1 ѩ҆́кѡ а҆́ще не гд҇ь бы бы́лъ въ на́съ, да рече́тъ ѹ҆́бѡ ї҆и҃ль:
2 ѩ҆́кѡ а҆́ще не гд҇ь бы бы́лъ въ на́съ, внегда̀ воста́ти человѣ́кѡмъ на ны̀, ѹ҆̀бо живы́хъ поже́рли бы́ша на́съ:
3 внегда̀ прогнѣ́ватисѧ ѩ҆́рости и҆́хъ на ны̀, ѹ҆̀бо вода̀ потопи́ла бы на́съ.
4 Пото́къ пре́йде дѹша̀ на́ша:
5 ѹ҆̀бо пре́йде дѹша̀ на́ша во́дѹ непостоѧ́ннѹю.
6 Блг҇ве́нъ гд҇ь, и҆́же не дадѐ на́съ въ лови́твѹ зѹбѡ́мъ и҆́хъ.
7 Дѹша̀ на́ша ѩ҆́кѡ пти́ца и҆зба́висѧ ѿ сѣ́ти ловѧ́щихъ: сѣ́ть сокрѹши́сѧ, и҆ мы̀ и҆зба́влени бы́хомъ.
8 По́мощь на́ша во и҆́мѧ гд҇а, сотво́ршагѡ не́бо и҆ зе́млю. |