Библия, а҃ маккавей́скаѧ, Глава 11. is available here: https://www.bible.promo/chapters.php?id=11202&pid=69&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / а҃ маккавей́скаѧ

Библия - Церковнославянская

А҆пока́лѷѱїсъ а҃ маккавей́скаѧ в҃ маккавей́скаѧ

Глава 1 2 3 4 5 6 7 8 9 10 11 12 13 14 15 16

1 И҆ ца́рь є҆гѵ́петскїй собра̀ си́лѹ мно́гѹ а҆́ки песо́къ, и҆́же вскра́й мо́рѧ, и҆ корабли҄ мнѡ́ги: и҆ и҆ска́ше ѡ҆блада́ти ца́рство а҆леѯа́ндрово ле́стїю и҆ приложи́ти є҆̀ къ ца́рствѹ своемѹ̀.

2 И҆ и҆зы́де въ сѷрі́ю словесы̀ ми́рными, и҆ ѿверза́хѹ є҆мѹ̀ и҆̀же ѿ градѡ́въ и҆ срѣта́хѹ є҆го̀, ѩ҆́кѡ за́повѣдь бѣ̀ а҆леѯа́ндра царѧ̀ срѣта́ти є҆го̀, занѐ бѧ́ше те́сть є҆гѡ̀.

3 Е҆гда́ же вхожда́ше во гра́ды, птоломе́й поставлѧ́ше си҄лы на стра́жѹ въ ко́емждо гра́дѣ.

4 Е҆гда́ же прибли́жисѧ ко а҆зѡ́тѹ, показа́ша є҆мѹ̀ ка́пище дагѡ́ново сожже́но, и҆ а҆зѡ́тъ и҆ ѡ҆крє́стныѧ гра́ды є҆гѡ̀ разорє́ны, и҆ тѣлеса̀ пове́ржєна, и҆ побїе́ныхъ, и҆̀хже побѝ во бра́ни: смета́ша бо ѧ҆̀ въ кѹ҄пы и҆́хъ при пѹтѝ є҆гѡ̀.

5 И҆ повѣ́даша царю̀, ѩ҆̀же сотворѝ ї҆ѡнаѳа́нъ, є҆́же бы возненави́дѣти є҆го̀. и҆ ѹ҆молча̀ ца́рь.

6 И҆ срѣ́те ї҆ѡнаѳа́нъ царѧ̀ во ї҆ѻппі́и со сла́вою, и҆ цѣлова́ста дрѹ́гъ дрѹ́га и҆ почи́ста тѹ̀.

7 И҆ и҆́де ї҆ѡнаѳа́нъ со царе́мъ да́же до рѣкѝ нарица́емыѧ є҆леѵѳе́ра, и҆ возврати́сѧ во ї҆ер҇ли́мъ.

8 Ца́рь же птоломе́й ѡ҆госпо́дствова гра҄ды примо́рскими да́же до селеѵкі́и примо́рскїѧ и҆ размышлѧ́ше на а҆леѯа́ндра совѣ́ты лѹка҄вы.

9 И҆ посла̀ старѣ́йшинъ къ дими́трїю царю̀, глаго́лѧ: прїидѝ, соста́вимъ междѹ̀ на́ма завѣ́тъ, и҆ да́мъ тебѣ̀ дще́рь мою̀, ю҆́же и҆́мать а҆леѯа́ндръ, и҆ ца́рствовати и҆́маши во ца́рствїи ѻ҆тца̀ твоегѡ̀:

10 раска́ѧхсѧ бо да́въ є҆мѹ̀ дще́рь мою̀, и҆ска́ше бо мѧ̀ ѹ҆би́ти.

11 И҆ похѹ́ли є҆го̀ ра́ди похотѣ́нїѧ ца́рства є҆гѡ̀.

