Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / в҃ паралипоме́нѡнъ

Библия - Церковнославянская

а҃ паралипоме́нѡнъ в҃ паралипоме́нѡнъ а҃ е҆́здры

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1 Въ лѣ́то же седмо́е ѹ҆крѣпи́сѧ ї҆ѡда́й, и҆ взѧ̀ со́тники, а҆за́рїю сы́на ї҆ѡра́млѧ и҆ ї҆сма́ила сы́на ї҆ѡана́нѧ, и҆ а҆за́рїю сы́на ѡ҆ви́дова и҆ а҆масі́ю сы́на а҆ді́ева и҆ є҆лїсафа́на сы́на заха́рїина съ собо́ю въ до́мъ гд҇ень.

2 И҆ ѡ҆быдо́ша ї҆ѹде́ю, и҆ собра́ша леѵі́ты ѿ всѣ́хъ градѡ́въ ї҆ѹ́диныхъ и҆ нача́лники ѻ҆те́чествъ ї҆и҃левыхъ, и҆ прїидо́ша во ї҆ер҇ли́мъ.

3 И҆ завѣща̀ всѐ собра́нїе ї҆ѹ́дино завѣ́тъ въ домѹ̀ бж҃їи со царе́мъ: и҆ показа̀ и҆̀мъ сы́на царе́ва и҆ речѐ и҆̀мъ (ї҆ѡда́й): сѐ, сы́нъ царе́въ да воцари́тсѧ, ѩ҆́коже гл҃а гд҇ь ѡ҆ до́мѣ даві́довѣ:

4 и҆ нн҃ѣ сло́во сїѐ, є҆́же сотворитѐ: тре́тїѧ ча́сть ѿ ва́съ да и҆зы́детъ въ сѹббѡ́тѹ, свѧще́нникѡвъ и҆ леѵі́тѡвъ, и҆ во врата̀ вхо́дѡвъ,

5 и҆ тре́тїѧ ча́сть въ домѹ̀ царе́вѣ, и҆ тре́тїѧ ча́сть во вратѣ́хъ сре́днихъ, и҆ всѝ лю́дїе (да бѹ́дѹтъ) во дво́рѣхъ до́мѹ гд҇нѧ:

6 и҆ никто́же да вни́детъ въ до́мъ гд҇ень, то́кмѡ свѧще́нницы и҆ леѵі́ти и҆ и҆̀же слѹ́жатъ ѿ леѵї҄тъ: ті́и вни́дѹтъ, ѩ҆́кѡ ѡ҆свѧще́ни сѹ́ть, вси́ же лю́дїе да держа́тъ стра́жѹ гд҇ню:

7 леѵі́ти же да хо́дѧтъ ѡ҆́крестъ царѧ̀, кі́йждо и҆мѣ́ѧ ѻ҆рѹ́жїе своѐ въ рѹкѹ̀ своє́ю, и҆ входѧ́й въ це́рковъ да ѹ҆бїе́тсѧ, и҆ да бѹ́дѹтъ со царе́мъ, входѧ́щѹ є҆мѹ̀ и҆ и҆сходѧ́щѹ.

8 И҆ сотвори́ша леѵі́ти и҆ ве́сь ї҆ѹ́да по всемѹ̀, є҆ли҄ка повелѣ̀ и҆̀мъ ї҆ѡда́й жре́цъ: и҆ взѧ́ша кі́йждо мѹ́жы своѧ҄ ѿ нача́ла сѹббѡ́ты да́же до и҆схо́да сѹббѡ́ты: зане́же не ѡ҆ста́ви ї҆ѡда́й жре́цъ слѹ҄жбы днєвны́ѧ.

9 И҆ дадѐ ї҆ѡда́й свѧще́нникъ со́тникѡмъ по чи́нѹ поста́влєннымъ мечы̀ и҆ щиты̀ и҆ бронѧ҄, ѩ҆̀же бѧ́хѹ царѧ̀ даві́да въ домѹ̀ бж҃їи,

10 и҆ поста́ви всѧ҄ лю́ди, коего́ждо во ѻ҆рѹ́жїи є҆гѡ̀, ѿ десны́ѧ страны̀ це́ркве да́же до лѣ́выѧ страны̀ ѻ҆лтарѧ̀ и҆ це́ркве, над̾ царе́мъ ѡ҆́крестъ:

11 и҆ и҆зведѐ сы́на царе́ва, и҆ возложи́ша на него̀ дїади́мѹ и҆ свидѣ҄нїѧ, и҆ поста́виша є҆го̀ царе́мъ, и҆ пома́за є҆го̀ ї҆ѡда́й жре́цъ и҆ сы́нове є҆гѡ̀ и҆ реко́ша да живе́тъ ца́рь.

