Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / Премѹ́дрости соломѡ́ни

Библия - Церковнославянская

Посла́нїе їеремі́ино Премѹ́дрости соломѡ́ни Сiрахъ

Глава 1 2 3 4 5 6 7 8 9 10 11 12 13 14 15 16 17 18 19

1 Слы́шите ѹ҆̀бо, ца́рїе, и҆ разѹмѣ́йте: наѹчи́тесѧ, сѹдїи҄ концє́въ землѝ:

2 внѹши́те, содержа́щїи мнѡ́жества и҆ гордѧ́щїисѧ ѡ҆ наро́дѣхъ ѩ҆зы́кѡвъ:

3 ѩ҆́кѡ дана̀ є҆́сть ѿ гд҇а держа́ва ва́мъ и҆ си́ла ѿ вы́шнѧгѡ, и҆́же и҆стѧ́жетъ дѣла̀ ва҄ша и҆ помышлє́нїѧ и҆спыта́етъ:

4 ѩ҆́кѡ слѹзѝ сѹ́ще цр҇тва є҆гѡ̀ не сѹди́сте пра́вѡ, ни сохрани́сте зако́на, нижѐ по во́ли бж҃їей ходи́сте.

5 Стра́шнѡ и҆ ско́рѡ ѩ҆ви́тсѧ ва́мъ: ѩ҆́кѡ сѹ́дъ жесточа́йшїй преимѹ́щымъ быва́етъ,

6 и҆́бо ма́лый досто́инъ є҆́сть ми́лости, си́льнїи же си́льнѣ и҆стѧ́зани бѹ́дѹтъ.

7 Не щади́тъ бо лица̀ всѣ́хъ влдка, нижѐ ѹ҆срами́тсѧ вельмо́жи, ѩ҆́кѡ ма́ла и҆ вели́ка се́й сотворѝ, подо́бнѣ же проразѹмѣва́етъ ѡ҆ всѣ́хъ:

8 держа҄внымъ же крѣ́пко настои́тъ и҆спыта́нїе.

9 Къ ва́мъ ѹ҆̀бо, ѽ, ца́рїе, словеса̀ моѧ҄, да наѹчи́тесѧ премѹ́дрости и҆ не паде́те:

10 и҆́бо сохранѧ́ющїи преподо́бнѣ преподѡ́бнаѧ преподо́бни бѹ́дѹтъ, и҆ и҆̀же наѹчи́вшїисѧ си҄мъ, ѡ҆брѧ́щѹтъ ѿвѣ́тъ.

11 Возжелѣ́йте ѹ҆̀бо слове́съ мои́хъ, возлюби́те и҆ накажи́тесѧ.

12 Свѣтла̀ и҆ не ѹ҆вѧда́ема є҆́сть премѹ́дрость, и҆ ѹ҆до́бнѡ ви́дитсѧ ѿ лю́бѧщихъ ю҆̀, и҆ ѡ҆брѧ́щетсѧ ѿ и҆́щѹщихъ ю҆̀:

13 предварѧ́етъ жела́ющымъ пред̾ѹвѣ́дѣтисѧ.

14 Ѹ҆́треневавый къ не́й не ѹ҆трѹди́тсѧ: присѣдѧ́щѹю бо ѡ҆брѧ́щетъ при вратѣ́хъ свои́хъ.

15 Е҆́же бо мы́слити ѡ҆ не́й, ра́зѹма (є҆́сть) соверше́нство, и҆ бдѧ́й є҆ѧ̀ ра́ди вско́рѣ без̾ печа́ли бѹ́детъ:

16 ѩ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щѹщи, и҆ на стезѧ́хъ показѹ́етсѧ и҆̀мъ благопрїѧ́тнѡ, и҆ во все́мъ провидѣ́нїи срѣта́етъ и҆̀хъ.

17 Нача́ло бо є҆ѧ̀ и҆́стиннѣйшее наказа́нїѧ возжелѣ́нїе,

18 попече́нїе же наказа́нїѧ любы̀, любы́ же хране́нїе зако́нѡвъ є҆ѧ̀,

19 хране́нїе же зако́нѡвъ ѹ҆твержде́нїе нерастлѣ́нїѧ (є҆́сть), нерастлѣ́нїе же твори́тъ бли́з̾ бы́ти бг҃а:

20 возжелѣ́нїе ѹ҆̀бо премѹ́дрости возво́дитъ къ цр҇твѹ (вѣ́чномѹ).

21 А҆́ще ѹ҆̀бо наслажда́етесѧ престо́лами и҆ ски҄птры, ѽ, ца́рїе люді́й, почти́те премѹ́дрость, да во вѣ́ки ца́рствѹете.

22 Что́ же є҆́сть премѹ́дрость, и҆ ка́кѡ бы́сть, возвѣщѹ̀,

23 и҆ не ѹ҆таю̀ ѿ ва́съ та҄инъ, но ѿ нача́ла рожде́нїѧ и҆зслѣ́ждѹ,

24 и҆ положѹ̀ на свѣ́тъ ра́зѹмъ є҆ѧ̀ и҆ не преминѹ́ю и҆́стины,

25 нижѐ за́вистїю та́ющемѹ спѹ́тьствѹю, ѩ҆́кѡ се́й не бѹ́детъ прича́стникъ премѹ́дрости.

26 Мно́жество же премѹ́дрыхъ спасе́нїе мі́рѹ, и҆ ца́рь премѹ́дръ ѹ҆твержде́нїе лю́демъ.

27 Сегѡ̀ ра́ди прїими́те наказа́нїе по словесє́мъ мои҄мъ, и҆ поле́зно бѹ́детъ ва́мъ.

<< ← Prev Top Next → >>