Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / а҃ маккавей́скаѧ

Библия - Церковнославянская

А҆пока́лѷѱїсъ а҃ маккавей́скаѧ в҃ маккавей́скаѧ

Глава 1 2 3 4 5 6 7 8 9 10 11 12 13 14 15 16

1 И҆ бы́сть, є҆гда̀ поража́ше а҆леѯа́ндръ македѡ́нскїй сы́нъ фїлі́ппа, и҆́же и҆зы́де ѿ землѝ хеттїи́мъ, поразѝ и҆ да́рїа царѧ̀ пе́рсскаго и҆ ми́дскаго, и҆ воцари́сѧ вмѣ́стѡ є҆гѡ̀ пе́рвый во є҆лла́дѣ,

2 и҆ соста́ви бра҄ни мнѡ́ги, и҆ ѡ҆держа̀ твєрды́ни мнѡ́ги, и҆ ѹ҆бѝ цари҄ зє́мскїѧ,

3 и҆ про́йде да́же до кра́євъ землѝ, и҆ взѧ̀ коры҄сти мно́гихъ ѩ҆зы́кѡвъ. и҆ ѹ҆молчѐ землѧ̀ пред̾ ни́мъ. и҆ возвы́сисѧ, и҆ вознесе́сѧ се́рдце є҆гѡ̀.

4 И҆ собра̀ си́лѹ крѣ́пкѹ ѕѣлѡ̀, и҆ нача́лствова над̾ страна́ми и҆ ѩ҆зы҄ки и҆ мѹчи́тельми, и҆ бы́ша є҆мѹ̀ въ да́нники.

5 И҆ по си́хъ падѐ на ло́же и҆ позна̀, ѩ҆́кѡ ѹ҆мира́етъ:

6 и҆ созва̀ ѻ҆́троки своѧ҄ благорѡ́дныѧ, и҆̀же съ ни́мъ бѧ́хѹ совоспита́ни ѿ ю҆́ности є҆гѡ̀, и҆ раздѣлѝ и҆̀мъ ца́рство своѐ є҆щѐ жи́въ сы́й.

7 И҆ ца́рствова а҆леѯа́ндръ лѣ́тъ двана́десѧть и҆ ѹ҆́мре.

8 И҆ ѡ҆блада́ша ѻ҆́троцы є҆гѡ̀ кі́йждо въ мѣ́стѣ свое́мъ.

9 И҆ возложи́ша всѝ дїади҄мы по сме́рти є҆гѡ̀, и҆ сы́нове и҆́хъ по ни́хъ лѣ҄та мнѡ́га, и҆ ѹ҆мно́жиша ѕла҄ѧ на землѝ.

10 И҆ и҆зы́де ѿ ни́хъ ко́рень грѣха̀ а҆нтїо́хъ є҆пїфа́нъ, сы́нъ а҆нтїо́ха царѧ̀, и҆́же бѣ̀ зало́гомъ въ ри́мѣ: и҆ ца́рствова въ лѣ́тѣ сто̀ три́десѧть седмѣ́мъ ца́рства є҆́ллинскагѡ.

11 Во дне́хъ тѣ́хъ и҆зыдо́ша ѿ ї҆и҃лѧ сы́нове беззако́ннїи и҆ наѹсти́ша мно́гихъ глаго́люще: по́йдемъ и҆ завѣща́емъ завѣ́тъ съ ѩ҆зы҄ки, и҆̀же ѡ҆́крестъ на́съ, ѩ҆́кѡ ѿне́лѣже ѿлѹчи́хомсѧ ѿ ни́хъ, ѡ҆брѣто́ша на́съ мнѡ́га ѕла҄ѧ.

12 И҆ благоѹви́дѣсѧ сло́во во ѻ҆́чїю и҆́хъ:

13 и҆ пред̾избра́шасѧ нѣ́цыи ѿ люді́й и҆ и҆до́ша ко царю̀: и҆ дадѐ и҆̀мъ вла́сть твори́ти ѡ҆правда҄нїѧ ѩ҆зы́чєскаѧ.

14 И҆ созда́ша (себѣ̀) ѹ҆чи́лище во ї҆ер҇ли́мѣ по зако́нѡмъ ѩ҆зы́чєскимъ.

