Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / в҃ маккавей́скаѧ

Библия - Церковнославянская

а҃ маккавей́скаѧ в҃ маккавей́скаѧ г҃ маккавей́скаѧ

Глава 1 2 3 4 5 6 7 8 9 10 11 12 13 14 15

1 Маккаве́й же и҆ и҆̀же съ ни́мъ бѧ́хѹ, гд҇ѹ и҆̀хъ защища́ющѹ, хра́мъ ѹ҆́бѡ и҆ гра́дъ воспрїѧ́ша:

2 ка҄пища же ѿ и҆ноплеме́нникѡвъ на то́ржищи ѹ҆стро́єннаѧ, є҆ще́ же и҆ трє́бища раскопа́ша,

3 и҆ ѡ҆чи́стивше хра́мъ, и҆́нъ ѻ҆лта́рь сотвори́ша, и҆ разже́гше ка́менїе и́ взе́мше ѻ҆́гнь ѿ ни́хъ, принесо́ша же́ртвѹ по двою̀ лѣ́тѹ и ше́сти мц҇ѣхъ, и҆ ѳѷмїа́мъ и҆ свѣ́щники, и҆ хлѣ́бѡвъ предложе́нїе сотвори́ша.

4 Сїѧ҄ же сотво́рше, молѧ́хѹ гд҇а па́дше ни́цъ, да не ктомѹ̀ въ сицєва́ѧ ѕла҄ѧ впадѹ́тъ, но а҆́ще когда̀ и҆ согрѣ́шатъ, ѿ негѡ̀ съ кро́тостїю да наказѹ́ютсѧ, а҆ не ва́рварѡмъ и҆ хѹ́льнымъ ѩ҆зы́кѡмъ предадѧ́тсѧ.

5 И҆ въ ѻ҆́ньже де́нь хра́мъ ѿ и҆ноплемє́нникъ ѡ҆скверни́сѧ, слѹчи́сѧ въ то́й же де́нь ѡ҆чище́нїю бы́ти хра́ма, два́десѧть пѧ́тагѡ днѐ мц҇а, и҆́же є҆́сть хасле́ѵъ.

6 И҆ съ весе́лїемъ пра́здновахѹ дні́й ѻ҆́смь по ѡ҆́бразѹ сѣ́ней, помина́юще, ѩ҆́кѡ пре́жде ма́лагѡ вре́мене пра́здникъ сѣ́нницъ въ гора́хъ и҆ въ пеще́рахъ ѕвюри́нымъ ѡ҆́бразомъ бѧ́хѹ провожда́юще.

7 Сегѡ̀ ра́ди ѳѵ́рси и҆ вѣ҄тви зелє́ныѧ, є҆ще́ же и҆ фі́нїки и҆мѣ́юще, пѣ҄сни приношахѹ бл҃гопоспѣши́вшемѹ ѡ҆чт҇ити мѣ́сто своѐ.

8 И҆ ѹ҆зако́ниша ѻ҆́бщимъ повелѣ́нїемъ и҆ ѹ҆ставленїемъ всемѹ̀ ѩ҆зы́кѹ ї҆ѹде́йскѹ по всѧ҄ лѣ҄та пра́здновати дни҄ сїѧ҄.

9 И҆ а҆нтїохъ ѹ҆́бѡ, и҆́же проименова́шесѧ є҆пїфа́нъ, кончи́нѹ та́кѡ и҆мѣ̀.

10 Нн҃ѣ же ѩ҆̀же ѡ҆ є҆ѵпа́торѣ а҆нтїо́хѣ, сы́нѣ нечести́вагѡ бы́вшемъ, рече́мъ, сокраща́юще ѕлаа҄ѧ, ѩ҆̀же во бра́нехъ сотворє́на сѹ́ть.

11 Се́й бо воспрїѧ́въ ца́рствїе, поста́ви над̾ дѣла́ми ца́рскими лѷсі́ю нѣ́коего, кїлисѷрі́и же и҆ фїнїкі́и воево́дѹ первонача́лнаго.

12 Птоломе́й бо нарица́емый ма́крѡнъ пра́вдѹ соблюда́ти произво́ливъ ко ї҆ѹде́ѡмъ бы́вшаѧ ра́ди къ ни҄мъ ѡ҆би́ды, покѹша́шесѧ ѩ҆̀же къ ни҄мъ ми́рнѡ препроводи́ти.

