Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / I҆езекі́илѧ

Библия - Церковнославянская

Пла́чь ї҆еремі́евъ I҆езекі́илѧ Данїи́ла

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

1 И҆ введе́ мѧ во хра́мъ, и҆ размѣ́ри а҆їла́мъ {подвѡ́и}, шестѝ лакте́й широта̀ ѡ҆ сїю̀ странѹ̀ и҆ шестѝ лакте́й широта̀ а҆їла́мъ ѡ҆б̾ ѻ҆́нѹ,

2 и҆ широта̀ вра́тъ де́сѧть лакте́й, и҆ бока̀ вра́тъ пѧтѝ лакте́й ѡ҆ сїю̀ странѹ̀ и҆ пѧтѝ ѡ҆б̾ ѻ҆нѹ̀: и҆ и҆змѣ́ри долготѹ̀ и҆́хъ четы́редесѧть лакте́й, а҆ широтѹ̀ два́десѧть лакте́й.

3 И҆ вни́де во дво́ръ внѹ́треннїй, и҆ размѣ́ри а҆їла́мъ две́рїй двѹ́хъ лакте́й, и҆ двє́ри шестѝ лакте́й, бока́ же двє́рнаѧ седмѝ лакте́й ѡ҆ сїю̀ странѹ̀ и҆ седмѝ ѡ҆б̾ ѻ҆нѹ̀.

4 И҆ размѣ́ри долготѹ̀ две́рїй четы́редесѧть лакте́й, а҆ широтѹ̀ два́десѧть лакте́й пред̾ лице́мъ хра́ма, и҆ речѐ ко мнѣ̀: сїѐ ст҃о́е ст҃ы́хъ.

5 И҆ размѣ́ри стѣ́нѹ хра́ма шестѝ лакте́й и҆ широтѹ̀ страны̀ четы́рехъ лакте́й ѡ҆́крестъ,

6 страны҄ же страна̀ до страны̀ три́десѧть и҆ трѝ два́щи: и҆ разстоѧ́нїе въ стѣнѣ̀ хра́ма во страна́хъ ѡ҆́крестъ, є҆́же на прозра́къ бы́ти входѧ́щымъ, да ѿню́дъ не прикаса́ютсѧ ко стѣна́мъ хра́ма.

7 Широта́ же вы́шнїѧ страны̀ по приложе́нїю ѿ стѣны̀ къ вы́шней ѡ҆́крестъ хра́ма, ѩ҆́кѡ да разширѧ́етсѧ свы́ше, и҆ да ѿ до́лнихъ восхо́дѧтъ на гѡ́рнѧѧ, а҆ ѿ сре́днихъ на трекрѡ́внаѧ.

8 И҆ ви́дѣхъ хра́ма высотѹ̀ ѡ҆́крестъ разстоѧ́нїе стра́нъ ра́вно тро́сти шестѝ лакте́й разстѡѧ́нїѧ,

9 широта́ же стѣны̀ страны̀ внѣѹ́дѹ пѧтѝ лакте́й, и҆ прѡ́чаѧ междѹ̀ страна́ми хра́ма,

10 и҆ междѹ̀ прегра́дами широта̀ два́десѧти лакте́й, ѡ҆крѹ́жность ѡ҆́крестъ хра́ма.

11 Двє́ри же прегра́дъ ко про́чемѹ две́рїй є҆ди́ныхъ ѩ҆̀же къ сѣ́верѹ: и҆ две́рь є҆ди́на къ ю҆́гѹ, широта́ же свѣ́та про́чагѡ пѧтѝ лакте́й широта̀ ѡ҆́крестъ.

12 Раздѣ́лъ же проти́вѹ про́чемѹ а҆́ки къ мо́рю се́дмьдесѧтъ лакте́й, широта̀ стѣны̀ раздѣлѧ́ющїѧ, широта̀ ѡ҆́крестъ пѧ́ть лакте́й, и҆ долгота̀ є҆ѧ̀ де́вѧтьдесѧтъ лакте́й

13 и҆ размѣ́ри проти́вѹ хра́ма долготѹ̀ сто̀ лакте́й, и҆ прѡ́чаѧ и҆ раздѣлѧ҄ющаѧ, и҆ стѣ́ны и҆́хъ въ долготѹ̀ сто̀ лакте́й.