15 И҆ сотвори́ша себѣ̀ неѡбрѣ́занїе, и҆ ѿстѹпи́ша ѿ завѣ́та ст҃а́гѡ, и҆ сопрѧго́шасѧ ѩ҆зы́кѡмъ, и҆ прода́шасѧ є҆́же твори́ти лѹка́вое.

16 И҆ ѹ҆гото́васѧ ца́рство пред̾ а҆нтїо́хомъ: и҆ ѹ҆мы́сли ца́рствовати во є҆гѵ́птѣ, ѩ҆́кѡ да ца́рствѹетъ над̾ двѣма̀ ца́рствома.

17 И҆ вни́де во є҆гѵ́петъ въ наро́дѣ тѧ́жцѣ, на колесни́цахъ и҆ на сло́нѣхъ, и҆ на вса́дникахъ и҆ на корабле́хъ мно́гихъ.

18 И҆ соста́ви бра́нь на птоломе́а царѧ̀ є҆гѵ́петскаго: и҆ ѹ҆боѧ́сѧ птоломе́й ѿ лица̀ є҆гѡ̀ и҆ побѣжѐ, и҆ падо́ша ѩ҆́звени мно́зи.

19 И҆ взѧ́ша гра́ды твє́рды въ землѝ є҆гѵ́петстѣй: и҆ взѧ̀ кѡры́сти землѝ є҆гѵ́петскїѧ.

20 И҆ ѡ҆брати́сѧ а҆нтїо́хъ, повнегда̀ поразѝ є҆гѵ́пта во сто̀ четы́редесѧть тре́тїе лѣ́то: и҆ взы́де на ї҆и҃лѧ и҆ на ї҆ер҇ли́мъ въ наро́дѣ тѧ́жцѣ,

21 и҆ вни́де во свѧти́лище съ горды́нею, и҆ взѧ̀ ѻ҆лта́рь златы́й и҆ свѣти́лникъ свѣ́щный и҆ всѧ҄ сосѹ́ды є҆гѡ̀,

22 и҆ трапе́зѹ предложе́нїѧ и҆ возлїѧ́лники, и҆ фїа́лы и҆ кади҄лницы златы҄ѧ, и҆ катапета́смѹ и҆ вѣнцы̀ и҆ ѹ҆краше́нїе злато́е, є҆́же на лицы̀ це́ркви (бѧ́ше), и҆ сокрѹшѝ всѧ҄:

23 и҆ взѧ̀ сребро̀ и҆ зла́то и҆ сосѹ́ды вожделѣ҄нныѧ: и҆ взѧ̀ сокрѡ́вища та҄йнаѧ, и҆̀хже ѡ҆брѣ́те.

24 И҆ взе́мъ всѧ҄ ѿи́де въ зе́млю свою̀, и҆ сотворѝ ѹ҆бі́йство, и҆ глаго́ла въ го́рдости вели́цѣй.

25 И҆ бы́сть пла́чь вели́къ во ї҆и҃ли на всѧ́цѣмъ мѣ́стѣ и҆́хъ.

26 И҆ возстена́ша нача҄лницы и҆ старѣ҄йшины, дѣ҄вы и҆ ю҆́нѡши и҆знемого́ша, и҆ красота̀ же́нскаѧ и҆змѣни́сѧ.

27 Всѧ́къ жени́хъ прїѧ̀ пла́чь, и҆ сѣдѧ́щаѧ на ѻ҆дрѣ̀ бра́чнѣ бы́сть въ печа́ли.

28 И҆ потрѧсе́сѧ землѧ̀ на ѡ҆бита́ющихъ на не́й, и҆ ве́сь до́мъ ї҆а́кѡвль ѡ҆блече́сѧ стѹдо́мъ.

