Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / в҃ е҆́здры

Библия - Церковнославянская

Варѹ́хъ в҃ е҆́здры г҃ е҆́здры

Глава 1 2 3 4 5 6 7 8 9

1 По си́хъ же и҆збра́ни сѹ́ть и҆зы́ти нача҄лницы домѡ́въ ѻ҆те́чествъ по племенѡ́мъ и҆́хъ, и҆ жєны̀ и҆́хъ, и҆ сы́нове и҆́хъ, и҆ дщє́ри и҆́хъ, и҆ рабѝ и҆́хъ, и҆ рабы҄ни и҆́хъ, и҆ ско́ти и҆́хъ:

2 и҆ да́рїй ца́рь посла̀ съ ни́ми кѡ́нники ты́сѧщѹ, до́ндеже возведѹ́тъ и҆̀хъ во ї҆ер҇ли́мъ съ ми́ромъ и҆ съ мѹсїкі́ею, съ тѷмпа҄ны и҆ трѹба́ми:

3 и҆ всѧ҄ бра́тїѧ и҆́хъ бѧ́хѹ и҆гра́юще, и҆ сотворѝ и҆̀хъ взы́ти вкѹ́пѣ съ ни́ми.

4 И҆ сїѧ҄ сѹ́ть и҆мена̀ мѹже́й, и҆̀же взыдо́ша по ѻ҆те́чествѡмъ свои҄мъ и҆ по колѣ́нѡмъ въ ча́сти нача́лствъ свои́хъ:

5 свѧще́нницы сы́нове фїнее́са, сы́на а҆арѡ́нѧ, ї҆исѹ́съ сы́нъ ї҆ѡседе́ка саре́ова и҆ ї҆ѡакі́мъ сы́нъ зорова́велѧ сы́на салаѳїи́лева, ѿ до́мѹ даві́дова, ѿ ро́да фаре́сова, колѣ́на же ї҆ѹ́дина,

6 и҆́же глаго́лаше при да́рїи царѝ пе́рсстѣмъ словеса̀ премѹ҄дра, во второ́е лѣ́то ца́рства є҆гѡ̀, мц҇а нїса́на, пе́рваго мц҇а.

7 Сѹ́ть же сі́и ѿ ї҆ѹде́и и҆зше́дшїи ѿ плѣ́на преселе́нїѧ, и҆̀хже преселѝ навѹходоно́соръ ца́рь вавѷлѡ́нскїй въ вавѷлѡ́нъ,

8 и҆ возврати́шасѧ во ї҆ер҇ли́мъ и҆ во про́чѹю ї҆ѹде́ю, кі́йждо во сво́й гра́дъ, и҆̀же прїидо́ша съ зорова́велемъ и҆ ї҆исѹ́сомъ, неемі́ею, заха́рїею, рисе́емъ, є҆нині́емъ, мардохе́емъ, веелса́ромъ, со а҆сфара́сомъ, съ реелі́емъ, съ роі́момъ съ ваа́номъ, нача҄лники и҆́хъ.

9 Число̀ сѹ́щихъ ѿ ѩ҆зы́ка и҆ нача҄лницы и҆́хъ: сы́нове форо́сѡвы двѣ̀ ты́сѧщы и҆ сто̀ се́дмьдесѧтъ два̀, сы́нове сафа́тѡвы четы́реста се́дмьдесѧтъ два̀,

10 сы́нове а҆ре́сѡвы се́дмь сѡ́тъ пѧтьдесѧ́тъ ше́сть,

11 сы́нове фаа́ѳъ-мѡа҄вли двѣ̀ ты́сѧщы ѻ҆́смь сѡ́тъ и҆ двана́десѧть,

12 сы́нове и҆ла́мѡвы ты́сѧща двѣ́сти пѧтьдесѧ́тъ четы́ре, сы́нове заѳѹ҄ины де́вѧть сѡ́тъ четы́редесѧть пѧ́ть, сы́нове корве́ѡвы се́дмь сѡ́тъ пѧ́ть, сы́нове ванї҄ины ше́сть сѡ́тъ четы́редесѧть ѻ҆́смь,

13 сы́нове вива҄ины ше́сть сѡ́тъ два́десѧть трѝ, сы́нове сада́сѡвы трѝ ты́сѧщы двѣ́сти два́десѧть два̀,

14 сы́нове а҆дѡнїка́мѡвы ше́сть сѡ́тъ шестьдесѧ́тъ се́дмь, сы́нове вагѡ́ины двѣ̀ ты́сѧщы шестьдесѧ́тъ ше́сть, сы́нове а҆дїнѹ́євы четы́ре ста҄ пѧтьдесѧ́тъ четы́ре,