12 И҆ ѿѧ́въ дще́рь свою̀, дадѐ ю҆̀ дими́трїю и҆ ѿчѹжди́сѧ ѿ а҆леѯа́ндра, и҆ ѩ҆ви́сѧ вражда̀ и҆́хъ.

13 И҆ вни́де птоломе́й во а҆нтїохі́ю и҆ возложѝ двѣ̀ дїади҄мы на главѹ̀ свою̀, а҆сі́йскѹю и҆ є҆гѵ́петскѹю.

14 А҆леѯа́ндръ же ца́рь бѣ̀ въ кїлїкі́и во времена̀ ѻ҆́на, поне́же ѿмета́хѹсѧ и҆̀же ѿ мѣ́стъ ѻ҆́ныхъ.

15 И҆ слы́ша а҆леѯа́ндръ и҆ прїи́де на́нь бра́нїю: и҆ и҆зведѐ птоломе́й си́лѹ, и҆ срѣ́те є҆го̀ рѹко́ю крѣ́пкою, и҆ прогна̀ є҆го̀.

16 И҆ побѣжѐ а҆леѯа́ндръ во а҆раві́ю защи́титисѧ та́мѡ: ца́рь же птоломе́й вознесе́сѧ.

17 И҆ ѹ҆сѣ́кнѹ завдїи́ль а҆раві́тинъ главѹ̀ а҆леѯа́ндровѹ и҆ посла̀ птоломе́ю.

18 И҆ ца́рь птоломе́й ѹ҆́мре въ тре́тїй де́нь, и҆ сѹ́щїи въ тверды́нехъ погибо́ша ѿ сѹ́щихъ въ тверды́нехъ.

19 И҆ воцари́сѧ дими́трїй въ лѣ́то сто̀ шестьдесѧ́тъ седмо́е.

20 Во дни҄ ѡ҆́ны собра̀ ї҆ѡнаѳа́нъ сѹ́щихъ ѿ ї҆ѹде́и, да вою́ютъ краегра́дїе, є҆́же во ї҆ер҇ли́мѣ, и҆ сотворѝ на ѻ҆́ное миха҄ны мнѡ́ги.

21 И҆ и҆до́ша нѣ́цыи ненави́дѧщїи ѩ҆зы́ка и҆́хъ, мѹ́жїе беззакѡ́нницы, ко царю̀ дими́трїю и҆ возвѣсти́ша є҆мѹ̀, ѩ҆́кѡ ї҆ѡнаѳа́нъ ѡ҆бстои́тъ краегра́дїе.

22 И҆ слы́шавъ разгнѣ́васѧ: є҆гда́ же слы́ша, ско́рѡ прїи́де во птолемаі́дѹ и҆ написа̀ ко ї҆ѡнаѳа́нѹ, да не ѡ҆бстои́тъ краегра́дїѧ, но да и҆́детъ во срѣ́тенїе є҆мѹ̀ тща́телнѡ во птолемаі́дѹ, є҆́же бесѣ́довати съ ни́мъ.

23 Е҆гда́ же ѹ҆слы́ша ї҆ѡнаѳа́нъ, повелѣ̀ ѡ҆бстоѧ́ти, и҆ и҆збра̀ ѿ старѣ́йшинъ ї҆и҃левыхъ и҆ ї҆ере́євъ, и҆ вдаде́сѧ въ бѣ́дство:

24 и҆ взѧ́въ зла́то и҆ сребро̀ и҆ ри҄зы и҆ и҆́ны да́ры мнѡ́ги, и҆́де ко царю̀ во птолемаі́дѹ и҆ ѡ҆брѣ́те благода́ть пред̾ ни́мъ.

25 И҆ клевета́хѹ на него̀ нѣ́цыи беззако́ннїи ѿ ѩ҆зы́ка (є҆гѡ̀).

