1 Мно́жицею бра́шасѧ со мно́ю ѿ ю҆́ности моеѧ̀, да рече́тъ ѹ҆́бѡ ї҆и҃ль:
2 мно́жицею бра́шасѧ со мно́ю ѿ ю҆́ности моеѧ̀, и҆́бо не премого́ша мѧ̀.
3 На хребтѣ̀ мое́мъ дѣ́лаша грѣ҄шницы, продолжи́ша беззако́нїе своѐ.
4 Гд҇ь првднъ ссѣчѐ вы҄ѧ грѣ́шникѡвъ.
5 Да постыдѧ́тсѧ и҆ возвратѧ́тсѧ вспѧ́ть всѝ ненави́дѧщїи сїѡ́на:
6 да бѹ́дѹтъ ѩ҆́кѡ трава̀ на здѣ́хъ {на кро́вѣхъ}, ѩ҆́же пре́жде восторже́нїѧ и҆́зсше:
7 є҆́юже не и҆спо́лни рѹкѝ своеѧ̀ жнѧ́й, и҆ нѣ́дра своегѡ̀ рѹкоѧ҄ти собира́ѧй:
8 и҆ не рѣ́ша мимоходѧ́щїи: блг҇ве́нїе гд҇не на вы̀, благослови́хомъ вы̀ во и҆́мѧ гд҇не. |