13 Тѣ́мже ѡ҆клевета́нъ ѿ дрѹгѡ́въ ко є҆ѵпа́торѹ и҆ ча́стѡ нарица́емь а҆́кибы преда́тель, поне́же кѵ́пръ ввѣ́рениый ѿ фїломи́тора ѡ҆ста́ви и҆ ко а҆нтїо́хѹ є҆пїфа́нѹ ѿи́де, нижѐ честны́ѧ вла́сти и҆мѹ́щь, ѿ печа́ли ѡ҆трави́въ себѐ живо́тъ сконча̀.

14 Горгі́а же бы́въ воево́да над̾ мѣста́ми, собира́ше чѹжди́хъ во́євъ и҆ непреста́ннѡ на ї҆ѹдє́и ра́товаше.

15 Съ ни́мъ же кѹ́пиѡ и҆ ї҆дѹме́ане ѡ҆бдержа́ще крѣ҄пкїѧ тверды҄ни ѡ҆бѹча́хѹ ї҆ѹде́ѡвъ, и҆ и҆згонѧ́емыхъ и҆з̾ ї҆ер҇ли́ма прїе́млюще, ра́товати начина́хѹ.

16 Сѹ́щїи же со маккаве́омъ сотво́рше моли́твѹ и҆ моли́вше бг҃а спобо́рника и҆̀мъ бы́ти, на ї҆дѹмє́йскїѧ тверды҄ни ѹ҆стреми́шасѧ.

17 Къ ни҄мъ же и҆ пристѹпи́вше мѹ́жественнѡ ѡ҆держа́ша мѣста̀, всѣ҄мъ же на стѣнѣ̀ ра́тѹющымъ ѿмсти́ша и҆ срѣта́ющихсѧ закала́хѹ, ѹ҆би́ша же не ме́нше два́десѧти ты́сѧщъ.

18 И҆збѣ́гшымъ же иѣ҄кїимъ не ме́нши девѧтѝ ты́сѧщъ въ двѣ̀ пѵ҄рги крѣ҄пки ѕѣлѡ̀ и҆ всѧ҄, ѩ҆̀же проти́вѹ ѡ҆блеже́нїѧ, и҆мѹ́щыѧ,

19 маккаве́й ѡ҆ста́вивъ сі́мѡна и҆ ї҆ѡ́сифа, є҆ще́ же и҆ закхе́а и҆ и҆̀же съ ни́мъ доволиыхъ ко ѡ҆блеже́нїю и҆́хъ, на нѹ́жднаѧ мѣста̀ са́мъ ѿи́де.

20 Сѹ́щїи же съ сі́мѡномъ сребролюби́вїи ѿ нѣ́кїихъ, и҆́же въ пѵ҄ргахъ, сребро́мъ прельще́ни, и҆ се́дмьдесѧтъ ты́сѧщъ дра́хмъ взе́мше, ѡ҆ста́виша нѣ́кїихъ и҆збѣжа́ти.

21 Е҆гда́ же возвѣсти́сѧ маккаве́ю ѡ҆ бы́вшемъ, собра́въ нача́лники люді́й, порица́ше, ѩ҆́кѡ за сребро̀ прода́ша бра́тїю, сѹпоста́тѡвъ на ни́хъ ѿпѹсти́вше.

22 Си́хъ ѹ҆̀бо преда́телей бы́вшихъ ѹ҆бѝ и҆ внеза́пѹ двѣ̀ пѵ҄рги разрѹшѝ.

23 Ѻ҆рѹ́жїемъ же во всѣ́хъ и҆ рѹка́ми благоѹспѣва́ѧ, погѹбѝ въ двѹ̀ тверды́нехъ бо́лѣе два́десѧти ты́сѧщъ.

24 Тїмоѳе́й же, и҆́же пре́жде ѿ ї҆ѹдє́й бы́сть пораже́нъ, собра́въ во́євъ стра́нныхъ мно́жество, и҆ во а҆сі́и бы́вщихъ ко́нникѡвъ собра́въ не ма́лѡ, приі́де а҆́ки ѻ҆рѹ́жїемъ ї҆ѹде́ю хотѧ́щь взѧ́ти.