26 И҆ сотворѝ є҆мѹ̀ ца́рь, ѩ҆́коже сотвори́ша є҆мѹ̀, и҆̀же пре́жде є҆гѡ̀ бы́ша, и҆ возвы́си є҆го̀ пред̾ всѣ́ми дрѹ҄ги свои́ми,

27 и҆ поста́ви є҆го̀ нача́лника свѧще́нствѹ, и҆ є҆ли҄ка и҆́на и҆мѣ́ѧше пре́жде честна҄ѧ, и҆ сотворѝ є҆го̀ въ пе́рвыхъ дрѹзѣ́хъ бы́ти.

28 И҆ молѝ ї҆ѡнаѳа́нъ царѧ̀ сотвори́ти ї҆ѹде́ю безда́ннѹ, и҆ трѝ топа҄рхїи, и҆ самарі́ю, и҆ ѡ҆бѣща̀ є҆мѹ̀ три́ста тала҄нтъ.

29 И҆ ѹ҆го́дно бы́сть царю̀, и҆ написа̀ ї҆ѡнаѳа́нѹ є҆пїстѡ́лїи ѡ҆ всѣ́хъ си́хъ, и҆мѣ́ющыѧ ѡ҆́бразъ сицевы́й:

30 ца́рь дими́трїй бра́тѹ ї҆ѡнаѳа́нѹ ра́доватисѧ и҆ ѩ҆зы́кѹ ї҆ѹде́йскомѹ:

31 списа́нїе є҆пїсто́лїи, ю҆́же писа́хомъ ласѳе́нѹ сро́дникѹ на́шемѹ ѡ҆ ва́съ, писа́хомъ и҆ къ ва́мъ, да вѣ́сте:

32 ца́рь дими́трїй ласѳе́нѹ ѻ҆тцѹ̀ ра́доватисѧ:

33 ѩ҆зы́кѹ ї҆ѹде́йскѹ дрѹгѡ́мъ на́шымъ и҆ сохранѧ́ющымъ ѩ҆̀же къ на́мъ пра́вєднаѧ сѹди́хомъ благосотвори́ти, ра́ди благопрїѧ́тства и҆́хъ къ на́мъ:

34 ѹ҆ста́вихомъ ѹ҆̀бо и҆̀мъ предѣ́лы ї҆ѹдє́йскїѧ и҆ трѝ страны҄, а҆фере́мѹ, лѵ́ддѹ и҆ рамаѳе́мъ, и҆̀же приложи́шасѧ ї҆ѹде́и ѿ самарі́и, и҆ всѧ҄ надлєжа́щаѧ къ ни҄мъ, всѣ҄мъ жрѹ́щымъ во ї҆ер҇ли́мѣ, вмѣ́стѡ ца́рскихъ, и҆̀хже взима́ше ца́рь ѿ ни́хъ пе́рвѣе на всѧ́ко лѣ́то ѿ жи҄тъ землѝ и҆ ѿ ѻ҆воще́й древе́сныхъ,

35 и҆ и҆́на надлєжа́щаѧ на́мъ ѿнн҃ѣ десѧти́нъ и҆ да́ней надлежа́щихъ на́мъ, и҆ со́ли точи҄ла, и҆ принадлежа́щихъ на́мъ вѣнцє́въ,

36 всѧ҄ ще́дрѡ ѡ҆ставлѧ́емъ и҆̀мъ, и҆ ничто́же ѿ си́хъ ѿи́метсѧ ѿнн҃ѣ и҆ въ вѣ́чное вре́мѧ:

37 нн҃ѣ ѹ҆̀бо прилѣжи́те сотвори́ти си́хъ списа́нїе, и҆ да да́стсѧ ї҆ѡнаѳа́нѹ и҆ да положи́тсѧ въ горѣ̀ ст҃ѣ́й въ мѣ́стѣ че́стнѣ.