29 И҆ по двою̀ лѣ҄тѹ дні́й посла̀ ца́рь нача́лника да́немъ во гра́ды ї҆ѹ҄дины. и҆ прїи́де во ї҆ер҇ли́мъ съ наро́домъ вели́кимъ

30 и҆ глаго́ла къ ни҄мъ словеса̀ ми҄рнаѧ во льстѝ. и҆ вѣ́роваша є҆мѹ̀. и҆ нападѐ на гра́дъ внеза́пѹ и҆ поразѝ є҆го̀ ѩ҆́звою вели́кою и҆ погѹбѝ лю́ди мнѡ́ги ѿ ї҆и҃лѧ:

31 и҆ взѧ̀ кѡры́сти гра́да и҆ сожжѐ є҆го̀ ѻ҆гне́мъ, и҆ разорѝ до́мы є҆гѡ̀ и҆ стѣ́ны є҆гѡ̀ ѡ҆́крестъ:

32 и҆ плѣни́ша же́нъ и҆ ча҄дъ, и҆ скоты̀ раздѣли́ша,

33 и҆ ѡ҆гради́ша гра́дъ даві́довъ стѣно́ю вели́кою и҆ крѣ́пкою и҆ ба́шнѧми крѣ́пкими, и҆ бы́сть и҆̀мъ въ крѣ́пость:

34 и҆ посади́ша та́мѡ люді́й грѣ́шникѡвъ, мѹже́й беззако́нныхъ, и҆ возмого́ша въ не́й:

35 и҆ положи́ша ѻ҆рѹ҄жїѧ и҆ бра҄шна, и҆ собира́хѹ кѡры́сти ї҆ер҇ли҄мскїѧ, и҆ полага́хѹ та́мѡ: и҆ бы́ша въ сѣ́ть вели́кѹ,

36 и҆ бы́сть въ лови́телство ст҃ы́ни и҆ въ дїа́вола лѹка́ваго ї҆и҃лю вы́нѹ.

37 И҆ пролїѧ́ша кро́вь непови́ннѹю ѡ҆́крестъ свѧти́лища и҆ ѡ҆скверни́ша ст҃ы́ню.

38 И҆ бѣжа́ша ѡ҆бита́ющїи во ї҆ер҇ли́мѣ и҆́хъ ра́ди, и҆ бы́сть ѡ҆бита́нїе чѹжди҄мъ: и҆ бы́сть чѹ́ждо сѣ́мени рожде́нїѧ своегѡ̀, и҆ ча҄да є҆гѡ̀ ѡ҆ста́виша є҆го̀.

39 Ст҃ы́нѧ є҆гѡ̀ разоре́на ѩ҆́кѡ пѹсты́нѧ, пра́здницы є҆гѡ̀ ѡ҆браще́ни сѹ́ть во пла́чь, сѹббѡ҄ты є҆гѡ̀ въ поноше́нїе, че́сть є҆гѡ̀ во ѹ҆ничиже́нїе:

40 по сла́вѣ є҆гѡ̀ ѹ҆мно́жисѧ безче́стїе є҆гѡ̀, и҆ высота̀ є҆гѡ̀ ѡ҆браще́на бы́сть во пла́чь.

41 И҆ писа̀ ца́рь а҆нтїо́хъ всемѹ̀ ца́рствѹ своемѹ̀, да бѹ́дѹтъ всѝ лю́дїе є҆ди́но,

42 и҆ ѡ҆ста́витъ кі́йждо зако́нъ сво́й. и҆ соизво́лиша всѝ ѩ҆зы́цы по сло́вѹ царѧ̀ (а҆нтїо́ха).

43 И҆ мно́зи ѿ ї҆и҃лѧ и҆зво́лиша слѹже́нїю є҆гѡ̀ и҆ пожро́ша їдѡлѡмъ и҆ ѡ҆скверни́ша сѹббѡ́тѹ.

44 И҆ посла̀ ца́рь кни҄ги рѹко́ю вѣ́стникѡвъ во ї҆ер҇ли́мъ и҆ во гра́ды ї҆ѹ҄дины, да по́йдѹтъ в̾слѣ́дъ зако́нѡвъ чѹжди́хъ землѝ

45 и҆ возбранѧ́тъ всесожжє́нїѧ и҆ же́ртвѹ и҆ возлїѧ́нїе ѿ ст҃ы́ни, и҆ ѡ҆мерзѧ́тъ сѹббѡ҄ты и҆ пра́здники,

46 и҆ ѡ҆сквернѧ́тъ ст҃ы́ню и҆ ст҃ы́хъ,

47 и҆ сози́ждѹтъ трє́бища и҆ ка҄пища и҆ кѹмї҄рницы, и҆ да жрѹ́тъ мѧса̀ свина҄ѧ и҆ скоты̀ ѻ҆́бщыѧ:

48 и҆ да ѡ҆ста́вѧтъ сы́ны своѧ҄ неѡбрѣ҄заны, є҆́же ѡ҆скверни́ти дѹ́шы и҆́хъ во всѧ́цѣй нечистотѣ̀ и҆ ѡ҆скверне́нїи,

49 ѩ҆́кѡ да забѹ́дѹтъ зако́нъ и҆ и҆змѣнѧ́тъ всѧ҄ ѡ҆правда҄нїѧ (бж҃їѧ).

