1 Въ коне́цъ дв҃дѹ, въ воспомина́нїе, во є҆́же сп҃сти́ мѧ гд҇ѹ,
2 Бж҃е, въ по́мощь мою̀ вонмѝ: гд҇и, помощи́ ми потщи́сѧ.
3 Да постыдѧ́тсѧ и҆ посра́мѧтсѧ и҆́щѹщїи дѹ́шѹ мою̀, да возвратѧ́тсѧ вспѧ́ть и҆ постыдѧ́тсѧ хотѧ́щїи мѝ ѕла҄ѧ:
4 да возратѧ́тсѧ а҆́бїе стыдѧ́щесѧ глаго́лющїи мѝ: бла́гоже, бла́гоже.
5 Да возра́дѹютсѧ и҆ возвеселѧ́тсѧ ѡ҆ тебѣ̀ всѝ и҆́щѹщїи тебѐ, бж҃е: и҆ да глаго́лютъ вы́нѹ, да возвели́читсѧ гд҇ь, лю́бѧщїи сп҇нїе твоѐ.
6 А҆́зъ же ни́щъ є҆́смь и҆ ѹ҆бо́гъ, бж҃е, помози́ ми: помо́щникъ мо́й и҆ и҆зба́витель мо́й є҆сѝ ты̀, гд҇и, не закоснѝ. |