Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Неемі́и

Библия - Церковнославянская

а҃ е҆́здры Неемі́и Е҆сѳи́рь

Глава 1 2 3 4 5 6 7 8 9 10 11 12 13

1 И҆ сі́и сѹ́ть свѧще́нницы и҆ леѵі́ти, возше́дшїи съ зорова́велемъ сы́номъ салаѳїи́левымъ и҆ ї҆исѹ́сомъ: сараі́а, ї҆еремі́а, є҆́здра,

2 а҆марі́а, малѹ́хъ, а҆ттѹ́й,

3 сехені́а, реѹ́мъ, марїмѡ́ѳъ,

4 а҆да́їа, генаѳѡ́нъ, а҆ві́а,

5 мїамі́нъ, мааді́а, велга̀,

6 семі́а, ї҆ѡїарі́въ, ї҆ді́а,

7 салѹ́й, а҆мѹ́къ хелкі́а, ѡ҆дѹі́а: сі́и нача҄лницы свѧще́нникѡвъ и҆ бра́тїѧ и҆́хъ во дни҄ ї҆исѹ́са.

8 И҆ леѵі́ти: ї҆исѹ́съ, ванѹ́й, кадмїи́лъ, сараві́а, ї҆ѡда́й и҆ матѳані́а, при рѹка́хъ то́й, и҆ бра́тїѧ и҆́хъ въ чредны҄ѧ слѹжє́нїѧ:

9 и҆ ваквакі́а и҆ а҆на́й, бра́тїѧ и҆́хъ, прѧ́мѡ и҆́хъ во чреды҄ днєвны́ѧ.

10 Ї҆исѹ́съ же родѝ ї҆ѡакі́ма, ї҆ѡакі́мъ родѝ є҆лїасі́ва, є҆лїасі́въ родѝ ї҆ѡда́а,

11 ї҆ѡда́й же родѝ ї҆ѡнаѳа́на, и҆ ї҆ѡнаѳа́нъ родѝ а҆дѹ́а.

12 Во дни҄ же ї҆ѡакі́ма бѣ́хѹ бра́тїѧ є҆гѡ̀ свѧще́нницы и҆ нача҄лницы ѻ҆те́чествъ: сараі́и а҆марі́а, ї҆еремі́и а҆нані́а,

13 є҆́здрѣ месѹлла́мъ, а҆марі́и ї҆ѡана́нъ,

14 а҆малѹ́хѹ ї҆ѡнаѳа́нъ, сехені́и ї҆ѡ́сифъ,

15 а҆ре́сѹ є҆дна́съ, марїѡ́ѳѹ є҆лке́й,

16 а҆дда́ю заха́рїа, ганаѳѡ́нѹ месѹлла́мъ,

17 а҆ві́и зехрі́й, мїамі́нѹ маада́й, фелеті́ю,

18 валга́сѹ самѹе́й, семі́и ї҆ѡнаѳа́нъ,

19 ї҆ѡарі́вѹ матѳана́й, є҆ді́ю ѻ҆зі́й,

20 салаі́ю калаі́а, а҆ме́кѹ а҆ве́дъ,

21 є҆лкі́и а҆саві́а, ї҆еді́и наѳанаи́лъ.

22 Леѵі́ти во дни҄ є҆лїасі́ва, ї҆ѡа́да и҆ ї҆ѡа̀, и҆ ї҆ѡана́нъ и҆ ї҆дѹ́а, напи́сани нача҄лницы ѻ҆те́чествъ, и҆ свѧще́нницы въ ца́рство да́рїа пе́рсскагѡ.

23 И҆ сы́нове леѵі́и нача҄лницы ѻ҆те́чествъ пи́сани въ кни́зѣ слове́съ дні́й и҆ да́же до дні́й ї҆ѡана́на сы́на є҆лїсѹ́ева.