50 И҆ и҆́же а҆́ще не сотвори́тъ по глаго́лѹ царе́вѹ, да ѹ҆́мретъ.

51 По всѣ҄мъ словесє́мъ си҄мъ написа̀ всемѹ̀ ца́рствѹ своемѹ̀ и҆ приста́ви надзира́тєли над̾ всѣ́ми людьмѝ: и҆ повелѣ̀ градѡ́мъ ї҆ѹ҄динымъ жре́ти во всѧ́цѣмъ гра́дѣ.

52 И҆ собра́шасѧ мно́зи ѿ люді́й къ ни҄мъ, всѧ́къ ѡ҆ста́вивый зако́нъ гд҇ень: и҆ сотвори́ша лѹка҄ваѧ на землѝ

53 и҆ положи́ша ї҆и҃лѧ въ та́йныхъ во всѧ́цѣмъ ѹ҆бѣ́жищи и҆́хъ.

54 И҆ въ пѧтыйна́десѧть де́нь мц҇а хасле́ѵа, въ лѣ́то сто̀ четы́редесѧть пѧ́тое созда́ша ме́рзость запѹстѣ́нїѧ на ѻ҆лтарѝ (бж҃їи), и҆ во градѣ́хъ ї҆ѹ́диныхъ ѡ҆́крестъ созда́ша трє́бища.

55 И҆ пред̾ дверьмѝ домѡ́въ и҆ на сто́гнахъ кадѧ́хѹ,

56 и҆ кни҄ги зако́на (бж҃їѧ), и҆̀хже ѡ҆брѣто́ша, сожго́ша ѻ҆гне́мъ, раздира́юще (и҆̀хъ).

57 И҆ и҆дѣ́же ѡ҆брѣта́шесѧ ѹ҆ когѡ̀ кни́га завѣ́та гд҇нѧ, и҆ а҆́ще кто̀ соизволѧ́ше зако́нѹ гд҇ню, по повелѣ́нїю царе́вѹ закала́хѹ є҆го̀.

58 Въ си́лѣ свое́й творѧ́хѹ си́це лю́демъ ї҆и҃лєвымъ, ѡ҆брѣта́ющымсѧ во всѧ́цѣмъ мц҇ѣ и҆ мц҇ѣ во градѣ́хъ.

59 И҆ въ два́десѧть пѧ́тый де́нь мц҇а жрѧ́хѹ въ ка́пищи, є҆́же бѣ̀ на ѻ҆лтарѝ.

60 И҆ же́нъ ѡ҆брѣ́завшихъ ча҄да своѧ҄ закала́ша по повелѣ́нїю (царе́вѹ),

61 и҆ ѡ҆бѣ́шахѹ дѣ҄тища за шї҄и и҆́хъ, до́мы и҆́хъ расхища́хѹ, и҆ ѡ҆брѣ́завшихъ ѧ҆̀ ѹ҆мерщвлѧ́хѹ.

62 И҆ мно́зи ѿ люді́й ї҆и҃левыхъ ѹ҆держа́шасѧ и҆ ѹ҆тверди́шасѧ въ себѣ̀, є҆́же не ѩ҆́сти скве́рныхъ,

63 и҆ и҆збра́ша па́че ѹ҆мре́ти, не́же ѡ҆скверни́тисѧ бра́шны, и҆ не хотѣ́ша престѹпи́ти зако́на бж҃їѧ ст҃а́гѡ: и҆ закла́ни бы́ша.

64 И҆ бы́сть гнѣ́въ ве́лїй на ї҆и҃лѧ ѕѣлѡ̀.

<< Prev Top Next → >>