Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Мїхе́й

Библия - Церковнославянская

I҆ѡ́на Мїхе́й Наѹ́мъ

Глава 1 2 3 4 5 6 7

1 Слы́шите, ѩ҆̀же гл҃а гд҇ь: воста́ни, сѹди́сѧ съ гора́ми, и҆ да слы́шатъ хо́лми гла́съ тво́й.

2 Слы́шите, го́ры, сѹ́дъ гд҇ень, и҆ дє́бри ѡ҆снова҄нїѧ землѝ, ѩ҆́кѡ сѹ́дъ гд҇ень къ лю́демъ є҆гѡ̀, и҆ со ї҆и҃лемъ прѣ́тисѧ и҆́мать.

3 Лю́дїе моѝ, что̀ сотвори́хъ ва́мъ, и҆лѝ чи́мъ ѡ҆скорби́хъ ва́съ, и҆лѝ чи́мъ стѹжи́хъ ва́мъ; ѿвѣща́йте мѝ.

4 Занѐ и҆зведо́хъ ва́съ и҆з̾ землѝ є҆гѵ́петскїѧ и҆ и҆з̾ до́мѹ рабо́ты и҆зба́вихъ ва́съ, и҆ посла́хъ пред̾ ва́ми мѡѷсе́а и҆ а҆арѡ́на и҆ марїа́мъ.

5 Лю́дїе моѝ, помѧни́те ѹ҆̀бо, что̀ совѣща̀ на вы̀ вала́къ ца́рь мѡаві́тскїй, и҆ что̀ є҆мѹ̀ ѿвѣща̀ валаа́мъ сы́нъ веѡ́ровъ, ѿ сїті́ѧ до галга҄лъ; ѩ҆́кѡ да позна́етсѧ пра́вда гд҇нѧ.

6 Въ че́мъ пости́гнѹ гд҇а, срѧ́щѹ бг҃а моего̀ вы́шнѧго; срѧ́щѹ ли є҆го̀ со всесожже́нїемъ, телцы҄ є҆динолѣ́тными;

7 є҆да̀ прїи́метъ гд҇ь въ ты́сѧщахъ ѻ҆внѡ́въ, и҆лѝ во тма́хъ ко́злищъ тѹ́чныхъ; да́мъ ли пе́рвенцы моѧ҄ ѡ҆ нече́стїи мое́мъ, пло́дъ ѹ҆тро́бы моеѧ̀, за грѣхѝ дѹшѝ моеѧ̀;

8 Возвѣсти́сѧ бо тебѣ̀, человѣ́че, что̀ добро̀, и҆лѝ чесогѡ̀ гд҇ь и҆́щетъ ѿ тебє̀, ра́звѣ є҆́же твори́ти сѹ́дъ и҆ люби́ти ми́лость и҆ гото́вѹ бы́ти є҆́же ходи́ти съ гд҇емъ бг҃омъ твои́мъ;

9 Гла́съ гд҇ень гра́дѹ призове́тсѧ, и҆ сп҃се́тъ боѧ́щыѧсѧ и҆́мене є҆гѡ̀: послѹ́шай, пле́мѧ, и҆ кто̀ ѹ҆краси́тъ гра́дъ;

10 Е҆да̀ ѻ҆́гнь и҆ до́мъ беззако́ннагѡ собира́ѧ и҆мѣ҄нїѧ беззакѡ́ннаѧ и҆ со ѹ҆кори́зною непра҄вды;

11 Е҆да̀ ѡ҆правди́тсѧ въ мѣ́рилѣ беззако́нникъ и҆ во вре́тищи мѣ́ры непра́выѧ,

12 ѿ ни́хже бога́тство своѐ нече́стїѧ напо́лниша; и҆ живѹ́щїи въ не́й глаго́лахѹ лжѹ̀, и҆ ѧ҆зы́къ и҆́хъ вознесе́сѧ во ѹ҆стѣ́хъ и҆́хъ.

13 И҆ а҆́зъ начнѹ̀ поража́ти тѧ̀ и҆ погѹблю̀ тѧ̀ во грѣсѣ́хъ твои́хъ.

14 Ты̀ ѩ҆́сти бѹ́деши и҆ не насы́тишисѧ, и҆ поме́ркнетъ въ тебѣ̀, и҆ соврати́шисѧ, и҆ не спасе́шисѧ: и҆ є҆ли́цы а҆́ще и҆збѹ́дѹтъ, ѻ҆рѹ́жїю предадѧ́тсѧ.

15 Ты̀ посѣ́еши, но не по́жнеши: ты̀ и҆згнете́ши ма́сличїе, но не пома́жешисѧ ма́сломъ: и҆ насадитѐ вїно̀, и҆ не и҆спїетѐ: и҆ поги́бнѹтъ зако́ны люді́й мои́хъ.

16 И҆ храни́лъ є҆сѝ ѡ҆правда҄нїѧ замврї҄ина и҆ всѧ҄ дѣла̀ до́мѹ а҆хаа́влѧ, и҆ ходи́сте въ совѣ́тѣхъ и҆́хъ, ѩ҆́кѡ да преда́мъ тѧ̀ въ па́гѹбѹ, и҆ живѹ́щыѧ въ не́й во звизда́нїе, и҆ ѹ҆кѡри́зны люді́й прїи́мете.

<< ← Prev Top Next → >>