38 И҆ ви́дѣ дими́трїй ца́рь, ѩ҆́кѡ ѹ҆тиши́сѧ землѧ̀ пред̾ ни́мъ, и҆ ничто̀ є҆мѹ̀ проти́витсѧ, и҆ ѿпѹстѝ всѧ҄ вѡ́и своѧ҄ коего́ждо въ мѣ́сто своѐ, кромѣ̀ чѹжди́хъ си́лъ, и҆̀хже собра̀ ѿ ѻ҆стровѡ́въ ѩ҆зы́ческихъ, и҆ враждова́хѹ є҆мѹ̀ всѧ҄ си҄лы ѻ҆тцє́въ є҆гѡ̀.

39 Трѵ́фѡнъ же бѣ̀ ѿ а҆леѯа́ндровыхъ пе́рвѣе, и҆ ви́дѣ, ѩ҆́кѡ всѧ҄ си́лы ро́пщѹтъ на дими́трїа, и҆ и҆́де ко є҆малкѹ́ю а҆раві́тинѹ, и҆́же воспита̀ а҆нтїо́ха дѣ́тище а҆леѯа́ндрово:

40 и҆ прилѣжа́ше є҆мѹ̀, ѩ҆́кѡ да да́стъ є҆мѹ̀ є҆̀, да воцари́тъ вмѣ́стѡ ѻ҆тца̀ є҆гѡ̀: и҆ возвѣстѝ є҆мѹ̀, є҆ли҄ка сотворѝ дими́трїй, и҆ враждѹ̀, є҆́юже враждѹ́ютъ на́нь си҄лы є҆гѡ̀, и҆ пребы́сть тѹ̀ дни҄ мнѡ́ги.

41 И҆ посла̀ ї҆ѡнаѳа́нъ ко дими́трїю царю̀, да и҆ждене́тъ сѹ́щихъ во краегра́дїи и҆з̾ ї҆ер҇ли́ма и҆ и҆̀же въ тверды́нехъ: бѧ́хѹ бо вою́юще ї҆и҃лѧ.

42 И҆ посла̀ дими́трїй ко ї҆ѡнаѳа́нѹ глаго́лѧ: не то́кмѡ сїѧ҄ сотворю̀ тебѣ̀ и҆ ѩ҆зы́кѹ твоемѹ̀, но и҆ сла́вою просла́влю тѧ̀ и҆ ѩ҆зы́къ тво́й, а҆́ще благовре́менство полѹчѹ̀:

43 нн҃ѣ ѹ҆̀бо пра́вѡ сотвори́ши, а҆́ще по́слеши мѝ мѹже́й спобора́ющихъ, ѩ҆́кѡ ѿстѹпи́ша всѝ вѡ́и моѝ.

44 И҆ посла̀ є҆мѹ̀ ї҆ѡнаѳа́нъ трѝ ты́сѧщы мѹже́й си́льныхъ крѣ́постїю во а҆нтїохі́ю, и҆ прїидо́ша ко царю̀, и҆ возвесели́сѧ ца́рь ѡ҆ прише́ствїи и҆́хъ.

45 И҆ собра́шасѧ и҆̀же ѿ гра́да въ среди́нѹ гра́да сто̀ два́десѧть ты́сѧщъ мѹже́й и҆ совѣща́хѹсѧ ѹ҆би́ти царѧ̀.

46 И҆ бѣжа̀ ца́рь во дво́ръ, и҆ ѡ҆б̾ѧ́ша и҆̀же бѣ́хѹ ѿ гра́да пѹти҄ гра҄дскїѧ, и҆ нача́ша би́тисѧ.

47 И҆ призва̀ ца́рь ї҆ѹдеѡ́въ на по́мощь, и҆ собра́шасѧ всѝ вкѹ́пѣ къ немѹ̀: и҆ расточи́шасѧ всѝ по гра́дѹ,

48 и҆ ѹ҆би́ша во гра́дѣ въ то́й де́нь сто̀ ты́сѧщъ мѹже́й, и҆ сожго́ша гра́дъ, и҆ взѧ́ша коры҄сти мнѡ́ги во ѡ҆́нъ де́нь и҆ и҆зба́виша царѧ̀.

