Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Кни́га проро́ка И҆са́їи

Библия - Церковнославянская

Пѣ́снь пѣ́сней Кни́га проро́ка И҆са́їи I҆еремі́и

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

1 Въ то́й де́нь воспою́тъ пѣ́снь сїю̀ въ землѝ ї҆ѹде́йстѣй, глаго́люще: сѐ, гра́дъ крѣ́покъ, и҆ спасе́нїе на́мъ положи́тъ стѣ́нѹ и҆ ѡ҆гражде́нїе.

2 Ѿве́рзите врата̀, да вни́дѹтъ лю́дїе хранѧ́щїи пра́вдѹ и҆ хранѧ́щїи и҆́стинѹ,

3 прїе́млющїи и҆́стинѹ и҆ хранѧ́щїи ми́ръ.

4 ѩ҆́кѡ на тѧ̀ надѣ́ѧнїемъ надѣ́ѧшасѧ, гд҇и, во вѣ́къ, бж҃е вели́кїй, вѣ́чный,

5 и҆́же смири́въ низве́лъ є҆сѝ живѹ́щыѧ въ высо́кихъ: гра́ды крѣ҄пкїѧ разори́ши и҆ ѡ҆бни́зиши ѧ҆̀ да́же до землѝ.

6 И҆ поперѹ́тъ ѧ҆̀ но́ги кро́ткихъ и҆ смире́нныхъ.

7 Пѹ́ть бл҃гочести́выхъ пра́въ бы́сть, и҆ приѹгото́ванъ пѹ́ть бл҃гочести́выхъ.

8 Пѹ́ть бо гд҇ень сѹ́дъ: ѹ҆пова́хомъ на и҆́мѧ твоѐ и҆ па́мѧть, є҆ѧ́же жела́етъ дѹша̀ на́ша.

9 Ѿ но́щи ѹ҆́тренюетъ дѹ́хъ мо́й къ тебѣ̀, бж҃е, занѐ свѣ́тъ повелѣ҄нїѧ твоѧ҄ на землѝ: пра́вдѣ наѹчи́тесѧ, живѹ́щїи на землѝ.

10 Преста́ бо нечести́вый: всѧ́къ, и҆́же не наѹчи́тсѧ пра́вдѣ на землѝ, и҆́стины не сотвори́тъ: да во́зметсѧ нечести́вый, да не ви́дитъ сла́вы гд҇ни.

11 Гд҇и, высока̀ твоѧ̀ мы́шца, и҆ не вѣ́дѣша, разѹмѣ́вше же постыдѧ́тсѧ: ре́вность прїи́метъ лю́ди ненака҄занныѧ, и҆ нн҃ѣ ѻ҆́гнь сѹпоста́ты поѧ́стъ.

12 Гд҇и бж҃е на́шъ, ми́ръ да́ждь на́мъ, всѧ҄ бо возда́лъ є҆сѝ на́мъ.

13 Гд҇и бж҃е на́шъ, стѧжи́ ны: гд҇и, ра́звѣ тебє̀ и҆но́гѡ не вѣ́мы: и҆́мѧ твоѐ и҆менѹ́емъ.

14 Ме́ртвїи же живота̀ не и҆́мѹтъ ви́дѣти, нижѐ вра́чеве воскресѧ́тъ: сегѡ̀ ра́ди наве́лъ є҆сѝ и҆ погѹби́лъ є҆сѝ, и҆ взѧ́лъ є҆сѝ всѧ́къ мѹ́жескъ по́лъ и҆́хъ.

15 Приложѝ и҆̀мъ ѕла҄, гд҇и, приложѝ ѕла҄ сла҄внымъ землѝ.

16 Гд҇и, въ ско́рби помѧнѹ́хомъ тѧ̀, въ ско́рби ма́лѣ наказа́нїе твоѐ на́мъ.

17 И҆ ѩ҆́кѡ болѧ́щаѧ приближа́етсѧ роди́ти и҆ въ болѣ́зни свое́й воскрича̀, та́кѡ бы́хомъ возлю́бленномѹ твоемѹ̀.

18 Стра́ха ра́ди твоегѡ̀, гд҇и, во чре́вѣ прїѧ́хомъ и҆ поболѣ́хомъ, и҆ роди́хомъ дѹ́хъ сп҇нїѧ твоегѡ̀, є҆го́же сотвори́хомъ на землѝ: не паде́мсѧ, но падѹ́тсѧ всѝ живѹ́щїи на землѝ.

19 Воскре́снѹтъ ме́ртвїи и҆ воста́нѹтъ и҆̀же во гробѣ́хъ, и҆ возра́дѹютсѧ и҆̀же на землѝ: роса́ бо, ѩ҆́же ѿ тебє̀, и҆сцѣле́нїе и҆̀мъ є҆́сть, землѧ́ же нечести́выхъ паде́тъ.

20 И҆ди́те, лю́дїе моѝ, вни́дите во хра́минѹ ва́шѹ, затвори́те двє́ри своѧ҄, ѹ҆кры́йтесѧ ма́лѡ є҆ли́кѡ є҆ли́кѡ, до́ндеже мимои́детъ гнѣ́въ гд҇ень.

21 Се́ бо, гд҇ь ѿ ст҃а́гѡ (мѣ́ста) наво́дитъ гнѣ́въ на живѹ́щыѧ на землѝ: и҆ ѿкры́етъ землѧ̀ кро́вь свою̀ и҆ не покры́етъ и҆збїе́ныхъ.

<< ← Prev Top Next → >>