15 сы́нове а҆тирезекі́євы де́вѧтьдесѧтъ два̀, сы́нове кїла́нѡвы и҆ а҆зита́сѡвы шестьдесѧ́тъ се́дмь, сы́нове а҆зѹра́нѡвы четы́ре ста҄ три́десѧть два̀,

16 сы́нове а҆нані́євы сто̀ є҆ди́нъ, сы́нове а҆ро́мѡвы три́десѧть два̀, сы́нове васса́євы три́ста двана́десѧть трѝ, сы́нове а҆рсїфѹрі́ѳѡвы сто̀ два̀,

17 сы́нове меті́рѡвы трѝ ты́сѧщи пѧ́ть, сы́нове ѿ веѳлѡмѡ́нѡвъ сто̀ два́десѧть трѝ,

18 и҆̀же ѿ нетѡфаѝ пѧтьдесѧ́тъ пѧ́ть, и҆̀же ѿ а҆наѳѡ́ѳа сто̀ пѧтьдесѧ́тъ ѻ҆́смь, и҆̀же ѿ веѳсамѡ́са четы́редесѧть два̀,

19 и҆̀же ѿ карїаѳїарі́ма два́десѧть пѧ́ть, и҆̀же и҆з̾ кафі́ры и҆ вирѡ́ѳа се́дмь сѡ́тъ четы́редесѧть трѝ, и҆̀же и҆з̾ пи́ры се́дмь сѡ́тъ,

20 и҆̀же хадїа́сѡвы и҆ а҆миді́євы четы́ре ста҄ два́десѧть два̀, и҆̀же ѿ кїра́ма и҆ гавви́са ше́сть сѡ́тъ два́десѧть є҆ди́нъ,

21 и҆̀же ѿ макалѡ́на сто̀ два́десѧть два̀, и҆̀же ѿ вито́лїа пѧтьдесѧ́тъ два̀, сы́нове нїфі́сѡвы сто̀ пѧтьдесѧ́тъ ше́сть,

22 сы́нове каламѡлалѹ́євы и҆ ѡ҆нѹ́сѡвы се́дмь сѡ́тъ двана́десѧть пѧ́ть, сы́нове ї҆ере́хѡвы три́ста четы́редесѧть пѧ́ть,

23 сы́нове а҆наа́сѡвы трѝ ты́сѧщы три́ста три́десѧть.

24 Жерцы̀: сы́нове ї҆еддѹ́а, сы́на ї҆исѹ́ева, съ сы҄ны санасі́вовыми де́вѧть сѡ́тъ се́дмьдесѧтъ два̀, сы́нове ѿ мирѹ́ѳа ты́сѧща пѧтьдесѧ́тъ два̀,

25 сы́нове фасарѡ́ни ты́сѧща четы́редесѧть се́дмь, сы́нове хармі́євы ты́сѧща седмьна́десѧть.

26 Леѵі́ти же: сы́нове ї҆есѹ́євы и҆ кадмїи́лѡвы, и҆ ваннѹ́євы и҆ сѹдїєвы, се́дмьдесѧтъ четы́ре.

27 Свѧщеннопѣвцы̀: сы́нове а҆са́фѡвы сто̀ четы́редесѧть ѻ҆́смь.

28 Двє́рницы же: сы́нове салѹ́мѡвы, сы́нове а҆тта́рѡвы, сы́нове толма́нѡвы, сы́нове дакѹві́євы, сы́нове тїта́євы, сы́нове самі́євы, всѣ́хъ сто̀ три́десѧть де́вѧть.

29 Свѧщеннослѹжи́телїе: сы́нове и҆са́ѵѡвы, сы́нове а҆сїфа́євы, сы́нове таваѡ́ѳѡвы, сы́нове кира́сѡвы, сы́нове сѹ́дѡвы, сы́нове фале́євы, сы́нове лавана́євы, сы́нове а҆грава́євы,

30 сы́нове а҆кѹа́євы, сы́нове ѹ҆та́євы, сы́нове кита́вѡвы, сы́нове а҆гава́євы, сы́нове сѷваі́євы, сы́нове а҆на҄ни, сы́нове каѳѹа́євы, сы́нове геддѹ́рѡвы,

31 сы́нове ї҆аі́рѡвы, сы́нове деса́нѡвы, сы́нове ноива́євы, сы́нове хасева́євы, сы́нове газира́євы, сы́нове ѻ҆зі́евы, сы́нове фїно́євы, сы́нове а҆сара́євы, сы́нове васѳаі́євы, сы́нове а҆сана́євы, сы́нове меані́євы, сы́нове нафїсі́євы, сы́нове а҆кѹ́вѡвы, сы́нове а҆кїфа́євы, сы́нове а҆сѹ́рѡвы, сы́нове фаракі́мѡвы, сы́нове васалѡ́ѳѡвы,

32 сы́нове мееда́євы, сы́нове кѹѳа́євы, сы́нове харе́євы, сы́нове харкѹ́сѡвы, сы́нове а҆сира҄ри, сы́нове ѳомі́євы, сы́нове насі́ѳѡвы, сы́нове а҆тїфа́євы.

