Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Софо́нїа

Библия - Церковнославянская

А҆ввакѹ́мъ Софо́нїа А҆гге́й

Глава 1 2 3

1 Собери́тесѧ и҆ свѧжи́тесѧ, ѩ҆зы́къ ненака́занный,

2 пре́жде не́же бы́ти ва́мъ ѩ҆́коже цвѣ́тѹ мимоходѧ́щѹ въ де́нь, пре́жде не́же прїитѝ на вы̀ гнѣ́вѹ гд҇ню, пре́жде не́же прїитѝ на вы̀ дню̀ ѩ҆́рости гд҇ни.

3 Взыщи́те гд҇а, всѝ смире́ннїи землѝ, сѹ́дъ содѣва́йте и҆ пра́вды взыщи́те, (взыщи́те кро́тости) и҆ ѿвѣща́йте ѧ҆̀, ѩ҆́кѡ да покры́етесѧ въ де́нь гнѣ́ва гд҇нѧ.

4 Занѐ га́за расхище́на бѹ́детъ, и҆ а҆скалѡ́нъ во и҆зчезнове́нїе бѹ́детъ: и҆ а҆зѡ́тъ въ полѹ́дни ѿве́ржетсѧ, и҆ а҆ккарѡ́нъ и҆скорени́тсѧ.

5 Го́ре живѹ́щымъ на ѹ҆́жи морстѣ́мъ, прише́лцы кри́тстїи: сло́во гд҇не на ва́съ, ханаа́не, землѐ и҆ноплеме́нникѡвъ, и҆ погѹблю́ вы ѿ жили́ща:

6 и҆ бѹ́детъ кри́тъ па́жить стада́мъ и҆ ѡ҆гра́да ѻ҆вца́мъ,

7 и҆ бѹ́детъ ѹ҆́же морско́е ѡ҆ста́вшымъ до́мѹ ї҆ѹ́дина: на ни́хъ пожирѹ́ютъ въ домѣ́хъ а҆скалѡ́нихъ, къ ве́черѹ вита́ти и҆́мѹтъ ѿ лица̀ сынѡ́въ ї҆ѹ́диныхъ, ѩ҆́кѡ присѣтѝ и҆̀хъ гд҇ь бг҃ъ и҆́хъ и҆ возвратѝ плѣ́нъ и҆́хъ.

8 Слы́шахъ поношє́нїѧ мѡа҄влѧ и҆ ѹ҆кори҄зны сынѡ́въ а҆ммѡ́нихъ,ѡ҆ ни́хже поноша́хѹ лю́демъ мои҄мъ и҆ велича́хѹсѧ на предѣ́лы моѧ҄.

9 Сегѡ̀ ра́ди живѹ̀ а҆́зъ, гл҃етъ гд҇ь си́лъ, бг҃ъ ї҆и҃левъ: занѐ мѡа́въ ѩ҆́кѡ содо́ма бѹ́детъ, и҆ сы́нове а҆ммѡ҄ни ѩ҆́кѡ гомо́рра, и҆ дама́скъ ѡ҆ста́вленъ ѩ҆́кѡ сто́гъ гѹме́нный и҆ разоре́нъ во вѣ́къ: и҆ про́чїи люді́й мои́хъ расхи́тѧтъ ѧ҆̀, и҆ ѡ҆ста́вшїи ѩ҆зы́ка моегѡ̀ наслѣ́дѧтъ и҆̀хъ.

10 Сїѐ и҆̀мъ за досажде́нїе и҆́хъ, занѐ поноси́ша и҆ возвели́чишасѧ на лю́ди гд҇а вседержи́телѧ.

11 ѩ҆ви́тсѧ гд҇ь на ни́хъ и҆ потреби́тъ всѧ҄ бо́ги ѩ҆зы́кѡвъ земны́хъ: и҆ покло́нѧтсѧ є҆мѹ̀ кі́йждо ѿ мѣ́ста своегѡ̀, всѝ ѻ҆́строви ѩ҆зы́честїи.

12 И҆ вы̀, мѹ́рини, ѩ҆́звени ѻ҆рѹ́жїемъ мои́мъ бѹ́дете.

13 И҆ простре́тъ рѹ́кѹ свою̀ на сѣ́веръ и҆ погѹби́тъ а҆ссѷрі́анина, и҆ положи́тъ нїнеѵі́ю во и҆зчезнове́нїе безво́дно, ѩ҆́кѡ пѹсты́ню:

14 и҆ пожирѹ́ютъ посредѣ̀ є҆ѧ̀ стада̀ и҆ всѝ ѕвѣ́рїе земні́и, и҆ хамелео́ны и҆ є҆́жеве во гнѣ́здахъ є҆ѧ̀ вогнѣздѧ́тсѧ: и҆ ѕвѣ́рїе возвы́ютъ въ разсѣ́линахъ є҆ѧ̀, и҆ вра́нове во вратѣ́хъ є҆ѧ̀, занѐ ке́дръ возноше́нїе є҆ѧ̀.

15 Се́й гра́дъ презо́рливый, живѧ́й на ѹ҆пова́нїи, глаго́лѧй въ се́рдцы свое́мъ: а҆́зъ є҆́смь, и҆ нѣ́сть по мнѣ̀ є҆щѐ: ка́кѡ бы́сть во и҆зчезнове́нїе, па́жить ѕвѣрє́мъ; всѧ́къ мимоходѧ́й сквозѣ̀ є҆го̀ позви́ждетъ и҆ воздви́гнетъ рѹцѣ̀ своѝ.

<< ← Prev Top Next → >>