Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / в҃ паралипоме́нѡнъ

Библия - Церковнославянская

а҃ паралипоме́нѡнъ в҃ паралипоме́нѡнъ а҃ е҆́здры

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1 И҆ є҆гда̀ совершѝ соломѡ́нъ молѧ́сѧ, и҆ ѻ҆́гнь сни́де съ небесѐ и҆ поѧдѐ всесожжє́нїѧ и҆ жє́ртвы и҆ сла́ва гд҇нѧ и҆спо́лни до́мъ:

2 и҆ не можа́хѹ свѧще́нницы вни́ти въ хра́мъ гд҇нь во вре́мѧ ѻ҆́но, ѩ҆́кѡ и҆спо́лни сла́ва гд҇нѧ до́мъ гд҇ень.

3 И҆ всѝ сы́нове ї҆и҃лєвы ви́дѧхѹ сходѧ́щь ѻ҆́гнь и҆ сла́вѹ гд҇ню на до́мъ, и҆ падо́ша ни́цъ на зе́млю на помо́стъ по́стланъ ка́менїемъ, и҆ поклони́шасѧ, и҆ восхвали́ша гд҇а, ѩ҆́кѡ бл҃гъ, ѩ҆́кѡ во вѣ́къ мл҇ть є҆гѡ̀.

4 Ца́рь же и҆ всѝ лю́дїе пожро́ша жє́ртвы пред̾ гд҇емъ.

5 И҆ пожрѐ ца́рь соломѡ́нъ же́ртвѹ волѡ́въ два́десѧть и҆ двѣ̀ ты́сѧщы, ѻ҆ве́цъ сто̀ и҆ два́десѧть ты́сѧщъ, и҆ ѡ҆свѧтѝ до́мъ бж҃їй ца́рь и҆ всѝ лю́дїе.

6 Свѧще́нницы же стоѧ́хѹ на стра́жахъ свои́хъ, и҆ леѵі́ти во ѻ҆рга́ны поѧ́хѹ пѣ҄сни гд҇ни, ѩ҆̀же сотворѝ даві́дъ ца́рь къ похвале́нїю гд҇а: (ѩ҆́кѡ бл҃гъ,) ѩ҆́кѡ во вѣ́къ мл҇ть є҆гѡ̀, пѣ҄сни даві́дѡвы (пою́ще) рѹка́ми свои́ми: и҆ свѧще́нницы поѧ́хѹ трѹба́ми пред̾ ни́ми, и҆ ве́сь ї҆и҃ль стоѧ́ше.

7 Ѡ҆свѧти́ же соломѡ́нъ сре́днее двора̀, и҆́же пред̾ це́рковїю гд҇нею, принесе́ бо тѹ̀ всесожжє́нїѧ и҆ тѹ́ки ми́рныхъ, ѩ҆́кѡ ѻ҆лта́рь мѣ́дѧнъ, є҆го́же сотворѝ соломѡ́нъ, не можа́ше вмѣсти́ти всесожже́нїй и҆ же́ртвъ и҆ тѹ́кѡвъ.

8 И҆ сотворѝ соломѡ́нъ пра́здникъ во вре́мѧ ѻ҆́но се́дмь дні́й, и҆ ве́сь ї҆и҃ль съ ни́мъ, собра́нїе вели́ко ѕѣлѡ̀ ѿ вхо́да во є҆ма́ѳъ да́же до пото́ка є҆гѵ́петска:

9 сотвори́ же въ де́нь ѻ҆смы́й торжество̀, поне́же ѡ҆свѧще́нїю ѻ҆лтарѧ̀ сотворѝ се́дмь дні́й пра́здникъ.

10 И҆ въ де́нь два́десѧть тре́тїй мц҇а седма́гѡ ѿпѹстѝ люді́й въ жили́ще и҆́хъ веселѧ́щихсѧ и҆ ра́дѹющихсѧ ѡ҆ бл҃ги́хъ, ѩ҆̀же сотворѝ гд҇ь даві́дѹ и҆ соломѡ́нѹ и҆ ї҆и҃лю лю́демъ свои҄мъ.

11 И҆ совершѝ соломѡ́нъ до́мъ гд҇ень и҆ до́мъ царе́въ: и҆ всѧ҄, є҆ли҄ка восхотѣ̀ въ се́рдцы свое́мъ соломѡ́нъ твори́ти въ домѹ̀ гд҇ни и҆ въ домѹ̀ свое́мъ, благопоспѣши́сѧ.