33 сы́нове ѻ҆́трѡкъ соломѡ́новыхъ: сы́нове а҆сапфїѡ́нѡвы, сы́нове фарїра́євы, сынове ї҆еи́лєвы, сы́нове лозѡ҆ни, сы́нове ї҆здаи́лєвы, сы́нове сафѵ́ѳѡвы,

34 сы́нове а҆гїа́євы, сы́нове фахаре́ѳѡвы, сы́нове савїи҄ны, сы́нове сарѡѳі́євы, сы́нове масїа́сѡвы, сы́нове га́рѡвы, сы́нове а҆ддѹ́сѡвы, сы́нове сѹва́сѡвы, сы́нове а҆фера́євы, сы́нове вараді́сѡвы, сы́нове сафа́тѡвы, сы́нове а҆ллѡ́мѡвы.

35 Всѣ́хъ свѧщеннослѹжи́телей и҆ сынѡ́въ ѻ҆́трѡкъ соломѡ́новыхъ три́ста се́дмьдесѧтъ два̀.

36 Сі́и возше́дшїи ѿ ѳермеле́ѳа и҆ ѳелерса́са, во́ждь и҆́хъ харааѳала́рь и҆ а҆ала́рь,

37 и҆ не мого́ша возвѣсти́ти ѻ҆те́чествъ свои́хъ и҆ родѡ́въ, ѩ҆́кѡ ѿ ї҆и҃лѧ ли сѹ́ть: сы́нове лада́на сы́на ва́нова, сы́нове некѡда́новы, ше́сть сѡ́тъ пѧтьдесѧ́тъ два̀:

38 и҆ ѿ жерцє́въ творѧ́щїи жре́чество, и҆ не ѡ҆брѣто́шасѧ: сы́нове а҆вдї҄ины, сы́нове а҆ккѡ́сѡвы, сы́нове а҆ддѹ́са, пое́мшагѡ а҆ѵгі́ю женѹ̀ ѿ дще́рей верзелле́евыхъ, и҆ про́званъ бы́сть во и҆́мѧ є҆гѡ̀:

39 и҆ си́хъ взы́сканѹ бы́вшѹ родосло́вномѹ писа́нїю и҆ не ѡ҆брѣ́тенѹ, ѿлѹче́ни сѹ́ть ѿ свѧще́нства.

40 И҆ речѐ и҆̀мъ неемі́а и҆ а҆тѳарі́а, да не причаща́ютсѧ ст҃ы́нь, до́ндеже воста́нетъ а҆рхїерє́й ѡ҆блече́нъ во и҆з̾ѧвле́нїе и҆ и҆́стинѹ.

41 Вси́ же бѧ́хѹ ѿ ї҆и҃лѧ, ѿ двѹна́десѧти лѣ́тъ и҆ вы́ше, кромѣ̀ рабѡ́въ и҆ рабы́нь, четы́редесѧть двѣ̀ ты́сѧщы три́ста шестьдесѧ́тъ: рабѝ си́хъ и҆ рабы҄ни се́дмь ты́сѧщъ три́ста четы́редесѧть се́дмь, пѣвцы̀ и҆ пѣви҄цы двѣ́сти четы́редесѧть пѧ́ть:

42 велблю҄дъ четы́ре ста҄ три́десѧть пѧ́ть, ко́ней се́дмь ты́сѧщъ три́десѧть ше́сть, мскѡ́въ двѣ́сти четы́редесѧть пѧ́ть, под̾ѧрє́мникъ пѧ́ть ты́сѧщъ пѧ́ть сѡ́тъ два́десѧть пѧ́ть.

43 И҆ ѿ настоѧ́телей по ѻ҆те́чествѡмъ, є҆гда̀ прїидо́ша во хра́мъ бж҃їй, и҆́же во ї҆ер҇ли́мѣ, ѡ҆бѣща́ша воздви́гнѹти хра́мъ на мѣ́стѣ є҆гѡ̀ по си́лѣ свое́й

44 и҆ даѧ́ти во ст҃о́е сокро́вище на дѣла̀ зла́та мна҄съ ты́сѧщѹ и҆ сребра̀ мна҄съ пѧ́ть ты́сѧщъ и҆ ри́зъ свѧще́нническихъ сто̀.

