1 Возлюби́хъ, ѩ҆́кѡ ѹ҆слы́шитъ гд҇ь гла́съ моле́нїѧ моегѡ̀,
2 ѩ҆́кѡ приклонѝ ѹ҆́хо своѐ мнѣ̀: и҆ во дни҄ моѧ҄ призовѹ̀.
3 Ѡ҆б̾ѧ́ша мѧ̀ бѡлѣ҄зни смє́ртныѧ, бѣды҄ а҆́дѡвы ѡ҆брѣто́ша мѧ̀: ско́рбь и҆ болѣ́знь ѡ҆брѣто́хъ и҆ и҆́мѧ гд҇не призва́хъ:
4 ѽ, гд҇и, и҆зба́ви дѹ́шѹ мою̀: мл҇тивъ гд҇ь и҆ првднъ, и҆ бг҃ъ на́шъ ми́лѹетъ.
5 Хранѧ́й младе́нцы гд҇ь: смири́хсѧ, и҆ сп҃се́ мѧ.
6 Ѡ҆брати́сѧ, дѹшѐ моѧ̀, въ поко́й тво́й, ѩ҆́кѡ гд҇ь бл҃годѣ́йствова тѧ̀:
7 ѩ҆́кѡ и҆з̾ѧ́тъ дѹ́шѹ мою̀ ѿ сме́рти, ѻ҆́чи моѝ ѿ сле́зъ и҆ но́зѣ моѝ ѿ поползнове́нїѧ.
8 Благоѹгождѹ̀ пред̾ гд҇емъ во странѣ̀ живы́хъ. |