24 И҆ нача҄лницы леѵі́тѡмъ а҆саві́а и҆ сараві́а и҆ ї҆исѹ́съ, и҆ сы́нове кадмїи́лѡвы и҆ бра́тїѧ и҆́хъ пред̾ ни́ми въ пѣ́снехъ хвали́ти и҆ и҆сповѣ́довати, по за́повѣди даві́да человѣ́ка бж҃їѧ, по чреда́мъ ѿ днѐ до днѐ.

25 Матѳані́а и҆ ваквакі́а, а҆вді́а, месѹлла́мъ, телмѡ́нъ, а҆кѹ́въ, стрегѹ́щїи двє́рницы стра́жѹ, внегда̀ собра́ти мѝ две́рники.

26 Во дни҄ ї҆ѡакі́ма сы́на ї҆исѹ́сова, сы́на ї҆ѡседе́кова, и҆ во дни҄ неемі́и и҆ є҆́здры свѧще́нника и҆ книго́чїи,

27 и҆ во ѡ҆бновле́нїи стѣны̀ ї҆ер҇ли́мскїѧ, взыска́ша леѵі́тѡвъ въ мѣ́стѣхъ и҆́хъ да возведѹ́тъ и҆̀хъ во ї҆ер҇ли́мъ сотвори́ти ѡ҆бновле́нїе и҆ весе́лїе во хвале́нїи и҆ пѣ́снехъ, въ кѷмва́лѣхъ и҆ ѱалти́рехъ и҆ гѹ́слехъ.

28 И҆ собра́шасѧ сы́нове пою́щихъ и҆ ѿ страны̀ ѡ҆кре́стныѧ во ї҆ер҇ли́мъ, и҆ ѿ се́лъ нетѡфаті́евыхъ,

29 и҆ ѿ до́мѹ (галга́лъ) и҆ ѿ стра́нъ (гева̀ и҆ а҆змаве́тъ), ѩ҆́кѡ се́ла созда́ша себѣ̀ пѣвцы̀ ѡ҆́крестъ ї҆ер҇ли́ма:

30 и҆ ѡ҆чи́стишасѧ свѧще́нницы и҆ леѵі́ти, и҆ ѡ҆чи́стиша люді́й и҆ врата̀ и҆ стѣ́нѹ.

31 И҆ возведо́хъ нача́лникѡвъ ї҆ѹ́диныхъ на стѣ́нѹ, и҆ поста́вихъ два̀ кли҄роса вели҄ка, хвалы̀ ра́ди, и҆ проидо́ша ѿ десны́ѧ страны̀ на стѣ́нѹ ко вратѡ́мъ гнѡ́йнымъ.

32 И҆ и҆до́ша за ни́ми ѡ҆саі́а и҆ полови́на нача́лникѡвъ ї҆ѹ́диныхъ,

33 и҆ а҆зарі́а и҆ є҆́здра и҆ месѹлла́мъ,

34 ї҆ѹ́да и҆ венїамі́нъ, и҆ самаі́а и҆ ї҆еремі́а:

35 и҆ ѿ сынѡ́въ свѧще́нничихъ съ трѹба́ми заха́рїа сы́нъ ї҆ѡнаѳа́новъ, сы́нъ самаі́и, сы́нъ маѳані́инъ, сы́нъ мїхаи́нъ, сы́нъ закхѹ́ровъ, сы́нъ а҆са́фовъ,

36 и҆ бра́тїѧ є҆гѡ̀ самаі́а и҆ ѻ҆зїи́лъ, гелѡ́лъ, маі́а, наѳанаи́лъ и҆ ї҆ѹ́да и҆ а҆нані́й, є҆́же хвали́ти въ пѣ́снехъ даві́да человѣ́ка бж҃їѧ:

37 и҆ є҆́здра книго́чїй пред̾ ни́ми при вратѣ́хъ и҆сто́чника, хвали́ти прѧ́мѡ и҆́хъ. И҆ взыдо́ша на лѣ҄ствицы гра́да даві́дова, на восхо́дъ стѣны̀ вы́ше до́мѹ даві́дова и҆ да́же до вра́тъ водны́хъ къ восто́кѹ.