49 И҆ ви́дѣша и҆̀же бѧ́хѹ ѿ гра́да, ѩ҆́кѡ ѡ҆держа́ша ї҆ѹде́є гра́дъ, ѩ҆́коже хотѣ́ша, и҆ и҆знемого́ша мы́сльми свои́ми, и҆ возопи́ша ко царю̀ съ моле́нїемъ, глаго́люще:

50 да́ждь на́мъ десни́цѹ, и҆ да преста́нѹтъ ї҆ѹде́є ра́товати на́съ и҆ гра́дъ.

51 И҆ поверго́ша ѻ҆рѹ҄жїѧ своѧ҄ и҆ сотвори́ша ми́ръ. И҆ просла́вишасѧ ї҆ѹде́є пред̾ царе́мъ и҆ пред̾ всѣ́ми и҆̀же во ца́рствїи є҆гѡ̀, и҆ возврати́шасѧ во ї҆ер҇ли́мъ и҆мѣ́юще коры҄сти мнѡ́ги.

52 И҆ сѣ́де дими́трїй ца́рь на престо́лѣ ца́рства своегѡ̀, и҆ ѹ҆поко́исѧ землѧ̀ пред̾ ни́мъ.

53 И҆ солга̀ всѧ҄ є҆ли҄ка речѐ, и҆ ѿчѹжди́сѧ ї҆ѡнаѳа́на, и҆ не воздадѐ є҆мѹ̀ по благотворе́нїємъ, ѩ҆̀же воздадѐ є҆мѹ̀, и҆ ѡ҆скорбѝ є҆го̀ ѕѣлѡ̀.

54 По си́хъ же возврати́сѧ трѵ́фѡнъ и҆ а҆нтїо́хъ съ ни́мъ ѻ҆́трочищь ю҆́ный: и҆ воцари́сѧ и҆ возложѝ дїади́мѹ.

55 И҆ собра́шасѧ къ немѹ̀ всѝ вѡ́и, и҆̀хже расточѝ дими́трїй, и҆ ра́товаша проти́вѹ є҆гѡ̀, и҆ побѣжѐ и҆ побѣжде́нъ бы́сть.

56 И҆ взѧ̀ трѵ́фѡнъ ѕвѣ҄ри и҆ ѡ҆держа̀ а҆нтїохі́ю.

57 И҆ писа̀ а҆нтїо́хъ ю҆́ный ї҆ѡнаѳа́нѹ, глаго́лѧ: ѹ҆ставлѧ́ю тебѣ̀ а҆рхїере́йство и҆ поставлѧ́ю тебѐ над̾ четы́рми страна́ми, и҆ бѹ́деши въ дрѹзѣ́хъ ца́рскихъ.

58 И҆ посла̀ є҆мѹ̀ сосѹ́ды златы҄ѧ и҆ слѹже́нїе, и҆ дадѐ є҆мѹ̀ вла́сть пи́ти и҆з̾ зла́та и҆ бы́ти въ порфѵ́рѣ и҆ и҆мѣ́ти гри́внѹ зла́тѹ.

59 И҆ сі́мѡна бра́та є҆гѡ̀ поста́ви воево́дою ѿ страны̀ тѵ́ра да́же до предѣ҄лъ є҆гѵ́пта.

60 И҆ и҆зы́де ї҆ѡнаѳа́нъ и҆ прохожда́ше ѡ҆б̾ ѻ҆нѹ̀ странѹ̀ рѣкѝ и҆ во градѣ́хъ, и҆ собра́шасѧ къ немѹ̀ всѧ҄ си҄лы сѵ҄рскїѧ въ по́мощь, и҆ прїи́де во а҆скалѡ́нъ, и҆ срѣто́ша є҆го̀ че́стнѡ ѿ гра́да.

