Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / а҃ маккавей́скаѧ

Библия - Церковнославянская

А҆пока́лѷѱїсъ а҃ маккавей́скаѧ в҃ маккавей́скаѧ

Глава 1 2 3 4 5 6 7 8 9 10 11 12 13 14 15 16

1 И҆ въ лѣ́то сто̀ се́дмьдесѧтъ второ́е, собра̀ ца́рь дими́трїй си҄лы своѧ҄ и҆ и҆́де въ миді́ю собра́ти по́мощь себѣ̀, ѩ҆́кѡ да ра́тѹетъ проти́вѹ трѵ́фѡна.

2 И҆ слы́ша а҆рса́къ ца́рь пе́рсскїй и҆ ми́дскїй, ѩ҆́кѡ прїи́де дими́трїй въ предѣ́лы є҆гѡ̀, и҆ посла̀ є҆ди́наго ѿ нача҄лникъ свои́хъ ѩ҆́ти є҆го̀ жи́ва.

3 И҆ и҆́де и҆ поразѝ ѡ҆полче́нїе дими́трїево, и҆ ѩ҆́тъ є҆го̀ и҆ приведѐ є҆го̀ ко а҆рса́кѹ: и҆ всадѝ є҆го̀ въ темни́цѹ.

4 И҆ ѹ҆молча̀ землѧ̀ ї҆ѹ́дина во всѧ҄ дни҄ сі́мѡнѡвы, и҆ взыска̀ блага҄ѧ ѩ҆зы́кѹ своемѹ̀, и҆ ѹ҆го́дна бы́сть и҆̀мъ вла́сть є҆гѡ̀ и҆ сла́ва є҆гѡ̀ во всѧ҄ дни҄.

5 И҆ со все́ю сла́вою свое́ю взѧ̀ ї҆ѻппі́ю въ приста́нище и҆ сотворѝ вхо́дъ ѻ҆стровѡ́мъ мѡрски́мъ,

6 и҆ распрострѐ предѣ́лы ѩ҆зы́кѹ своемѹ̀, и҆ ѡ҆держа̀ странѹ̀,

7 и҆ собра̀ плѣне́нїе мно́го, и҆ госпо́дствова над̾ газа҄ры и҆ веѳсѹ҄ры и҆ краегра́дїемъ, и҆ ѿѧ́тъ нечистѡты̀ ѿ негѡ̀, и҆ не бы́сть противлѧ́ющагѡсѧ є҆мѹ̀.

8 И҆ кі́йждо дѣ́лаше зе́млю свою̀ съ ми́ромъ, и҆ землѧ̀ даѧ́ше жи҄та своѧ҄, и҆ древеса̀ пѡльска́ѧ пло́дъ сво́й.

9 Старѣ҄йшины на сто́гнахъ сѣдѧ́хѹ и҆ всѝ ѡ҆ благи́хъ бесѣ́довахѹ, и҆ ю҆́нѡши ѡ҆блача́хѹсѧ сла́вою и҆ ри́зами ра́тными.

10 Градѡ́мъ даѧ́ше пи́щы и҆ вчинѧ́ше и҆̀хъ въ сосѹ́ды ѹ҆твержде́нїѧ, доне́лѣже и҆менова́сѧ и҆́мѧ сла́вы є҆гѡ̀ да́же до кра́ѧ землѝ.

11 Сотворѝ ми́ръ на землѝ, и҆ возвесели́сѧ ї҆и҃ль весе́лїемъ ве́лїимъ.

12 И҆ сѣ́де кі́йждо под̾ вїногра́домъ свои́мъ и҆ смоко́вницею свое́ю, и҆ не бы́сть ѹ҆страша́ющагѡ и҆̀хъ.

13 И҆ ѡ҆скѹдѣ̀ ра́тѹѧй и҆̀хъ на землѝ, и҆ ца́рїе сотро́шасѧ во дни҄ ѡ҆́ны.

14 И҆ ѹ҆крѣпѝ всѣ́хъ смире́нныхъ люді́й свои́хъ: зако́на взыска̀ и҆ ѿѧ́тъ всѧ́ко беззако́нїе и҆ лѹка́вство,

15 ст҃а҄ѧ просла́ви и҆ ѹ҆мно́жи сосѹ́ды ст҃ы́хъ.