25 Маккаве́й же и҆ сѹ́щїи съ ни́мъ, приближа́ющѹсѧ томѹ̀, ко моли́твѣ бж҃їй ѡ҆братишасѧ, главы҄ земле́ю посы́павше и҆ чрє́сла вре́тищами препоѧ́савше,

26 пред ѻ҆лта́рнымъ пра́гомъ ни́цъ па́дше, молѧ́хѹ мл҇тива и҆̀мъ бы́ти, враждова́ти же враждѹ́ющымъ на ни́хъ и҆ сѹпоста́тѡмъ проти́витсѧ ѩ҆́кѡ зако́нъ глаго́летъ.

27 Бы́вше же по моли́твѣ, воспрїе́мше ѻ҆рѹ҄жїѧ дале́че и҆з̾ гра́да и҆зыдо́ша: прибли́жшежесѧ къ сѹпоста́тѡмъ, ѡ҆ себѣ̀ ста́ша.

28 Со́лнцѹ же возсїѧвающѹ, ѻ҆боѝ сразишасѧ: сі́и ѹ҆́бѡ спорѹ́чника и҆мѹ́ще благополѹ́чїѧ и҆ побѣ́ды съ добродѣ́телїю ко гд҇ѹ прибѣ́жище, ѻ҆ни́ же воево́дѹ бра́ней ѹ҆чини́ща ѩ҆́рость.

29 Пребыва́ющей же крѣ́пцейй бра́ни, ѩ҆ви́шасѧ сѹпоста́тѡмъ ѿ нб҃сѐ мѹ́жїе пѧ́ть на ко́нехъ зла҄ты ѹ҆зды҄ и҆мѹ́щихъ, благолѣ́пни, и҆ пра́вѧще ї҆ѹде́ѡвъ два̀:

30 и҆ маккаве́а средѣ̀ себє̀ вземше и҆ защища́юще свои́мъ всеорѹ́жїемъ невреди́ма сохранѧ́хѹ, на сѹпоста́ты же стрѣ́лы и҆ мѡ́лнїи мета́хѹ: тѣ́мже смѣси́вшесѧ невидѣ́нїемъ сѣча́хѹсѧ мѧте́жа и҆спо́лнени.

31 Ѹ҆бїе́нныхъ же бы́сть два́десѧть ты́сѧщъ и҆ пѧ́тсѡть сѡ́тъ, ко́нныхъ же ше́сть сѡ́тъ.

32 Са́мъ же тїмоѳе́й побѣбжѐ въ газа́рѹ глаго́лемѹю тверды́ню, ѕѣлѡ̀ крѣ́пкѹю, воево́дствѹющѹ та́мѡ хере́ю.

33 Маккаве́й же и҆ сѹ́щїи съ нимъ ве́селѡ ѡ҆бсѣдо́ша крѣ́пость дни҄ четы́ри.

34 сѹ́щїи же внѹ́трь на тве́рдость мѣ́ста ѹ҆пова́юще, па́че мѣ́ры хѹ́лѧхѹ и҆ словеса̀ беззакѡ́ннаѧ и҆зноша́хѹ.

35 ѩ҆́вльшѹжесѧ пѧ́томѹ дню̀ два́десѧть ю҆́ношей, и҆̀же съ маккаве́емъ бѣ́хѹ, разже́гшесѧ ѩ҆́ростїю хѹле́нїѧ ра́ди, прибли́жившесѧ ко стѣнѣ̀, мѹ́жественнѡ и҆ ѕвѣроѡбра́зною ѩ҆̀ростїю прилѹчи́вшихсѧ разсѣца́хѹ.

36 И҆ні́и же подо́бнѣ возше́дше съ нѹ́ждею къ сѹ́щымъ внѹ́трь, зажига́хѹ пѵ҄рги, и҆ возже́гше ѻ҆гни҄ща, живы́хъ хѹ́льникѡвъ сожго́ша.

37 И҆ні́и же врата̀ разсѣко́ша, и҆ впѹсти́вше про́чїй по́лкъ, взѧ́ша гра́дъ, и҆ тїмоѳе́а скры́вшагосѧ въ нѣ́коемъ рвѣ̀ закла́ша, и҆ бра́та є҆гѡ̀ хере́а и҆ а҆поллѡфа́на.

38 Сїѧ҄ же сотво́рше съ пѣ́сньми и҆ и҆сиовѣ́даньми благословлѧ́хѹ гд҇а бл҃годѣ́телѧ вели́каго ї҆и҃лю и҆ побѣ́дѹ и҆̀мъ да́вшаго.

<< ← Prev Top Next → >>