61 И҆ и҆́де ѿтѹ́дѹ въ га́зѹ, и҆ заключи́шасѧ и҆̀же въ га́зѣ, и҆ ѡ҆бстоѧ́ше ю҆̀, и҆ пожжѐ ѡ҆крє́стныѧ гра́ды є҆ѧ̀ ѻ҆гне́мъ, и҆ плѣнѝ ѧ҆̀.

62 И҆ моли́ша ї҆ѡнаѳа́на и҆̀же ѿ га́зы, и҆ дадѐ и҆̀мъ десни́цѹ, и҆ взѧ̀ сы́ны нача́лникѡвъ и҆́хъ въ зало́гъ, и҆ посла̀ и҆̀хъ во ї҆ер҇ли́мъ, и҆ про́йде странѹ̀ да́же до дама́ска.

63 И҆ слы́ша ї҆ѡнаѳа́нъ, ѩ҆́кѡ сѹ́ть нача҄лницы дими́трїєвы въ ка́дисѣ, и҆́же въ галїле́и, съ си́лою мно́гою, хотѧ́ще и҆зри́нѹти є҆го̀ ѿ страны̀.

64 И҆ срѣ́тесѧ съ ни́ми, бра́та же своего̀ сі́мѡна ѡ҆ста́ви во странѣ̀.

65 И҆ ѡ҆полчи́сѧ сі́мѡнъ на веѳсѹ́рѹ, и҆ ра́товаша ю҆̀ дни҄ мнѡ́ги, и҆ заключѝ ю҆̀.

66 И҆ проси́ша ѹ҆ негѡ̀ десни́цѹ прїѧ́ти, и҆ дадѐ и҆̀мъ, и҆ и҆згна̀ и҆̀хъ ѿтѹ́дѹ, и҆ взѧ̀ гра́дъ, и҆ поста́ви въ не́мъстра́жѹ.

67 Ї҆ѡнаѳа́нъ же и҆ по́лкъ є҆гѡ̀ прїидо́ша къ водѣ̀ генниса́ръ:

68 и҆ и҆до́ша ѹ҆́трѡ ра́нѡ на по́ле насѡ́ръ, и҆ сѐ, по́лкъ и҆ноплеме́нникѡвъ срѣ́те є҆го̀ на по́ли, и҆ поста́виша на́нь лови́телство въ гора́хъ, са́ми же срѣто́ша ѿсѹпроти́вѹ.

69 Лови́телє же воста́ша ѿ мѣ́стъ свои́хъ и҆ соста́виша ра́ть,

70 и҆ побѣго́ша и҆̀же со ї҆ѡнаѳа́номъ всѝ, и҆ ни є҆ди́нъ ѡ҆ста́сѧ ѿ ни́хъ, то́кмѡ маттаѳі́а сы́нъ а҆вессалѡ́мовъ, и҆ ї҆ѹ́да сы́нъ халфі́евъ, нача҄лницы вои́нскихъ си́лъ.

71 И҆ растерза̀ ї҆ѡнаѳа́нъ ри҄зы своѧ҄, и҆ возложѝ зе́млю на главѹ̀ свою̀, и҆ помоли́сѧ:

72 и҆ ѡ҆брати́сѧ на ни́хъ бра́нїю и҆ побѣдѝ и҆̀хъ, и҆ бѣго́ша.

73 И҆ ви́дѣша своѝ бѣжа́вшїи ѿ негѡ̀, и҆ ѡ҆брати́шасѧ къ немѹ̀, и҆ гна́ша съ ни́мъ да́же до ка́диса, да́же до полка̀ и҆́хъ, и҆ ѡ҆полчи́шасѧ та́мѡ.

74 И҆ падо́ша ѿ и҆ноплемє́нникъ въ де́нь то́й трѝ ты́сѧщы мѹже́й. и҆ возврати́сѧ ї҆ѡнаѳа́нъ во ї҆ер҇ли́мъ.

<< ← Prev Top Next → >>