѳова, сы́на а҆ссе́рова, сы́на а҆вїаса́фова, сы́на а҆си́рова, сы́на коре́ова,

38 сы́на а҆мїнада́вова, сы́на ї҆саа́рова, сы́на каа́ѳова, сы́на леѵі́ина, сы́на ї҆и҃лева:

39 и҆ бра́тъ є҆гѡ̀ а҆са́фъ, и҆́же стоѧ́ша ѡ҆деснѹ́ю є҆гѡ̀: а҆са́фъ сы́нъ варахі́и, сы́на самаа́ева,

40 сы́на мїхаи́лова, сы́на масі́лова, сы́на мелхі́ева,

41 сы́на а҆ѳані́ева, сы́на зара́ева, сы́на а҆даі́ева,

42 сы́на и҆ѳа́мова, сы́на земми́на, сы́на семеі́ева,

43 сы́на ї҆ее́ѳова, сы́на герсѡ́нова, сы́на леѵі́ина.

44 Сы́нове же мера҄рїны бра́тїѧ и҆́хъ ѡ҆шѹ́юю: є҆ѳа́мъ сы́нъ хѹсі́и, сы́на а҆вді́ина, сы́на малѡ́хова,

45 сы́на саві́ева, сы́на а҆масі́ева, сы́на хелкі́ева,

46 сы́на а҆масі́ева, сы́на вані́ина, сы́на семи́рова,

47 сы́на моолі́ина, сы́на мѹсі́ева, сы́на мера́рїна, сы́на леѵі́ина.

48 Бра́тїѧ же и҆́хъ по домѡ́мъ ѻ҆те́чествъ и҆́хъ, леѵі́тѧне даны̀ во всѧ́кое дѣ́ло слѹже́нїѧ ски́нїи до́мѹ бж҃їѧ:

49 и҆ а҆арѡ́нъ и҆ сы́нове є҆гѡ̀ кадѧ́хѹ над̾ ѻ҆лтаре́мъ всесожже́нїй и҆ над̾ ѻ҆лтаре́мъ ѳѷмїа́ма во всѧ́кое дѣ́ло ст҃ы́хъ ст҃ы҄мъ, и҆ да мо́лѧтсѧ за ї҆и҃лѧ по всемѹ̀, є҆ли҄ка повелѣ̀ мѡѷсе́й ра́бъ бж҃їй.

50 Сі́и же сы́нове а҆арѡ҄ни: є҆леаза́ръ сы́нъ є҆гѡ̀, фїнее́съ сы́нъ є҆гѡ̀, а҆вїѹ́дъ сы́нъ є҆гѡ̀,

51 вѡкхі́й сы́нъ є҆гѡ̀, ѻ҆зі́й сы́нъ є҆гѡ̀, саре́й сы́нъ є҆гѡ̀,

52 марїо́ѳъ сы́нъ є҆гѡ̀, а҆марі́а сы́нъ є҆гѡ̀, а҆хїтѡ́въ сы́нъ є҆гѡ̀,

53 садѡ́къ сы́нъ є҆гѡ̀, а҆хїмаа́съ сы́нъ є҆гѡ̀.

54 И҆ сїѧ҄ ѡ҆бита҄нїѧ и҆́хъ, по се́ламъ и҆́хъ и҆ въ предѣ́лѣхъ и҆́хъ, сынѡ́мъ а҆арѡ҄нимъ пле́мени каа́ѳовѹ, тѣ҄мъ бо бы́сть жре́бїй:

55 и҆ да́ша и҆̀мъ хеврѡ́нъ въ землѝ ї҆ѹ́динѣ и҆ подгра҄дїѧ є҆гѡ̀ ѡ҆́крестъ є҆гѡ̀:

56 и҆ се́ла гра́да и҆ вє́си є҆гѡ̀ да́ша хале́вѹ сы́нѹ ї҆ефонні́инѹ.

57 Сынѡ́мъ же а҆арѡ҄нимъ да́ша гра́ды ѹ҆бѣ́жищъ: хеврѡ́нъ и҆ подгра҄дїѧ є҆гѡ̀, и҆ ло́внѹ и҆ подгра҄дїѧ є҆ѧ̀, и҆ а҆ло́мъ и҆ ѡ҆крє́стнаѧ є҆гѡ̀,

58 и҆ кело́мъ и҆ ѡ҆крє́стнаѧ є҆гѡ̀, и҆ даві́ръ и҆ ѡ҆крє́стнаѧ є҆гѡ̀,

59 и҆ а҆са́нъ и҆ подгра҄дїѧ є҆гѡ̀, и҆ веѳсамѵ́съ и҆ подгра҄дїѧ є҆гѡ̀, и҆ веѳсѹ́ръ и҆ подгра҄дїѧ є҆гѡ̀:

60 ѿ колѣ́на же венїамі́нова гаваѡ́нъ и҆ подгра҄дїѧ є҆гѡ̀, и҆ є҆ламо́ѳъ и҆ подгра҄дїѧ є҆гѡ̀, и҆ є҆ламве́й и҆ подгра҄дїѧ є҆гѡ̀, и҆ а҆наѳѡ́ѳъ и҆ подгра҄дїѧ є҆гѡ̀: всѣ́хъ градѡ́въ и҆́хъ трина́десѧть, градѡ́въ по племенє́мъ и҆́хъ.