45 И҆ всели́шасѧ свѧще́нницы и҆ леѵі́ти, и҆ и҆̀же (и҆зыдо́ша) ѿ наро́да во ї҆ер҇ли́мъ и҆ во странѹ̀, и҆ свѧщеннопѣвцы̀, и҆ двє́рницы, и҆ ве́сь ї҆и҃ль въ се́лѣхъ свои́хъ.

46 Настоѧ́щѹ же седмо́мѹ мц҇ѹ и҆ сѹ́щымъ сынѡ́мъ ї҆и҃левымъ коемѹ́ждо во свои́хъ, собра́шасѧ є҆динодѹ́шнѡ во дво́ръ пе́рвыхъ вра́тъ восто́чныхъ.

47 И҆ воста́въ ї҆исѹ́съ сы́нъ ї҆ѡседе́ковъ и҆ бра́тїѧ є҆гѡ̀ свѧще́нницы и҆ зорова́вель сы́нъ салаѳїи́левъ и҆ бра́тїѧ є҆гѡ̀, ѹ҆гото́ваша ѻ҆лта́рь бг҃ѹ ї҆и҃левѹ,

48 да возно́сѧтъ на не́мъ всесожже́нїѧ по чи́нѹ, ѩ҆́коже въ кни́зѣ мѡѷсе́а человѣ́ка бж҃їѧ пи҄сана сѹ́ть,

49 И҆ собра́шасѧ къ ни҄мъ ѿ и҆ны́хъ наро́дѡвъ землѝ, и҆ воздви́гнѹша же́ртвенникъ на мѣ́стѣ свое́мъ, ѩ҆́кѡ во враждѣ̀ бѧ́хѹ съ ни́ми, и҆ премого́ша и҆̀хъ всѝ ѩ҆зы́цы зе́мстїи: и҆ приноша́хѹ жє́ртвы по вре́мени и҆ всесожжє́нїѧ гд҇еви, ѹ҆́треннее и҆ вече́рнее.

50 И҆ сотвори́ша кѹ́щей потче́нїѧ пра́здникъ, ѩ҆́коже повелѣ́но въ зако́нѣ, и҆ жє́ртвы на всѧ́къ де́нь, ѩ҆́коже подоба́ше,

51 и҆ по си́хъ приношє́нїѧ непреста҄ннаѧ, и҆ жє́ртвы сѹббѡ҄тнїѧ и҆ новомч҇ныѧ и҆ пра́здникѡвъ всѣ́хъ ѡ҆свѧще́нныхъ.

52 И҆ є҆ли́цы ѡ҆бѣща́ша ѡ҆бѣ́тъ бг҃ѹ ѿ новомч҇їѧ седма́гѡ мц҇а, нача́ша приноси́ти жє́ртвы бг҃ѹ, хра́мъ же гд҇ень не бы́сть є҆щѐ созда́нъ.

53 И҆ да́ша сребро̀ каменосѣ́чцємъ и҆ дѣ́лателємъ пи́щѹ и҆ питїѐ съ ра́достїю, и҆ да́ша ка҄рры сїдѡ́нѧнѡмъ и҆ тѵ́рѧнѡмъ, да приво́зѧтъ и҆̀мъ ѿ лїва́на древа̀ ке́дрѡва, да приведѹ́тъ сѹ҄дна во ї҆оппі́йское приста́нище, по повелѣ́нїю, є҆́же пи́сано бы́сть и҆̀мъ ѿ кѵ́ра царѧ̀ пе́рсскагѡ.

54 И҆ во второ́е лѣ́то прише́дъ во хра́мъ бж҃їи во ї҆ер҇ли́мъ, мц҇а втора́гѡ, нача̀ зорова́вель сы́нъ салаѳїи́левъ и҆ ї҆исѹ́съ сы́нъ ї҆ѡседе́ковъ и҆ бра́тїѧ и҆́хъ, и҆ свѧще́нницы, леѵі́ти и҆ всѝ, и҆̀же прїидо́ша ѿ плѣне́нїѧ во ї҆ер҇ли́мъ,

55 и҆ ѡ҆снова́ша хра́мъ бж҃їй въ новомч҇їи втора́гѡ мц҇а втора́гѡ лѣ́та, є҆гда̀ прїидо́ша во ї҆ѹде́ю и҆ во ї҆ер҇ли́мъ,

56 и҆ поста́виша леѵі́ты ѿ два́десѧти лѣ́тъ на дѣла̀ гд҇нѧ: и҆ ста̀ ї҆исѹ́съ и҆ сы́нове є҆гѡ̀ и҆ бра́тїѧ и҆ кадмїи́лъ бра́тъ, и҆ сы́нове мадїавѹ҄ни, и҆ сы́нове ї҆ѡда́а и҆лїадѹ́ева съ сынмѝ и҆ бра́тїѧми, всѝ леѵі́ти є҆динодѹ́шнѡ дѣ́ла призира́телїе, творѧ́ще дѣла̀ въ домѹ̀ гд҇ни, и҆ созда́ша дѣ́лателїе до́мъ гд҇ень.