16 И҆ слы́шано бѣ̀ въ ри́мѣ, ѩ҆́кѡ ѹ҆́мре ї҆ѡнаѳа́нъ, и҆ да́же до спа́ртїи слы́шасѧ, и҆ ѡ҆скорби́шасѧ ѕѣлѡ̀.

17 Е҆гда́ же ѹ҆слы́шаша, ѩ҆́кѡ сі́мѡнъ бра́тъ є҆гѡ̀ бы́сть вмѣ́стѡ є҆гѡ̀ а҆рхїере́й и҆ ѡ҆держа̀ всю̀ странѹ̀ и҆ гра́ды въ не́й,

18 писа́ша къ немѹ̀ на дщи́цахъ мѣ́дѧныхъ, є҆́же ѡ҆бнови́ти съ ни́мъ дрѹ́жбѹ и҆ споборе́нїе, ѩ҆̀же сотвори́ша со ї҆ѹ́дою и҆ ї҆ѡнаѳа́номъ бра́тїею є҆гѡ̀.

19 И҆ прочто́шасѧ пред̾ цр҃ковїю во ї҆ер҇ли́мѣ.

20 И҆ се́й ѡ҆́бразъ посла́нїй, и҆̀хже посла́ша спартїа́ты: спартїа́тѡвъ нача҄лницы и҆ гра́дъ сі́мѡнѹ ї҆ере́ю вели́комѹ и҆ старѣ́йшинамъ, и҆ жерцє́мъ и҆ про́чымъ лю́демъ ї҆ѹдє́йскимъ бра́тїи ра́доватисѧ:

21 послы̀, и҆̀же по́слани сѹ́ть къ лю́демъ на́шымъ, возвѣсти́ша на́мъ ѡ҆ ва́шей сла́вѣ и҆ че́сти, и҆ возвесели́хомсѧ ѡ҆ прихо́дѣ и҆́хъ,

22 и҆ списа́хомъ ѩ҆̀же ѿ ни́хъ речє́на въ совѣ́тѣхъ люді́й си́це: нѹми́нїй сы́нъ а҆нтїо́ховъ и҆ а҆нтїпа́тръ ї҆асѡ́новъ, послы̀ ї҆ѹде́йстїи, прїидо́ста къ на́мъ возновлѧ҄юща съ на́ми дрѹ́жбѹ:

23 и҆ ѹ҆го́дно бы́сть лю́демъ прїѧ́ти мѹ́жы сла́внѡ и҆ положи́ти восписа́нїе слове́съ и҆́хъ во ѡ҆сѡ́быѧ людскї҄ѧ кни҄ги, да бѹ́детъ па́мѧть лю́демъ спартїа́тѡвъ: ѡ҆́бразъ же тѣ́хъ писа́хомъ сі́мѡнѹ а҆рхїере́ю.

24 По си́хъ посла̀ сі́мѡнъ нѹми́нїа въ ри́мъ, и҆мѹ́щаго щи́тъ зла́тъ вели́къ вѣ́сомъ мна҄съ ты́сѧща на ѹ҆ставле́нїе съ ни́ми дрѹ́жбы.

25 Е҆гда́ же ѹ҆слы́шаша лю́дїе словеса̀ сїѧ҄, рѣ́ша: кѹ́ю благода́ть воздади́мъ сі́мѡнѹ и҆ сынѡ́мъ є҆гѡ̀;

26 ѹ҆тверди́ бо са́мъ и҆ бра́тїѧ є҆гѡ̀ и҆ до́мъ ѻ҆тца̀ є҆гѡ̀, и҆ побѝ врагѝ ї҆и҃лєвы ѿ ни́хъ, и҆ ѹ҆ста́виша є҆мѹ̀ свобо́дѹ.

