Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / г҃ маккавей́скаѧ

Библия - Церковнославянская

в҃ маккавей́скаѧ г҃ маккавей́скаѧ Варѹ́хъ

Глава 1 2 3 4 5 6 7

1 Ца́рь птоломе́й фїлопа́тѡръ, сѹ́щымъ во є҆гѵ́птѣ страти́гѡмъ и҆ всѣ҄мъ вчинє́ннымъ над̾ дѣла́ми, ра́доватисѧ и҆ здра́вствовати: здра́вствѹемъ же и҆ мы̀ и҆ ча҄да на҄ша, ѹ҆правлѧ́ющѹ на́мъ вели́комѹ бг҃ѹ ве́щы, ѩ҆́коже жела́емъ:

2 нѣ́цыи дрѹ́зи на́ши ѕлонра́вїемъ свои́мъ ча́стѣе на́мъ прилѣжа́ще, поѹсти́ша на́съ на сїѐ, є҆́же бы во ца́рствїи на́шемъ собра́ти всѣ́хъ ї҆ѹде́ѡвъ во є҆ди́но мѣ́сто а҆́ки ѿстѹ́пникѡвъ и҆ ѹ҆мѹ́чити стра́нными мѹ́ками,

3 сказѹ́юще, ѩ҆́кѡ никогда́же во благостоѧ́нїи ца́рства на́шегѡ ве́щы бѹ́дѹтъ, вражды̀ ра́ди, ю҆́же и҆́мѹтъ сі́и ко всѣ҄мъ ѩ҆зы́кѡмъ, доне́лѣже не соверши́тсѧ сїѐ:

4 и҆̀же и҆ свѧ́заныхъ и҆̀хъ приведо́ша къ на́мъ со ѡ҆ѕлобле́нїемъ ѩ҆́кѡ плѣ́нникѡвъ, па́че же ѩ҆́кѡ преда́телей, без̾ всѧ́кагѡ разсѹжде́нїѧ и҆ и҆спыта́нїѧ хотѣ́ша и҆̀хъ погѹби́ти, свирѣ́пѣйшею лю́тостїю па́че зако́на скѵ́ѳска воѡрѹже́ни:

5 мы́ же ѡ҆ си́хъ жесточа́е запрети́вше по смиренномѹ́дрїю, є҆́же и҆́мамы ко всѣ҄мъ человѣ́кѡмъ, є҆два̀ живо́тъ и҆̀мъ дарова́вше, и҆ нб҇наго бг҃а позна́вше крѣ́пкѡ застѹпа́ющаго ї҆ѹде́євъ и҆ ѩ҆́кѡ ѻ҆ц҃а̀ за сы́ны вы́нѹ спобо́рствѹюща, ксемѹ́ же и҆ любо́вь, ю҆́же и҆́мѹтъ къ на́мъ и҆звѣ́стнѹ, и҆ ко прароди́телємъ на́шымъ благопрїѧ́тство разсѹди́вше, пра́веднѡ ѿпѹсти́хомъ, по всѧ́комѹ коеѧ́ либо вины̀ ѡ҆́бразѹ:

6 и҆ повелѣ́хомъ комѹ́ждо всѣ҄мъ во своѧ҄ и҆̀мъ возврати́тисѧ, дабы̀ на всѧ́цѣмъ мѣ́стѣ никто̀ и҆́хъ ѿню́дъ ѡ҆ѕлоблѧ́лъ, нижѐ ѹ҆карѧ́лъ ѡ҆ содѣ́ѧнныхъ и҆̀мъ без̾ вины̀:

7 вѣ́домо бо да бѹ́детъ ва́мъ, ѩ҆́кѡ а҆́ще что̀ ѕлоѹхи́тримъ на ни́хъ лѹка́вое, и҆лѝ въ че́мъ ѡ҆скорби́мъ и҆̀хъ весьма̀, то̀ не человѣ́ка, но всѣ́хъ си́лъ влдкѹ и҆ бг҃а вы́шнѧго проти́вѧщасѧ на́мъ во ѿмще́нїе веще́й по всемѹ̀ неизбѣ́жнѣ всегда̀ и҆мѣ́ти бѹ́демъ. Здра́вствѹйте.

8 Прїи́мше же (ї҆ѹде́є ѿ царѧ̀) посла́нїе сїѐ, не потща́шасѧ вско́рѣ ѿитѝ, но моли́ша царѧ̀, дабы̀ сѹ́щїи ѿ ро́да ї҆ѹде́йска, ѿ ст҃а́гѡ бг҃а и҆ ѿ зако́на бж҃їѧ самово́льнѣ ѿстѹпи́вшїи полѹчи́ли и҆́ми до́лжное мѹче́нїе,

9 приглаго́лавше, ѩ҆́кѡ чре́ва ра́ди своегѡ̀ бж҇твєннаѧ повєлѣ́нїѧ престѹпи́вшїи нижѐ ца҄рскимъ повелѣ́нїємъ благопослѹ́шни бѹ́дѹтъ.

