Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / г҃ маккавей́скаѧ

Библия - Церковнославянская

в҃ маккавей́скаѧ г҃ маккавей́скаѧ Варѹ́хъ

Глава 1 2 3 4 5 6 7

1 А҆рхїере́й ѹ҆̀бо сі́мѡнъ проти́вѹ хра́ма преклони́въ колѣ҄на и҆ рѹ́цѣ просте́ръ благочи́ннѡ, творѧ́ше моли́твѹ сїю̀:

2 гд҇и, гд҇и, цр҃ю̀ нб҇ный и҆ влдко всѧ́кагѡ созда́нїѧ, ст҃ы́й во ст҃ы́хъ, є҆динонача́лниче, вседержи́телю, вонмѝ на́мъ ѡ҆ѕло́блєннымъ ѿ непреподо́бнагѡ и҆ скве́рнагѡ, проде́рзостїю и҆ си́лою напыще́ннагѡ:

3 ты́ бо, созда́вый всѧ҄ и҆ всѧ҄ содержа́щь, си́ленъ и҆ првднъ є҆сѝ, и҆ со ѹ҆кори́зною и҆ го́рдостїю что́ либо творѧ́щымъ сѹ́диши:

4 ты̀ пре́жде беззако́нїе сотво́ршихъ, въ ни́хже и҆ и҆споли́ни бы́ша, на си́лѹ и҆ де́рзость ѹ҆пова́вшїи, погѹби́лъ є҆сѝ, наве́дъ на ни́хъ безмѣ́рнѹю во́дѹ:

5 ты̀ прегѡ́рдаѧ творѧ́щихъ содо́млѧнъ, въ ѩ҆́вныхъ ѕло́бахъ бы́вшихъ, ѻ҆гне́мъ и҆ жѹ́пеломъ попали́лъ є҆сѝ, ѡ҆́бразъ по ни́хъ бѹ́дѹщымъ соста́вль:

6 ты̀ свирѣ́паго фараѡ́на поработи́вшаго лю́ди твоѧ҄ ст҃ы҄ѧ ї҆и҃лѧ, разли́чными и҆ мно́гими и҆скѹси́лъ є҆сѝ мѹ́ками, показа́въ си́лѹ твою̀,

7 и҆ во ѻ҆́нѣхъ ве́лїю держа́вѹ твою̀ ѩ҆ви́лъ є҆сѝ, и҆ гонѧ́щаго є҆го̀ съ колесни́цами и҆ наро́дѡвъ мно́жествомъ погрѹзи́лъ є҆сѝ во глѹбинѣ̀ морстѣ́й, вѣ́рѹющихъ же тебѣ̀, всѧ́кимъ созда́нїемъ ѡ҆блада́ющемѹ, неврє́дны преве́лъ є҆сѝ: и҆̀же и҆ ви́дѣвше дѣла̀ твоеѧ̀ рѹкѝ, восхвали́ша тебѐ вседержи́телѧ:

8 ты̀, цр҃ю̀, созда́вый безконе́чнѹю и҆ безмѣ́рнѹю зе́млю, и҆збра́лъ є҆сѝ гра́дъ се́й и҆ ѡ҆ст҃и́лъ є҆сѝ мѣ́сто сїѐ во и҆́мѧ тебѣ̀ ничто́же тре́бѹющемѹ, и҆ просла́вилъ є҆сѝ во ѩ҆вле́нїи великолѣ́пнѣмъ, составле́нїе сотвори́вый є҆гѡ̀ ко сла́вѣ вели́кагѡ и҆ честна́гѡ и҆́мене твоегѡ̀:

9 и҆ лю́бѧщь до́мъ ї҆и҃левъ, ѡ҆бѣща́лъ є҆сѝ, ѩ҆́кѡ а҆́ще бѹ́детъ на́мъ ѕлоключе́нїе и҆ ѡ҆б̾и́метъ на́съ тѣснота̀, и҆ прише́дше на мѣ́сто сїѐ помо́лимсѧ, ѹ҆слы́шиши моли́твѹ на́шѹ:

10 и҆ ѹ҆́бѡ вѣ́ренъ є҆сѝ и҆ и҆́стиненъ, а҆ поне́же мно́гащи ѡ҆скорблє́ннымъ бы́вшымъ ѻ҆тцє́мъ на́шымъ, помо́глъ є҆сѝ и҆̀мъ ты̀ во смире́нїи и҆ и҆зба́вилъ є҆сѝ ѧ҆̀ ѿ вели́кихъ бѣ́дъ:

11 сѐ ѹ҆̀бо нн҃ѣ, ст҃ы́й цр҃ю̀, мно́гихъ ра́ди и҆ вели́кихъ на́шихъ грѣхѡ́въ стра́ждемъ, и҆ повинѹ́емсѧ врагѡ́мъ на́шымъ, и҆ є҆смы̀ въ не́мощехъ:

12 въ на́шемъ же низпаде́нїи де́рзостивый и҆ скве́рный се́й начина́етъ ѡ҆би́дѣти на землѝ возвы́шенное и҆́мени сла́вы твоеѧ̀ ст҃о́е мѣ́сто:

13 а҆́ще бо и҆ жили́ще твоѐ нб҃о нб҃сѐ непости́жно человѣ́кѡмъ є҆́сть, но поне́же бл҃говоли́лъ є҆сѝ сла́вѹ твою̀ въ лю́дехъ твои́хъ ї҆и҃ли, ѡ҆ст҃и́лъ є҆сѝ мѣ́сто сїѐ:

14 да не ѿмсти́ши на́мъ нечистото́ю си́хъ, нижѐ да нака́жеши на́съ скве́рною си́хъ: да не похва́лѧтсѧ пребеззако́ннїи въ ѩ҆́рости свое́й, нижѐ да возра́дѹютсѧ въ го́рдости ѧ҆зы́ка своегѡ̀, глаго́люще: мы̀ попра́хомъ хра́мъ ст҃ы́ни, ѩ҆́коже попира́ютсѧ хра́мы ме́рзостей:

15 ѡ҆ста́ви грѣхѝ на́шѧ и҆ разрѹшѝ непра́вѡсти на́шѧ и҆ ѩ҆вѝ мл҇ть твою̀ въ ча́съ се́й, ско́рѡ да предварѧ́тъ ны̀ щедрѡ́ты твоѧ҄, и҆ да́ждь хвалє́нїѧ во ѹ҆ста̀ низпа́дшихъ и҆ сокрѹше́нныхъ дѹша́ми, сотвори́вый на́мъ ми́ръ.

16 Здѣ̀ всеви́децъ бг҃ъ и҆ пре́жде всѣ́хъ ст҃ы́й во ст҃ы́хъ, ѹ҆слы́шавъ моли́твѹ смире́нїѧ, хѹло́ю и҆ де́рзостїю вельмѝ вознесе́ннаго ѹ҆ѧзвѝ, ѿсю́дѹ и҆ ѿѻнѹ́дѹ сотрѧ́съ є҆го̀, ѩ҆́коже тро́сть вѣ́тромъ, ѩ҆́кѡ и҆ на помо́стѣ недѣйстви́телнѹ ктомѹ̀ лежа́ти и҆ ѹ҆́дами разсла́бленнѹ, нижѐ прогласи́ти возмощѝ є҆мѹ̀, пра́веднымъ ѹ҆ѧ́звленнѹ сѹдо́мъ.

17 Ѿню́дѹже дрѹ́зи и҆ тѣ́ла є҆гѡ̀ ѡ҆храни́телє внеза́пнѹю и҆ ѻ҆́стрѹю ви́дѣвше ѡ҆б̾е́мшѹю є҆го̀ ка́знь, ѹ҆боѧ́вшесѧ, да и҆ живота̀ не лиши́тсѧ, вско́рѣ є҆го̀ и҆звлеко́ша во́нъ, превели́кимъ ѹ҆ѧ́звленни стра́хомъ.