61 И҆ сынѡ́мъ каа́ѳѡвымъ ѡ҆ста́вшымсѧ ѿ пле́мене ро́да, ѿ полѹпле́мене манассі́ина, да́ша по жре́бїю де́сѧть градѡ́въ.

62 И҆ сынѡ́мъ герсѡ҄нимъ по пле́менємъ и҆́хъ ѿ колѣ́на ї҆ссаха́рова и҆ ѿ колѣ́на а҆си́рова, и҆ ѿ колѣ́на нефѳалі́мова и҆ ѿ колѣ́на манассі́ина въ васа́нѣ, гра́ды трина́десѧть.

63 И҆ сынѡ́мъ мера҄рїнымъ по пле́менємъ и҆́хъ ѿ колѣ́на рѹви́мова и҆ ѿ колѣ́на га́дова и҆ ѿ колѣ́на завѹлѡ́нѧ да́ша по жре́бїю градѡ́въ двана́десѧть.

64 Да́ша же сы́нове ї҆и҃лєвы леѵі́тѡмъ гра́ды и҆ подгра҄дїѧ и҆́хъ.

65 Да́ша же по жре́бїю ѿ колѣ́на сынѡ́въ ї҆ѹ́диныхъ и҆ ѿ колѣ́на сынѡ́въ сѷмеѡ́нихъ и҆ ѿ колѣ́на сынѡ́въ венїамі́нихъ гра́ды сїѧ҄, и҆̀хже назва́ша и҆мены̀ (свои́ми).

66 И҆ ѿ племе́нъ сынѡ́въ каа́ѳовыхъ, и҆ бы́ша гра́ды предѣ́лѡвъ и҆́хъ ѿ колѣ́на є҆фре́мова:

67 и҆ да́ша и҆̀мъ гра́ды ѹ҆бѣ́жищъ: сѷхе́мъ съ подгра́дїѧми є҆гѡ̀ въ горѣ̀ є҆фре́мовѣ и҆ газе́ръ съ подгра́дїѧми є҆гѡ̀,

68 и҆ є҆кмаа́нъ съ подгра́дїѧми є҆гѡ̀, и҆ веѳѡрѡ́нъ и҆ подгра́дїе є҆гѡ̀,

69 и҆ є҆лѡ́нъ съ подгра́дїѧми є҆гѡ̀, и҆ геѳремѡ́нъ съ подгра́дїѧми є҆гѡ̀:

70 и҆ ѿ полови́ны колѣ́на манассі́ина а҆неи́ръ и҆ подгра҄дїѧ є҆гѡ̀, и҆ ї҆евлаа́мъ и҆ подгра҄днаѧ є҆гѡ̀, по пле́мени сынѡ́мъ каа́ѳѡвымъ ѡ҆ста́вшымсѧ.

71 Сынѡ́мъ герсѡ҄нимъ ѿ ѻ҆те́чествъ полѹпле́мене манассі́ина гаѵлѡ́нъ ѿ васа́на и҆ подгра҄днаѧ є҆гѡ̀, и҆ а҆сирѡ́ѳъ съ подгра́дными є҆гѡ̀:

72 и҆ ѿ колѣ́на ї҆ссаха́рова кеде́съ съ подгра́дными є҆гѡ̀, и҆ нада́ръ съ подгра́дными є҆гѡ̀,

73 и҆ рамѡ́ѳъ и҆ подгра҄днаѧ є҆гѡ̀, и҆ є҆на́нъ съ подгра́дными є҆гѡ̀:

74 и҆ ѿ колѣ́на а҆си́рова масі́ю съ подгра́дными є҆гѡ̀, и҆ рамѡ́ѳъ и҆ подгра́дїе є҆гѡ̀,

75 и҆ а҆ка́къ и҆ подгра́дїе є҆гѡ̀, и҆ роѡ́въ съ подгра́дными є҆гѡ̀:

76 и҆ ѿ колѣ́на нефѳалі́млѧ ка́дисъ въ галїле́и и҆ подгра҄днаѧ є҆гѡ̀, и҆ хамѡ́ѳъ съ подгра́дными є҆гѡ̀, и҆ карїаѳаі́мъ и҆ подгра҄днаѧ є҆гѡ̀.

77 И҆ сынѡ́мъ мера҄рїнымъ ѡ҆ста́вшымсѧ ѿ колѣ́на завѹлѡ́нѧ реммѡ́нъ и҆ подгра҄днаѧ є҆гѡ̀, и҆ ѳавѡ́ръ съ подгра́дными є҆гѡ̀,

78 и҆ за ї҆ѻрда́номъ ї҆ерїхѡ́нъ проти́вѹ восто́ка ї҆ѻрда́нова: ѿ колѣ́на рѹви́мова восо́ръ въ пѹсты́ни съ подгра́дными є҆гѡ̀, и҆ є҆́сса съ подгра́дными є҆гѡ̀,

79 и҆ кадимѡ́ѳъ и҆ подгра҄днаѧ є҆гѡ̀, и҆ моаѱа́ѳъ съ подгра́дными є҆гѡ̀:

80 и҆ ѿ колѣ́на га́дова раммѡ́ѳъ галаа́дскїй и҆ подгра҄днаѧ є҆гѡ̀, и҆ наи́мъ съ подгра́дными є҆гѡ̀,

81 и҆ є҆севѡ́нъ съ подгра́дными є҆гѡ̀, и҆ ї҆ази́ръ съ подгра́дными є҆гѡ̀.

<< ← Prev Top Next → >>