10 Ѻ҆́нъ же пои́стиннѣ сїѧ҄ глаго́ла та́кѡ бы́ти, и҆ похвали́въ дадѐ и҆̀мъ вла́сть над̾ всѣ́ми, є҆́же бы престѹ́пникѡвъ зако́на бж҃їѧ во всѣ́хъ мѣ́стѣхъ ца́рствїѧ є҆гѡ̀ со дерзнове́нїемъ, без̾ всѧ́кїѧ ца́рскїѧ вла́сти и҆лѝ разсмотре́нїѧ, ѹ҆бива́ти и҆ и҆скоренѧ́ти.

11 Тогда̀ (ї҆ѹде́є) возблагодари́вше (царѧ̀) ѩ҆́коже подоба́ше, ї҆ере́є же и҆́хъ и҆ всѐ мно́жество вкѹ́пѣ возгласи́вше а҆ллилѹ́їа, съ ра́достїю ѿидо́ша.

12 Тогда̀ приклю́чшагосѧ на пѹтѝ престѹ́пника, и҆́же бѧ́ше ѿ ро́да и҆́хъ, мѹ́чахѹ и҆ во ѡ҆́бразъ и҆ны҄мъ ѹ҆бива́хѹ.

13 И҆ въ де́нь то́й ѹ҆би́ша бо́лѣе трїе́хъ сѡ́тъ мѹже́й, ѹ҆бива́юще же скве́рныхъ съ ра́достїю веселѧ́хѹсѧ.

14 Са́ми же и҆̀же да́же до сме́рти со гд҇емъ бг҃омъ пребы́ша, полѹчи́вше соверше́нное сп҃се́нїе, ѹ҆вѣнча́вше себѐ разли́чными благово́ннѣйшими цвѣта́ми, ѿидо́ша ѿ гра́да со весе́лїемъ и҆ восклица́нїемъ, во хвале́нїихъ и҆ всеблагогла́сныхъ пѣ́нїихъ благодарѧ́ще бг҃ѹ ѻ҆тцє́въ и҆́хъ вѣ́чномѹ, сп҃сѹ ї҆и҃левѹ.

15 Прише́дше же во птолемаі́дѹ, нарица́емѹю за сво́йство мѣ́ста [родофо́ръ], и҆дѣ́же ѡ҆жида́хѹ и҆̀хъ корабли҄ мно́зи, по ѻ҆́бщемѹ и҆́хъ совѣ́тѹ дні́й се́дмь,

16 та́мѡ сотвори́ша пи́ръ сп҃сенїѧ: ца́рь бо дарова̀ благодѹ́шнѡ коемѹ́ждо и҆́хъ всѧ҄ потрє́бнаѧ на пѹ́ть да́же до жили́ща и҆́хъ.

17 Дости́гше же ми́рнѡ въ подоба́ющихъ и҆сповѣ́данїихъ, та́кожде и҆ та́мѡ ѹ҆ста́виша сїѧ҄ дни҄ пра́здновати со весе́лїемъ во вре́мѧ прише́лствїѧ и҆́хъ.

18 И҆̀хже и҆ ѡ҆свѧти́вше на столпѣ̀ при мѣ́стѣ пи́ршества ѡ҆бѣ́томъ ѹ҆тверди́вше, ѿидо́ша невре́дни, свобо́дни, прера́достни, земле́ю и҆ мо́ремъ и҆ рѣко́ю, ѡ҆хранѧ́еми ца́рскимъ повелѣ́нїемъ, кі́йждо во своѧ҄ си, и҆ ѡ҆держа́вше вла́сть над̾ враги҄ бо́лшѹю не́же пре́жде, со сла́вою и҆ стра́хомъ, весьма̀ ни ѿ когѡ̀ лиша́еми и҆мѣ́нїѧ.

19 И҆ всѧ҄ своѧ҄ всѝ воспрїѧ́ша ѿ ѡ҆писа́нїѧ, ѩ҆́кѡ и҆мѹ́щїи что̀ со стра́хомъ ве́лїимъ ѿдаѧ́хѹ и҆̀мъ, вели҄чїѧ превели́комѹ бг҃ѹ сотво́ршѹ соверше́ннѡ во сп҇нїе и҆хъ.

20 Блг҇венъ и҆зба́витель ї҆и҃левъ во вѣ҄чнаѧ времена̀. А҆ми́нь.

<< ← Prev Top Next >>