14 И҆ широта̀ проти́вѹ хра́ма, и҆ прѡ́чаѧ проти́вѹ ста̀ лакте́й.

15 И҆ размѣ́ри долготѹ̀ раздѣ́лѹ проти́вѹ лицѹ̀ про́чемѹ созадѝ хра́мѹ томѹ̀, и҆ прѡ́чаѧ ѡ҆ сїю̀ странѹ̀ и҆ ѡ҆б̾ ѻ҆нѹ̀ ста̀ лакте́й долготѹ̀: хра́мъ же и҆ ѹ҆́глы, и҆ є҆ла́мъ {притво́ръ} внѣ́шнїй, до́ски пѡ́стланы.

16 И҆ ѻ҆́кна решє́тчатаѧ свѣщє́нїѧ ѡ҆́крестъ трїе́мъ (страна́мъ) є҆́же приница́ти: хра́мъ же и҆ ѩ҆̀же бли́з̾ є҆гѡ̀ ѹ҆стла҄на дре́вомъ ѡ҆́крестъ, и҆ помо́стъ, и҆ ѿ помо́ста до ѻ҆́конъ: ѻ҆́кна же ѿворѧ́єма троѧ́кѡ на приница́нїе,

17 и҆ да́же до до́мѹ внѹ́треннѧгѡ и҆ до внѣ́шнѧгѡ, и҆ на все́й стѣнѣ̀ ѡ҆́крестъ внѹ́тренней и҆ внѣ́шней мѣ҄ры,

18 и҆ и҆зва́ѧннїи херѹві́ми и҆ фі́нїки: фі́нїкъ посредѣ̀ херѹві́ма и҆ херѹві́ма: два̀ лица҄ херѹві́мѹ:

19 лицѐ человѣ́ческо къ фі́нїкѹ сю́дѹ и҆ сю́дѹ, и҆ лицѐ льво́во къ фі́нїкѹ сю́дѹ и҆ сю́дѹ, и҆зва́ѧнъ ве́сь хра́мъ ѡ҆́крестъ.

20 Ѿ помо́ста да́же до сво́да херѹві́ми и҆ фі́нїки и҆зва́ѧни.

21 Ст҃о́е же и҆ хра́мъ ѿверза́емь на четы́ри страны҄, пред̾ лице́мъ ст҃ы́хъ видѣ́нїе ѩ҆́кѡ зра́къ тре́бника древѧ́на,

22 трѝ ла҄кти высота̀ є҆гѡ̀, а҆ долгота̀ двѹ̀ лакте́й, и҆ широта̀ та́кожде: и҆мѣ́ѧше же ро́ги, и҆ ѡ҆снова́нїе є҆гѡ̀ и҆ стѣ́ны є҆гѡ̀ дрєвѧ́ны. И҆ речѐ ко мнѣ̀: сїѧ̀ трапе́за, ѩ҆́же пред̾ лице́мъ гд҇нимъ:

23 дво́и же двє́ри хра́мѹ и҆ дво́и двє́ри ст҃о́мѹ,

24 двои́мъ две́ремъ враща́ющымсѧ: двѣ̀ верєѝ є҆ди҄нымъ, и҆ двѣ̀ верєѝ вторы҄мъ две́ремъ.

25 И҆ ваѧ҄нїѧ над̾ ни́ми и҆ над̾ две́рьми хра́ма херѹві́мъ и҆ фі́нїки, по ваѧ́нїю ст҃ы́хъ, и҆ древеса̀ потрє́бна пред̾ лице́мъ є҆ла́ма {притво́ра} ѿ внѣѹ́дѹ,

26 и҆ ѻ҆́кна сокровє́на. И҆ размѣ́ри сю́дѹ и҆ сю́дѹ въ покро́вѣхъ є҆ла́ма, и҆ страны҄ хра́ма древа́ми сопрѧжены̀.

<< ← Prev Top Next → >>