27 И҆ написа́ша на дска́хъ мѣ́дѧныхъ и҆ поста́виша на столпѣ̀ въ горѣ̀ сїѡ́нѣ. и҆ се́й є҆́сть ѡ҆́бразъ писа́нїѧ: во ѻ҆смыйна́десѧть де́нь мц҇а є҆лѹ́лъ, лѣ́та сто̀ се́дмьдесѧтъ втора́гѡ, и҆ сїѐ тре́тїе лѣ́то при сі́мѡнѣ а҆рхїере́и, въ сараме́ли,

28 въ собра́нїи вели́цѣмъ жерцє́въ и҆ люді́й, и҆ кнѧзе́й ѩ҆зы́ка и҆ старѣ́йшинъ страны̀ возвѣсти́сѧ на́мъ: поне́же мно́гащи бы́ша бра҄ни въ странѣ̀,

29 сі́мѡнъ же сы́нъ маттаѳі́евъ, сы́нъ сынѡ́въ ї҆арі́вовыхъ, и҆ бра́тїѧ є҆гѡ̀ вда́ша себѐ въ бѣ́дство, и҆ противоста́ша сопоста́тѡмъ ѩ҆зы́ка своегѡ̀, ѩ҆́кѡ да стоѧ́тъ ст҃а҄ѧ и҆́хъ и҆ зако́нъ, и҆ сла́вою вели́кою просла́виша лю́ди своѧ҄:

30 и҆ собра̀ ї҆ѡнаѳа́нъ лю́ди своѧ҄, и҆ бы́сть и҆̀мъ а҆рхїере́й, и҆ приложи́сѧ къ лю́демъ свои҄мъ:

31 и҆ хотѣ́ша вразѝ и҆́хъ вни́ти въ странѹ̀ и҆́хъ, є҆́же сокрѹши́ти странѹ̀ и҆́хъ и҆ просте́рти рѹ́кѹ на ст҃а҄ѧ и҆́хъ,

32 тогда̀ воста̀ сі́мѡнъ и҆ бра́сѧ за лю́ди своѧ҄, и҆ разда̀ сре́бреникѡвъ мно́гѡ свои҄мъ, и҆ воѡрѹжѝ мѹ́жы си҄льныѧ ѩ҆зы́ка своегѡ̀, и҆ дадѐ и҆̀мъ ѡ҆бро́ки,

33 и҆ ѹ҆твердѝ гра́ды ї҆ѹдє́йскїѧ и҆ веѳсѹ́рѹ, ѩ҆́же въ предѣ́лѣхъ ї҆ѹде́йскихъ, и҆дѣ́же бѧ́хѹ ѻ҆рѹ҄жїѧ бра́нникѡвъ пре́жде, и҆ поста́ви та́мѡ на стра́жѹ мѹ́жы ї҆ѹдє́йскїѧ:

34 и҆ ї҆ѻппі́ю ѹ҆твердѝ, ѩ҆́же на примо́рїи, и҆ газа́рѹ, ѩ҆́же въ предѣ́лѣхъ а҆зѡ́та, въ не́йже вразѝ пре́жде ѡ҆бита́хѹ, и҆ населѝ та́мѡ ї҆ѹдє́и, и҆ є҆ли҄ка потрє́бна бѧ́хѹ на ѹ҆правле́нїе си́хъ, положѝ въ ни́хъ:

35 и҆ ви́дѣша лю́дїе дѣ́йство сі́мѡново и҆ сла́вѹ, ю҆́же ѹ҆мы́сли сотвори́ти ѩ҆зы́кѹ своемѹ̀, и҆ поста́виша є҆го̀ въ вожда̀ своего̀ и҆ а҆рхїере́а, зане́же сотворѝ сїѧ҄ всѧ҄, и҆ пра́вдѹ и҆ вѣ́рѹ, ю҆́же соблюдѐ ѩ҆зы́кѹ своемѹ̀, и҆ взыска̀ всѧ́кимъ ѡ҆́бразомъ вознестѝ лю́ди своѧ҄:

36 и҆ во дни҄ є҆гѡ̀ благоѹспѣва́ше въ рѹкѹ̀ є҆гѡ̀, є҆́же и҆з̾ѧ́ти ѩ҆зы́ки ѿ страны̀ и҆́хъ, и҆ и҆̀же во гра́дѣ даві́довѣ бѣ́хѹ во ї҆ер҇ли́мѣ, и҆̀же сотвори́ша себѣ̀ краегра́дїе, и҆з̾ негѡ́же и҆схожда́хѹ и҆ сквернѧ́хѹ ѡ҆́крестъ ст҃ы́хъ и҆ творѧ́хѹ ѩ҆́звѹ ве́лїю въ чистотѣ̀,