38 И҆ кли́росъ вторы́й хвалѹ̀ воздаю́щихъ и҆дѧ́ше сопроти́въ и҆́хъ, и҆ а҆́зъ по не́мъ, и҆ полови́на люді́й по стѣнѣ̀, верхѹ̀ столпа̀ ѳанѹри́млѧ и҆ да́же до стѣны̀ простра́ннѣйшїѧ,

39 и҆ на врата̀ є҆фраі́ма, и҆ на врата̀ ста҄раѧ, и҆ на врата̀ ры҄бнаѧ, и҆ на сто́лпъ а҆намеи́ль, и҆ на сто́лпъ є҆ма́ѳъ, и҆ да́же до вра́тъ ѻ҆́вчихъ.

40 И҆ ста́ша на вратѣ́хъ стра́жи, ста́ша же два̀ кли҄роса хва҄лѧща въ домѹ̀ бж҃їи, и҆ а҆́зъ и҆ полови́на воево́дъ со мно́ю,

41 и҆ свѧще́нницы є҆лїакі́мъ, маасі́а, мїамі́нъ, мїхе́а, є҆лїѡна̀, заха́рїа, а҆нані́а съ трѹба́ми,

42 и҆ маасі́а и҆ семеі́а, и҆ є҆леаза́ръ и҆ ѻ҆зі́а, и҆ ї҆ѡана́нъ и҆ мелхі́а, и҆ є҆леамі́й и҆ ї҆езѹ́ръ. И҆ слы́шани бы́ша пѣвцы̀ и҆ ї҆езрі́а, и҆ соглѧ́дани, и҆ восхвали́ша.

43 И҆ пожро́ша въ де́нь то́й жє́ртвы вели҄кїѧ и҆ возвесели́шасѧ, ѩ҆́кѡ бг҃ъ возвеселѝ и҆̀хъ вельмѝ: и҆ жєны̀ и҆́хъ и҆ ча҄да и҆́хъ ра́довахѹсѧ, и҆ слы́шано бы́сть весе́лїе то̀ во ї҆ер҇ли́мѣ и҆здале́ча.

44 И҆ поста́виша въ де́нь то́й мѹже́й над̾ сокро́вищными храни҄лищи, на нача́тки и҆ десѧти҄ны, и҆ да собира́ютъ си́ми нача́лниками ѿ градѡ́въ ча҄сти свѧще́нникѡмъ и҆ леѵі́тѡмъ, ѩ҆́кѡ весе́лїе бѣ̀ во ї҆ѹде́и, во свѧще́нницѣхъ и҆ въ леѵі́тѣхъ предстоѧ́щихъ,

45 и҆ стрежа́хѹ стра́жѹ бг҃а своегѡ̀, и҆ хране́нїе ѡ҆чище́нїѧ, и҆ пѣвцє́въ и҆ две́рникѡвъ, по повелѣ́нїю даві́да и҆ соломѡ́на сы́на є҆гѡ̀.

46 ѩ҆́кѡ во дни҄ даві́дѡвы а҆са́фъ ѿ нача́ла пе́рвый въ пѣвцѣ́хъ и҆ въ пѣ́снехъ и҆ хвале́нїи бг҃ѹ,

47 и҆ ве́сь ї҆и҃ль во дни҄ зорова́велѧ и҆ во дни҄ неемі́и даѧ́хѹ ѡ҆бро́къ пѣвцє́мъ и҆ две́рникѡмъ ѿ днѐ до днѐ и҆ ѡ҆свѧща́хѹ леѵі́тѡмъ, леѵі́ти же ѡ҆свѧща́хѹ сыновѡ́мъ а҆арѡ҄нимъ.

<< ← Prev Top Next → >>