18 По вре́мени же прише́дъ въ себѐ, ника́коже въ покаѧ́нїе прїи́де нака́занный и҆ съ преще́нїемъ го́рькимъ ѿи́де.

19 Прише́дъ же во є҆гѵ́петъ и҆ ѕло́бѹ ѹ҆множа́ющь чрез̾ предрѣче́нныхъ притрапе́зникѡвъ и҆ дрѹгѡ́въ ѿ всѧ́кїѧ пра́вды ѿлѹче́нныхъ, не то́кмѡ безчи́сленными стѹдодѣѧ҄нїи дово́лствовасѧ, но и҆ на толи́кѹю де́рзость произы́де, ѩ҆́кѡ хѹлє́нїѧ на мѣ́стѣхъ соста́ви, и҆ мно́зи дрѹ́зи взира́юще на ца́рское хотѣ́нїе, и҆ ті́и послѣ́доваша ѻ҆́нагѡ во́ли.

20 И҆ предложѝ ца́рь наро́днѣ на ѩ҆зы́къ ї҆ѹде́йскїй и҆зда́ти хѹлѹ̀: и҆ повелѣ́въ на столпѣ̀ сѹ́щемъ при дворѣ̀ поста́вити їдѡла, и҆зваѧ̀ писа́нїе: є҆́же ни є҆ди́номѹ ѿ нежрѹ́щихъ во свѧта҄ѧ и҆́хъ входи́ти, всѣ́хъ же ї҆ѹде́євъ вписа́ти въ лю́ди прѡсты́ѧ и҆ въ слѹже́бный чи́нъ поста́вити, сопроти́въ же глаго́лющихъ нѹ́ждею ѩ҆́тыхъ живота̀ лиши́ти.

21 Тѣ́хже запи́санныхъ назна́меновати и҆ ѻ҆гне́мъ на тѣ́лѣ знамени́тымъ дїонѵ́са кі́ссовымъ листо́мъ, и҆ тѣ́хъ ѿлѹчи́ти въ преждесокраще́ннѹю свобо́дѹ.

22 Но да не всѣ҄мъ ненави́димь ѩ҆ви́тсѧ, подписа̀: а҆́ще же нѣ́цыи ѿ ни́хъ произво́лѧтъ жи́телствовати во ѡ҆брѧ́дѣхъ ѩ҆зы́ческихъ, сі́и ра́вни гра́жданѡмъ а҆леѯандрї҄йскимъ бѹ́дѹтъ.

23 Тѣ́мже ѹ҆̀бо нѣ́цыи во гра́дѣ, благочє́стїѧ своѧ҄ ни во что́же вмѣнѧ́юще, съ ра́достїю себѐ вда́ша, мнѧ́ще себѐ а҆́ки ве́лїей нѣ́коей и҆мѹ́щїи приѡбщи́тисѧ сла́вѣ ѿ бѹ́дѹщагѡ со царе́мъ сожи́телства.

24 Мно́жайшїи же хра́брою дѹше́ю ѹ҆крѣпи́шасѧ и҆ не ѿстѹпи́ша ѿ благоче́стїѧ: и҆ сре́бреники за живо́тъ ѡ҆бѣща́вше во и҆змѣне́нїе да́ти, безбоѧ́зненнѡ тща́хѹсѧ свободи́ти себѐ ѿ вписа́нїй: благонаде́жни бы́ша по́мощь полѹчи́ти,

25 а҆ ѿлѹчи́вшихсѧ ѿ ни́хъ гнѹша́хѹсѧ, и҆ а҆́ки сѹпоста́тѡвъ ро́дѹ своемѹ̀ сѹди́ша, и҆ ѻ҆́бщагѡ сожи́телства и҆ благодѣѧ́нїѧ лиша́хѹ.

<< ← Prev Top Next → >>