12 И҆ ѩ҆ви́сѧ гд҇ь соломѡ́нѹ но́щїю и҆ речѐ є҆мѹ̀: ѹ҆слы́шахъ моле́нїе твоѐ и҆ и҆збра́хъ мѣ́сто сїѐ мнѣ̀ въ до́мъ же́ртвы:

13 а҆́ще заключѹ̀ не́бо, и҆ до́ждь не и҆злїе́тсѧ, и҆ а҆́ще повелю̀ прѹгѡ́мъ поѧ́сти дре́во, и҆ а҆́ще послю̀ гѹби́телство на лю́ди моѧ҄,

14 и҆ а҆́ще посра́млени бѹ́дѹтъ лю́дїе моѝ, на ни́хже при́звано є҆́сть и҆́мѧ моѐ, и҆ помо́лѧтсѧ, и҆ взы́щѹтъ лица̀ моегѡ̀, и҆ ѿвратѧ́тсѧ ѿ пѹті́й свои́хъ ѕлы́хъ: и҆ а҆́зъ ѹ҆слы́шѹ съ нб҃сѐ и҆ мл҇тивъ бѹ́дѹ грѣхѡ́мъ и҆́хъ, и҆ и҆зцѣлю̀ зе́млю и҆́хъ:

15 и҆ нн҃ѣ ѻ҆́чи моѝ бѹ́дѹтъ ѿвє́рстѣ, и҆ ѹ҆́ши моѝ послѹ҄шнѣ къ моле́нїю мѣ́ста сегѡ̀:

16 и҆ нн҃ѣ и҆збра́хъ и҆ ѡ҆ст҃и́хъ до́мъ се́й, да бѹ́детъ на моѐ тѹ̀ да́же до вѣ́ка, и҆ бѹ́дѹтъ ѻ҆́чи моѝ и҆ се́рдце моѐ тѹ̀ всѧ҄ дни҄:

17 ты́ же а҆́ще ходи́ти бѹ́деши предо мно́ю, ѩ҆́коже ходи́лъ даві́дъ ѻ҆те́цъ тво́й, и҆ сотвори́ши по всѣ҄мъ, ѩ҆̀же повелѣ́хъ тебѣ̀, и҆ повелѣ҄нїѧ моѧ҄ и҆ сѹдбы҄ моѧ҄ сохрани́ши:

18 и҆ воздви́гнѹ престо́лъ ца́рства твоегѡ̀, ѩ҆́коже завѣща́хъ даві́дѹ ѻ҆тцѹ̀ твоемѹ̀ гл҃ѧ: не ѿи́метсѧ ѿ тебє̀ мѹ́жъ во́ждь во ї҆и҃ли:

19 а҆́ще же ѿвратите́сѧ вы̀ и҆ ѡ҆ста́вите повелѣ҄нїѧ моѧ҄ и҆ за́пѡвѣди моѧ҄, ѩ҆̀же преда́хъ ва́мъ, и҆ по́йдете и҆ послѹ́жите богѡ́мъ и҆ны҄мъ и҆ покло́нитесѧ и҆̀мъ,

20 и҆сто́ргнѹ ва́съ ѿ землѝ, ю҆́же да́хъ ва́мъ: и҆ до́мъ се́й, є҆го́же ѡ҆ст҃и́хъ и҆́мени моемѹ̀, ѿве́ргѹ ѿ лица̀ моегѡ̀ и҆ преда́мъ є҆го̀ въ при́тчѹ и҆ въ по́вѣсть всѣ҄мъ ѩ҆зы́кѡмъ:

21 и҆ до́мъ се́й высо́кїй (въ при́тчѹ), всѧ́къ мимоходѧ́й є҆гѡ̀ ѹ҆жа́снетсѧ и҆ рече́тъ: почто̀ сотворѝ гд҇ь та́кѡ землѝ се́й и҆ до́мѹ семѹ̀;

22 и҆ ѿвѣща́ютъ: ѩ҆́кѡ ѡ҆ста́виша гд҇а бг҃а ѻ҆тє́цъ свои́хъ, и҆́же и҆зведѐ и҆̀хъ ѿ землѝ є҆гѵ́петскїѧ, и҆ прїѧ́ша бо́ги чѹжды҄ѧ, и҆ поклони́шасѧ и҆̀мъ, и҆ порабо́таша и҆̀мъ, и҆ сегѡ̀ ра́ди наведѐ на ни́хъ всѧ҄ сїѧ҄ ѕла҄ѧ.

<< ← Prev Top Next → >>