37 и҆ населѝ въ не́мъ мѹ́жы ї҆ѹдє́йски и҆ ѹ҆твердѝ ко ѹ҆крѣпле́нїю страны̀ и҆ гра́да и҆ возвы́си стѣ́ны во ї҆ер҇ли́мѣ:

38 и҆ ца́рь дими́трїй ѹ҆ста́ви є҆мѹ̀ нача́лство жре́чества,

39 по си҄мъ сотворѝ є҆го̀ дрѹ́га своего̀ и҆ просла́ви є҆го̀ сла́вою вели́кою:

40 слы́ша бо, ѩ҆́кѡ нарѣче́ни сѹ́ть ї҆ѹде́є ѿ ри́млѧнъ дрѹ́зи и҆ спобѡ́рницы и҆ бра́тїѧ, и҆ ѩ҆́кѡ прїѧ́ша послѡ́въ сі́мѡновыхъ пресла́внѡ:

41 и҆ ѩ҆́кѡ благоволи́ша ї҆ѹде́є и҆ жерцы̀ бы́ти сі́мѡнѹ вождо́мъ и҆ а҆рхїере́емъ въ вѣ́къ, до́ндеже воста́нетъ про҇ро́къ вѣ́ренъ:

42 и҆ да бѹ́детъ над̾ ни́ми воево́да, и҆ ѩ҆́кѡ да радѣ́етъ ѡ҆ ст҃ы́хъ поставлѧ́ти и҆̀хъ над̾ дѣла́ми и҆́хъ и҆ над̾ страно́ю, и҆ над̾ ѻ҆рѹ́жїемъ и҆ над̾ тверды́нѧми,

43 и҆ ѩ҆́кѡ да радѣ́етъ ѡ҆ ст҃ы́хъ, и҆ да слѹ́шаютъ є҆гѡ̀всѝ, и҆ да пи́шѹтсѧ на и҆́мѧ є҆гѡ̀ всѧ҄ писа҄нїѧ во странѣ̀,и҆ да ѡ҆блачи́тсѧ въ порфѵ́рѹ и҆ златѹ́ю ри́зѹ,

44 и҆ не лѣ́ть бѹ́детъ ни комѹ́же ѿ люді́й и҆ ѿ жрє́цъ ѿврещѝ что̀ ѿ си́хъ и҆ вопрекѝ глаго́лати ѿ негѡ̀ речє́нымъ, и҆лѝ совокѹпи́ти со́нмъ во странѣ̀ без̾ негѡ̀ и҆ ѡ҆блещи́сѧ въ порфѵ́рѹ и҆ носи́ти гри́внѹ зла́тѹ:

45 а҆ и҆́же а҆́ще сотвори́тъ кромѣ̀ си́хъ, и҆лѝ ѿве́ржетъ что̀ си́хъ, пови́ненъ бѹ́детъ.

46 И҆ ѹ҆го́дно бы́сть всѣ҄мъ лю́демъ ѹ҆ста́вити сі́мѡнѹ и҆ сотвори́ти по словесє́мъ си҄мъ.

47 И҆ прїѧ̀ сі́мѡнъ, и҆ благоволѝ а҆рхїере́йствовати, и҆ бы́ти воево́дою и҆ нача́лникомъ ѩ҆зы́ка ї҆ѹде́йска и҆ жерце́мъ, и҆ нача́лствовати над̾ всѣ́ми.

48 И҆ писа́нїе сїѐ рѣ́ша водрѹзи́ти во дщи́цахъ мѣ́дѧныхъ и҆ поста́вити и҆̀хъ въ притво́рѣ ст҃ы́хъ, въ мѣ́стѣ сла́внѣ,

49 списа́нїе же си́хъ положи́ти въ газофѷла́кїи, ѩ҆́кѡ да и҆́мать сі́мѡнъ и҆ сы́нове є҆гѡ̀.

<< ← Prev Top Next → >>