Библия, При́тчей соломѡ́нихъ, Глава 25. is available here: https://www.bible.promo/chapters.php?id=10653&pid=22&tid=1&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / При́тчей соломѡ́нихъ

Библия - Церковнославянская

Ѱалти́рь При́тчей соломѡ́нихъ Е҆кклесїа́ст

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

1 Сїѧ҄ при҄тчи соломѡ҄ни бы́вшыѧ нерасположє́нны, ѩ҆̀же списа́ша дрѹ́зїе є҆зекі́и царѧ̀ ї҆ѹде́йска.

2 Сла́ва бж҃їѧ кры́етъ сло́во, сла́ва же царе́ва почита́етъ повелѣ҄нїѧ є҆гѡ̀.

3 Не́бо высоко̀, землѧ́ же глѹбока̀: се́рдце же царе́во неѡбличи́телно.

4 Кѹ́й неискѹше́нное сребро̀, и҆ ѡ҆чи́ститсѧ чи́сто всѐ.

5 Ѹ҆бива́й нечести҄выѧ ѿ лица̀ царе́ва, и҆ и҆спра́витсѧ въ пра́вдѣ престо́лъ є҆гѡ̀.

6 Не горди́сѧ пред̾ лице́мъ царе́вымъ и҆ на мѣ́стѣ си́льныхъ не ста́ни:

7 лѹ́чше бо тѝ є҆́сть, є҆гда̀ рече́тъ: взы́ди ко мнѣ̀: не́жели смири́тисѧ тебѣ̀ пред̾ лице́мъ си́льнагѡ.

8 ѩ҆̀же ви́дѣста ѻ҆́чи твоѝ, глаго́ли. Не впа́дай въ тѧ́жбѹ ско́рѡ, да не раска́ешисѧ по́слѣжди, є҆гда̀ тебѣ̀ досади́тъ дрѹ́гъ тво́й.

9 Встѹпа́й вспѧ́ть, не нерадѝ, да не поно́ситъ ѹ҆́бѡ тебѣ̀ дрѹ́гъ:

10 сва́ра же твоѧ̀ и҆ вражда̀ твоѧ̀ не ѿстѹ́питъ, но бѹ́детъ тѝ ра́вна со сме́ртїю. Благода́ть и҆ любы̀ свобожда́етъ, въ ни́хже ѹ҆твердѝ себѐ, да не въ поноше́нїи бѹ́деши, но сохранѝ пѹти҄ твоѧ҄ до́брѣ ѹ҆стро́єны.

11 (ѩ҆́коже) ѩ҆́блоко зла́то во ѹ҆серѧ́зи сарді́йскагѡ ка́мене, си́це рещѝ сло́во при прили́чныхъ є҆мѹ̀.

12 И҆ (ѩ҆́коже) во ѹ҆серѧ́зь златы́й сарді́йскїй ка́мень многоцѣ́нный вѧ́жетсѧ, (си́це) сло́во премѹ́дро во ѹ҆́хо благопослѹ́шно.

13 ѩ҆́коже и҆схо́дище снѣ́га въ жа́твѹ зно́ѧ по́льзѹетъ, та́кѡ вѣ́стникъ вѣ́ренъ посла́вшихъ є҆го̀: дѹ́шы бо ѹ҆потреблѧ́ющихъ є҆го̀ по́льзѹетъ.

14 ѩ҆́коже вѣ́три и҆ ѡ҆́блацы и҆ дожде́ве ѩ҆влѧ́ющїисѧ, та́кѡ и҆ хва́лѧщїйсѧ ѡ҆ даѧ́нїи ло́жнѣмъ.

15 Въ долготерпѣ́нїи благополѹ́чїе царє́мъ: ѧ҆зы́къ же мѧ́кокъ сокрѹша́етъ кѡ́сти.

16 Ме́дъ ѡ҆брѣ́тъ ѩ҆́ждь ѹ҆мѣ́реннѡ, да не ка́кѡ пресыще́нъ и҆зблюе́ши.

17 Не ѹ҆чаща́й вноси́ти но́гѹ твою̀ ко дрѹ́гѹ твоемѹ̀, да не когда̀ насы́щьсѧ тебє̀, возненави́дитъ тѧ̀.

18 Дреко́ль и҆ ме́чь и҆ стрѣла̀ ѻ҆стра̀, та́кѡ и҆ мѹ́жъ свидѣ́телствѹѧй на дрѹ́га своего̀ свидѣ́телство ло́жное.

19 Пѹ́ть ѕла́гѡ и҆ нога̀ законопрестѹ́пнагѡ поги́бнѹтъ въ де́нь ѕо́лъ.

20 ѩ҆́коже ѻ҆́цетъ неполе́зенъ вре́дѹ и҆ ды́мъ ѻ҆чи́ма, та́кѡ припа́дшаѧ стра́сть въ тѣлесѝ се́рдце ѡ҆скорблѧ́етъ.

21 ѩ҆́коже мо́лїе въ ри́зѣ и҆ че́рвїе въ дре́вѣ, та́кѡ печа́ль мѹ́жѹ вреди́тъ се́рдце.

22 А҆́ще а҆́лчетъ вра́гъ тво́й, ѹ҆хлѣ́би є҆го̀: а҆́ще ли жа́ждетъ, напо́й є҆го̀:

23 сїе́ бо творѧ̀, ѹ҆́глїе ѻ҆́гненное собира́еши на главѹ̀ є҆гѡ̀, гд҇ь же возда́стъ тебѣ̀ бл҃га҄ѧ.

24 Вѣ́тръ сѣ́верный воздвиза́етъ ѡ҆́блаки, лице́ же безстѹ́дно ѧ҆зы́къ раздража́етъ.

25 Лѹ́чше жи́ти во ѹ҆́глѣ непокры́тѣмъ, не́же во хра́минѣ ѻ҆́бщей со жено́ю клеветли́вою.

26 ѩ҆́коже вода̀ стѹде́наѧ дѹшѝ жа́ждѹщей благопрїѧ́тна, та́кѡ вѣ́сть блага́ѧ ѿ землѝ и҆здале́ча.

27 ѩ҆́коже а҆́ще кто̀ и҆сто́чникъ загражда́етъ и҆ и҆схо́дище воды̀ гѹби́тъ, та́кѡ не лѣ́по првдникѹ па́сти пред̾ нечести́вымъ.

28 ѩ҆́сти ме́дъ мно́гѡ не добро̀: почита́ти же подоба́етъ словеса̀ сла҄вна.

29 ѩ҆́коже гра́дъ стѣна́ми разоре́нъ и҆ не ѡ҆гражде́нъ, та́кѡ мѹ́жъ творѧ́й что̀ без̾ совѣ́та.

<< ← Prev Top Next → >>