12 И҆ ѹ҆слы́ша гоѳолі́а гла́съ люді́й текѹ́щихъ и҆ и҆сповѣ́дающихъ и҆ хва́лѧщихъ царѧ̀, и҆ вни́де ко царю̀ въ це́рковь гд҇ню,

13 и҆ ви́дѣ, и҆ сѐ, ца́рь стоѧ́ше на степе́ни свое́мъ, на вхо́дѣ же кнѧ҄зи и҆ трѹбы҄, и҆ нача҄лницы ѡ҆́крестъ царѧ̀: и҆ всѝ лю́дїе землѝ возра́довашасѧ и҆ вострѹби́ша трѹба́ми, и҆ пою́ще во ѻ҆рга́ны пѣвцы̀, и҆ хва́лѧще хвало́ю. И҆ растерза̀ гоѳолі́а ри҄зы своѧ҄, и҆ возопѝ и҆ речѐ: напа́дающе напа́даете.

14 И҆зы́де же ї҆ѡда́й а҆рхїере́й, и҆ повелѣ̀ со́тникѡмъ и҆ нача́лникѡмъ си́лы и҆ речѐ и҆̀мъ: и҆зри́ните ю҆̀ во́нъ и҆з̾ це́ркве, и҆ и҆зыди́те в̾слѣ́дъ є҆ѧ̀, и҆ да ѹ҆бїе́тсѧ мече́мъ. Рече́ бо свѧще́нникъ да не ѹ҆́мретъ въ домѹ̀ гд҇ни.

15 И҆ да́ша є҆́й ѡ҆сла́бѹ на ма́ло, до́ндеже про́йде врата̀ кѡ́нникъ до́мѹ царе́ва и҆ ѹ҆би́ша ю҆̀ та́мѡ.

16 И҆ завѣща̀ ї҆ѡда́й завѣ́тъ междѹ̀ собо́ю и҆ всѣ́ми людьмѝ и҆ царе́мъ, да бы́ша бы́ли лю́дїе гд҇ни.

17 И҆ внидо́ша всѝ лю́дїе землѝ въ до́мъ ваа́ловъ и҆ разори́ша є҆го̀, и҆ ѻ҆лтари҄ є҆гѡ̀ и҆ їдѡлы є҆гѡ̀ сокрѹши́ша, и҆ матѳа́на жерца̀ ваа́лова ѹ҆би́ша пред̾ ѻ҆лтаре́мъ є҆гѡ̀.

18 И҆ врѹчѝ ї҆ѡда́й жре́цъ дѣла̀ до́мѹ гд҇нѧ въ рѹкѹ̀ свѧще́нникѡвъ и҆ леѵі́тѡвъ, и҆ возста́ви днєвны́ѧ чрєды̀ жерцє́въ и҆ леѵі́тѡвъ, ѩ҆̀же раздѣлѝ даві́дѣ въ домѹ̀ гд҇ни, и҆ вознесѐ всесожжє́нїѧ гд҇еви, ѩ҆́коже пи́сано є҆́сть въ зако́нѣ мѡѷсе́овѣ, въ ра́дости и҆ пѣ́нїихъ по расположе́нїю даві́довѹ:

19 и҆ поста́ви придве́рники во вратѣ́хъ до́мѹ гд҇нѧ, и҆ да не вни́детъ нечи́стъ во всѧ́цѣй ве́щи:

20 и҆ взѧ̀ ѻ҆те́чествъ нача́лники, и҆ си́льныѧ, и҆ нача́лники люді́й, и҆ всѧ҄ лю́ди землѝ, и҆ возведо́ша царѧ̀ ѿ до́мѹ гд҇нѧ, и҆ вни́де врата́ми внѹ́тренними въ до́мъ царе́въ, и҆ посади́ша царѧ̀ на престо́лѣ ца́рстѣмъ.

21 И҆ возвесели́шасѧ всѝ лю́дїе зе́мстїи и҆ гра́дъ ѹ҆поко́исѧ, и҆ гоѳолі́а ѹ҆бїе́на є҆́сть мече́мъ.

<< ← Prev Top Next → >>