Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / в҃ маккавей́скаѧ

Библия - Церковнославянская

а҃ маккавей́скаѧ в҃ маккавей́скаѧ г҃ маккавей́скаѧ

Глава 1 2 3 4 5 6 7 8 9 10 11 12 13 14 15

1 Бра́тїи сѹ́щей во є҆гѵ́птѣ ї҆ѹде́ѡмъ ра́доватисѧ: бра́тїѧ и҆̀же во ї҆ер҇ли́мѣ ї҆ѹде́є и҆ и҆̀же во странѣ̀ ї҆ѹде́йстѣй, ми́ра блага́гѡ:

2 и҆ да бл҃госотвори́тъ ва́мъ бг҃ъ и҆ да помѧне́тъ завѣ́тъ сво́й и҆́же ко а҆враа́мѹ и҆ ї҆саа́кѹ и҆ ї҆а́кѡвѹ рабѡ́мъ свои҄мъ вѣ҄рнымъ,

3 и҆ да да́стъ ва́мъ се́рдце всѣ҄мъ во є҆́же че́ствовати є҆го̀ и҆ твори́ти хѡтѣ́нїѧ є҆гѡ̀ се́рдцемъ вели́кимъ и҆ дѹше́внымъ и҆зволе́нїемъ,

4 и҆ да ѿве́рзетъ сердца̀ ва҄ша въ зако́нѣ свое́мъ и҆ въ повелѣ́нщхъ, и҆ ми́ръ да сотвори́тъ,

5 и҆ да ѹ҆слы́шитъ моли҄твы ва́шѧ и҆ ѹ҆мили́тсѧ ва́мъ и҆ не ѡ҆ста́витъ ва́съ во вре́мѧ лѹка́во.

6 И҆ нн҃ѣ здѣ̀ є҆смы̀ молѧ́щесѧ ѡ҆ ва́съ.

7 Ца́рствѹющѹ дими́трїю лѣ́та сто̀ шестьдесѧ́тъ девѧ́тагѡ, мы̀ ї҆ѹде́є писа́хомъ ва́мъ въ ско́рби и҆ въ го́рести наше́дшей на́мъ въ лѣ́тѣхъ си́хъ, ѿне́лѣже ѿстѹпѝ ї҆а́сѡнъ и҆ и҆̀же съ ни́мъ ѿ сты́ѧ землѝ и҆ ца́рства,

8 и҆ пожго́ша врата̀, и҆ пролїѧ́ша кро́вь непови́ннѹ: и҆ моли́хомсѧ гд҇еви, и҆ ѹ҆слы́шани є҆смы̀, и҆ принесо́хомъ же́ртвѹ и҆ семїда́лъ, и҆ возжго́хомъ свѣти́лники, и҆ предложи́хомъ хлѣ́бы.

9 И҆ нн҃ѣ пра́зднѹйте дни҄ скинопигі́и хасле́ѵа мц҇а.

10 Лѣ́та сто̀ ѻ҆́смьдесѧтъ ѻ҆сма́гѡ, и҆̀же во ї҆ер҇ли́мѣ и҆ и҆̀же во ї҆ѹде́и, и҆ старѣ҄йшины и ї҆ѹ́да а҆рїстовѹ́лѹ ѹ҆чи́телю птоломе́а царѣѧ̀ сѹ́щемѹ же ѿ пома́занныхъ ї҆ере́євъ ро́да, и сѹ́щымъ во є҆гѵ́птѣ ї҆ѹде́ѡмъ, ра́доватисѧ и҆ здра́вствовати.

11 Ѿ вели́кихъ бѣ́дствъ бг҃омъ сп҃се́ни, вельмѝ благодари́мъ є҆мѹ̀, а҆́ки на царѧ̀ ѡ҆полча́ющщсѧ.

12 Се́й бо и҆зведѐ ѡ҆полча́ющихсѧ на ст҃ы́й гра́дъ:

13 въ персі́дѹ бо бы́въ вождо́мъ, и҆ при не́мъ нестерпи́маѧ мнѧ́щаѧсѧ бы́ти си́ла, посѣ́чени бы́ша въ ка́пищи нане́и, прельщє́нїѧ ѹ҆потреби́вшымъ жерцє́мъ сѹ́щымъ при нане́и.

14 А҆́ки бо спребыва́ти хотѧ̀ є҆́й, прїи́де на мѣ́сто а҆нтїо́хъ и и҆̀же съ ни́мъ дрѹ́зи, взѧ́тїѧ ра́ди сре́бреникѡвъ под̾ и҆́менемъ вѣ́на:

15 и҆ предложи́вшымъ сїѧ҄ жерцє́мъ нане́и, и҆ ѻ҆́номѹ вше́дшѹ съ ма́лыми въ притво́ръ ка́пища, заключи́вше ка́пище,

16 є҆гда̀ вни́де а҆нтїо́хъ, ѿве́рзше сво́да сокрове́ннѹю две́рь, мета́юще ка́менїе поби́ша и҆ге́мѡна и҆ сѹ́щихъ съ ни́мъ, и҆ раздѣли́вше на ѹ҆́ды и҆ главы҄ ѿсѣ́кше и҆змета́ша късѹ́щымъ внѣ̀.

17 Ѡ҆ всѣ́хъ блг҇ве́нъ на́шъ бг҃ъ, и҆́же предадѐ нече́ствовавшихъ.

18 Хотѧ́ще ѹ҆̀бо пра́здновати два́десѧть пѧ́тагѡ днѐ мц҇а хасле́ѵа ѡ҆чище́нїе це́ркве, потре́бно непщева́хомъ и҆звѣсти́ти ва́мъ, да и҆ вы̀ пра́зднѹете де́нь скинопигі́и и҆ ѻ҆гнѧ̀, є҆гда̀ неемі́а созда́въ це́рковь и҆ ѻ҆лта́рь, принесѐ же́ртвѹ.