57 И҆ ста́ша свѧще́нницы ѡ҆блече́ни въ ри҄зы съ мѹсїкі́ею и҆ трѹба́ми, и҆ леѵі́ти сы́нове а҆са́фѡвы и҆мѣ́юще кѷмва́лы, восхвалѧ́юще гд҇а и҆ благословѧ́ще, по даві́дѹ царю̀ ї҆и҃левѹ,

58 и҆ поѧ́хѹ пѣ́сньми благословѧ́ще гд҇а, ѩ҆́кѡ бл҃гость є҆гѡ̀ и҆ сла́ва во вѣ́ки во все́мъ ї҆и҃ли.

59 И҆ всѝ лю́дїе вострѹби́ша и҆ возгласи́ша гла́сомъ вели́кимъ, восхвалѧ́юще гд҇а ѡ҆ воздви́женїи до́мѹ гд҇нѧ.

60 И҆ прїидо́ша ѿ свѧще́нникѡвъ, леѵі́тѡвъ и҆ предстоѧ́телей по ѻ҆те́чествѡмъ свои҄мъ старѣ҄йшины, и҆̀же ви́дѣша пре́жнїй до́мъ, къ семѹ̀ созида́нїю съ пла́чемъ и҆ во́племъ вели́кимъ,

61 и҆ мно́зи со трѹба́ми и҆ ра́достїю гла́са ве́лїѧ,

62 ѩ҆́кѡ лю́демъ не слы́шати трѹ́бъ пла́ча ра́ди людска́гѡ, наро́дъ бо бы́сть трѹбѧ́щь ѕѣлѡ̀, ѩ҆́кѡ дале́че слы́шатисѧ.

63 И҆ ѹ҆слы́шавше вразѝ колѣ́на ї҆ѹ́дина и҆ венїамі́нова, прїидо́ша позна́ти, кі́й гла́съ трѹ́бный;

64 И҆ позна́ша, ѩ҆́кѡ сѹ́щїи ѿ плѣне́нїѧ созида́ютъ хра́мъ гд҇ѹ бг҃ѹ ї҆и҃левѹ.

65 И҆ пристѹ́пльше къ зорова́велю и҆ ї҆исѹ́сѹ и҆ къ нача́лникѡмъ ѻ҆те́чествъ, реко́ша и҆̀мъ: да созида́емъ вкѹ́пѣ съ ва́ми:

66 та́кѡ бо, ѩ҆́коже вы̀, слѹ́шаемъ гд҇а ва́шегѡ и҆ є҆мѹ̀ жре́мъ ѿ дні́й а҆свасаре́ѳа царѧ̀ а҆ссѷрі́йскагѡ, и҆́же преселѝ на́съ здѣ̀.

67 И҆ речѐ и҆̀мъ зорова́вель и҆ ї҆исѹ́съ и҆ нача҄лницы ѻ҆те́чествъ ї҆и҃левыхъ: нѣ́сть ва́мъ и҆ на́мъ созида́ти до́мъ гд҇ѹ бг҃ѹ на́шемѹ:

68 мы́ бо са́ми сози́ждемъ гд҇ѹ бг҃ѹ ї҆и҃левѹ по чи́нѹ, ѩ҆́коже повелѣ̀ на́мъ кѵ́ръ ца́рь пе́рсскїй.

69 ѩ҆зы́цы же зе́мстїи стѹжа́юще сѹ́щымъ во ї҆ѹде́и и҆ па́кѡсти творѧ́ще, не попѹща́хѹ созида́ти,

70 и҆ кѡ́зни и҆ люді́й наводѧ́ще и҆ крамѡлы̀ творѧ́ще возбрани́ша соверши́ти дѣ́ло созида́нїѧ во всѐ вре́мѧ жи́зни кѵ́ра царѧ̀, и҆ препѧ́тїе сотвори́ша созида́нїю лѣ҄та два̀, да́же до да́рїева ца́рства.

<< ← Prev Top Next → >>