Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Е҆кклесїа́ст

Библия - Церковнославянская

При́тчей соломѡ́нихъ Е҆кклесїа́ст Пѣ́снь пѣ́сней

Глава 1 2 3 4 5 6 7 8 9 10 11 12

1 ѩ҆́кѡ првднїи и҆ мѹ́дрїи и҆ дѣ҄ланїѧ и҆́хъ въ рѹцѣ̀ бж҃їей, и҆ любве́ же и҆ не́нависти нѣ́сть вѣ́дѧй человѣ́къ: всѧ҄ пред̾ лице́мъ и҆́хъ, сѹета̀ во всѣ́хъ.

2 Слѹ́чай є҆ди́нъ првдномѹ и҆ нечести́вомѹ, бл҃го́мѹ и҆ ѕло́мѹ, и҆ чи́стомѹ и҆ нечи́стомѹ, и҆ жрѹ́щемѹ и҆ не жрѹ́щемѹ: ѩ҆́коже бл҃гі́й, та́кѡ согрѣша́ѧй, ѩ҆́коже клены́йсѧ, та́кѡ боѧ́йсѧ клѧ́твы.

3 Сїѐ лѹка́во во всѧ́цѣмъ сотворе́нѣмъ под̾ со́лнцемъ, ѩ҆́кѡ слѹ́чай є҆ди́нъ всѣ҄мъ: и҆ се́рдце сынѡ́въ человѣ́ческихъ и҆спо́лнисѧ лѹка́вствїѧ, и҆ пре́лесть въ сердца́хъ и҆́хъ и҆ въ животѣ̀ и҆́хъ, и҆ по си́хъ къ мє́ртвымъ.

4 Поне́же кто̀ є҆́сть, и҆́же приѡбща́етсѧ ко всѣ҄мъ живы҄мъ; Е҆́сть наде́жда, ѩ҆́кѡ пе́съ живы́й, то́й бла́гъ па́че льва̀ ме́ртва.

5 Поне́же живі́и разѹмѣ́ютъ, ѩ҆́кѡ ѹ҆́мрѹтъ, ме́ртвїи же не сѹ́ть вѣ́дѹщїи ничто́же: и҆ ктомѹ̀ нѣ́сть и҆̀мъ мзды̀, ѩ҆́кѡ забве́на є҆́сть па́мѧть и҆́хъ,

6 и҆ любо́вь и҆́хъ и҆ не́нависть и҆́хъ и҆ рве́нїе и҆́хъ ѹ҆жѐ поги́бе, и҆ ча́сти нѣ́сть и҆̀мъ ктомѹ̀ во вѣ́ки во всѧ́цѣмъ творе́нїи под̾ со́лнцемъ.

7 Прїидѝ, ѩ҆́ждь въ весе́лїи хлѣ́бъ тво́й и҆ пі́й во бла́зѣ се́рдцы вїно̀ твоѐ, ѩ҆́кѡ ѹ҆жѐ ѹ҆гѡ́дна бг҃ѹ творє́нїѧ твоѧ҄.

8 Во всѧ́ко вре́мѧ да бѹ́дѹтъ ри҄зы твоѧ҄ бѣ҄лы, и҆ є҆ле́й на главѣ̀ твое́й да не ѡ҆скѹдѣ́етъ.

9 И҆ ви́ждь житїѐ съ жено́ю, ю҆́же возлюби́лъ є҆сѝ, во всѧ҄ дни҄ живота̀ ю҆́ности твоеѧ̀, да҄нныѧ тѝ под̾ со́лнцемъ, всѧ҄ дни҄ сѹ́етствїѧ твоегѡ̀: ѩ҆́кѡ сїѐ ча́сть твоѧ̀ въ животѣ̀ твое́мъ и҆ въ трѹдѣ̀ твое́мъ, и҆́мже ты̀ трѹди́шисѧ под̾ со́лнцемъ.

10 Всѧ҄, є҆ли҄ка а҆́ще ѡ҆брѧ́щетъ рѹка̀ твоѧ̀ сотвори́ти, ѩ҆́коже си́ла твоѧ̀, сотворѝ: занѐ нѣ́сть сотворе́нїе и҆ помышле́нїе и҆ ра́зѹмъ и҆ мѹ́дрость во а҆́дѣ, а҆́може ты̀ и҆́деши та́мѡ.

11 Ѡ҆брати́хсѧ и҆ ви́дѣхъ под̾ со́лнцемъ, ѩ҆́кѡ ни лє́гкимъ тече́нїе, нижѐ си҄льнымъ бра́нь, нижѐ самомѹ̀ мѹ́дромѹ хлѣ́бъ, нижѐ разѹ҄мнымъ бога́тство, нижѐ вѣ́дѹщымъ благода́ть: ѩ҆́кѡ вре́мѧ и҆ слѹ́чай слѹчи́тсѧ всѣ҄мъ си҄мъ.

12 ѩ҆́кѡ ѹ҆́бѡ не разѹмѣ̀ человѣ́къ вре́мене своегѡ̀: ѩ҆́коже ры҄бы ѹ҆ловлѧ́ємы во мре́жи ѕлѣ̀, и҆ а҆́ки пти҄цы ѹ҆ловлѧ́ємы въ сѣ́ти: ѩ҆́коже сїѧ҄, ѹ҆ловлѧ́ютсѧ сы́нове человѣ́честїи во вре́мѧ лѹка́во, є҆гда̀ нападе́тъ на нѧ̀ внеза́пѹ.

13 И҆ сїѐ ви́дѣхъ, мѹ́дрость под̾ со́лнцемъ, и҆ вели́ка є҆́сть во мнѣ̀:

14 гра́дъ ма́лъ, и҆ мѹже́й въ не́мъ ма́лѡ, и҆ прїи́детъ на́нь ца́рь вели́къ и҆ ѡ҆́крестъ ѡ҆блѧ́жетъ є҆го̀, и҆ содѣ́лаетъ на него̀ ѻ҆стро́ги вє́лїѧ,

15 и҆ ѡ҆брѧ́щетъ въ не́мъ мѹ́жа ни́щаго мѹ́дра, и҆ се́й спасе́тъ гра́дъ мѹ́дростїю свое́ю, и҆ человѣ́къ не воспомѧнѹ̀ мѹ́жа ни́щагѡ ѻ҆́нагѡ.

16 И҆ рѣ́хъ а҆́зъ: блага̀ мѹ́дрость па́че си́лы, и҆ мѹ́дрость ни́щагѡ ѹ҆ничиже́на, и҆ словеса̀ є҆гѡ̀ не сѹ́ть послѹ́шаєма.

17 Словеса̀ мѹ́дрыхъ въ поко́и слы́шатсѧ, па́че кли́ча ѡ҆блада́ющихъ въ безѹ́мїи.

18 Блага̀ мѹ́дрость па́че ѻ҆рѹ́дїй ра́тныхъ: и҆ согрѣша́ѧй є҆ди́нъ погѹби́тъ благосты́ню мно́гѹ.

<< ← Prev Top Next → >>