19 И҆́бо є҆гда̀ въ персі́дѹ ведѧ́хѹсѧ ѻ҆тцы̀ на́ши, тогда̀ жерцы̀ боѧ́щщсѧ бг҃а взе́мше ѿ ѻ҆гнѧ̀ ѻ҆лта́рнагѡ ѡ҆́тай, скры́ша во ю҆до́ль кла́дѧзѧ дно̀ и҆мѣ́юща безво́дное, и҆ въ не́мъ соблюдо́ша, ѩ҆́кѡ всѣ҄мъ невѣ́домѹ бы́ти мѣ́стѹ.

20 Преминѹ́вшымъ же лѣ́тѡмъ мнѡ́гимъ, є҆гда̀ и҆зво́лисѧ бг҃ѹ, по́сланный неемі́а ѿ царѧ̀ персі́дскагѡ, внѹ́ки жерцє́въ сокры́вшихъ посла̀ на взыска́нїе ѻ҆гнѧ̀: и҆ ѩ҆́коже повѣ́даша на́мъ, не ѡ҆брѣто́ша ѻ҆гнѧ̀, но во́дѹ гѹ́стѹ,

21 повелѣ̀ и҆̀мъ че́рпати и҆ принестѝ: є҆гда́ же принесє́на бы́ша же́ртвєннаѧ, повелѣ̀ жерцє́мъ неемі́а покропи́ти водо́ю дрова̀ и҆ лежа҄щаѧ на ни́хъ.

22 Е҆гда́ же бы́сть сїѐ, и҆ вре́мѧ прїи́де, є҆гда̀ со́лнце возсїѧ̀ пре́жде ѡ҆́блачно сѹ́що, возжже́сѧ ѻ҆́гнь вели́къ, ѩ҆́кѡ диви́тисѧ всѣ҄мъ.

23 Моли́твѹ же творѧ́хѹ жерцы̀, є҆гда̀ горѧ́ще же́ртва, и҆ жерцы̀ и҆ всѝ ї҆ѡнаѳа́нѹ начина́ющѹ, про́чымъ же ѿвѣща́ющымъ, ѩ҆́коже неемі́и.

24 Бѣ́ же моли́тва и҆мѣ́ющи ѡ҆́бразъ се́й: гд҇и, гд҇и бж҃е, всѣ́хъ тво́рче, стра́шный и҆ крѣ́пкїй, и҆ првдный и҆ мл҇тивый, є҆ди́ный цр҃ю̀ и҆ бл҃гі́й,

25 є҆ди́ный да́телю, є҆ди́не првдне и҆ вседержи́телю и҆ вѣ́чный, сп҃са́ѧй ї҆и҃лѧ ѿ всѧ́кагѡ ѕла̀, сотвори́вый ѻ҆тцы̀ и҆збра҄нны и҆ ѡ҆ст҃и́вый и҆̀хъ,

26 прщмѝ же́ртвѹ за всѧ҄ лю́ди твоѧ҄ ї҆и҃лѧ и҆ сохранѝ ча́сть твою̀ и҆ ѡ҆ст҃ѝ:

27 соберѝ расточе́нїе на́ше, и҆зба́ви рабо́тающихъ ѩ҆зы́кѡмъ, на ѹ҆ничиже́ниыхъ и҆ ме́рзкихъ при́зри, и҆ да ѹ҆вѣ́дѧтъ ѩ҆зы́цы, ѩ҆́кѡ ты̀ є҆сѝ бг҃ъ на́шъ:

28 показнѝ наси́лѹющихъ и҆ досажда́ющихъ въ горды́ни:

29 насадѝ лю́ди твоѧ҄ на мѣ́стѣ ст҃ѣ́мъ твое́мъ, ѩ҆́коже речѐ мѡѷсе́й.

30 Жерцы́ же поѧ́хѹ пѣ҄нїѧ.

31 Е҆гда́ же сгорѣ́ша же́ртвєннаѧ, ѡ҆ста́вшею водо́ю неемі́а повелѣ̀ ка́менїе бо́льшее поли́ти.

32 Е҆гда́ же сїѐ бы́сть, пла́мень возгорѣ́сѧ, и҆ ѿ ѻ҆лтарѧ̀ ѡ҆блиста́вшѹ свѣ́тѹ, сгорѣ̀.

33 Е҆гда́ же ѩ҆вле́на бы́сть ве́щь, и҆ возвѣще́но бы́сть царю̀ пе́рсскѹ, ѩ҆́кѡ на мѣ́стѣ, въ не́мже ѻ҆́гнь скры́ша преселе́ннїи жерцы̀, вода̀ ѩ҆ви́сѧ, ѿне́лѣже неемі́а и҆ сѹ́щїи съ ни́мъ ѡ҆чи́стиша жє́ртвы,

34 ѡ҆гради́въ же ца́рь ст҃о сотворѝ (мѣ́сто то̀), и҆скѹша́ѧй ве́щь.

35 И҆ и҆̀мже дарова́ше ца́рь, мнѡ́ги да́ры взима́ше и҆ преподаѧ́ше.

36 Прозва́ же неемі́а и҆ и҆̀же съ ни́мъ мѣ́сто то̀ нефѳа́рь, є҆́же сказѹ́етсѧ ѡ҆чище́нїе, нарица́етсѧ же ѹ҆ мно́гихъ нефѳа́й.

<< Prev Top Next → >>