Библия, Премѹ́дрости соломѡ́ни, Глава 14. is available here: https://www.bible.promo/chapters.php?id=11274&pid=77&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / Премѹ́дрости соломѡ́ни

Библия - Церковнославянская

Посла́нїе їеремі́ино Премѹ́дрости соломѡ́ни Сiрахъ

Глава 1 2 3 4 5 6 7 8 9 10 11 12 13 14 15 16 17 18 19

1 Плы́ти па́ки кто̀ помы́сливъ и҆ сверѣ҄пыѧ вѡ́лны преходи́ти, носѧ́щагѡ є҆го̀ кораблѧ̀ тлѣ́ннѣйшее дре́во призыва́етъ:

2 ѻ҆́ное бо жела́нїе пристѧжа́нїй ѹ҆мы́сли, хитре́цъ же мѹ́дростїю содѣ́ла:

3 тво́й же, ѻ҆́ч҃е, ѹ҆строѧ́етъ про́мыслъ: ѩ҆́кѡ да́лъ є҆сѝ и҆ въ мо́ри пѹ́ть и҆ въ волна́хъ стезю̀ крѣ́пкѹю,

4 показѹ́ѧ, ѩ҆́кѡ си́ленъ є҆сѝ ѿ всѧ́кагѡ сп҇тѝ, а҆́ще и҆ без̾ хѹдо́жества кто̀ взы́детъ.

5 Хо́щеши же, да не бѹ́дѹтъ пра҄здна дѣла̀ премдрости твоеѧ̀: сегѡ̀ ра́ди и҆ малѣ́йшемѹ дре́вѹ ввѣрѧ́ютъ человѣ́цы дѹ́шы (своѧ҄), и҆ преходѧ́ще вѡ́лны кораблеце́мъ и҆зба́влени сѹ́ть.

6 И҆ ѿ нача́ла бо, є҆гда̀ погиба́хѹ го́рдїи и҆споли́ни, ѹ҆пова́нїе мі́ра въ кораблецѣ̀ и҆збѣжа́вшее, ѡ҆ста́ви вѣ́кѹ сѣ́мѧ рожде́нїѧ, рѹко́ю твое́ю ѹ҆стро́ено.

7 Благослове́но бо дре́во, и҆́мже быва́етъ пра́вда.

8 Рѹкотворе́нное же про́клѧто є҆́сть, и҆ сотвори́вый є҆̀: ѩ҆́кѡ ѻ҆́въ ѹ҆́бѡ содѣ́ла, сїе́ же тлѣ́нное бо́гомъ и҆менова́сѧ.

9 Въ ра́внѣ бо ненави҄дима сѹ́ть бг҃ѹ и҆ нече́ствѹѧй, и҆ нече́стїе є҆гѡ̀:

10 и҆́бо сотворе́ное съ сотво́ршимъ мѹ́чимо бѹ́детъ.

11 Сегѡ̀ ра́ди и҆ во їдѡлѣхъ ѩ҆зы́ческихъ бѹ́детъ ка́знь, ѩ҆́кѡ въ созда́нїи бж҃їи въ ме́рзость сотворе́ни сѹ́ть и҆ въ собла́зны дѹша́мъ человѣ́чєскимъ и҆ въ сѣ́ть нога́мъ бѹ́ихъ.

12 Нача́ло бо блѹже́нїѧ ѹ҆мышле́нїе їдѡлѡвъ: и҆з̾ѡбрѣ́тенїе же и҆́хъ тлѣ́нїе живота̀.

13 Ниже́ бо бы́ша ѿ нача́ла, нижѐ бѹ́дѹтъ во вѣ́ки:

14 тщесла́вїемъ бо человѣ́ческимъ внидо́ша въ мі́ръ, и҆ сегѡ̀ ра́ди кра́токъ и҆́хъ коне́цъ вмѣни́сѧ.

15 Го́рькимъ бо пла́чемъ сѣ́тѹѧ ѻ҆те́цъ ско́рѡ восхище́нагѡ ча́да ѡ҆́бразъ сотвори́въ, є҆го́же тогда̀ человѣ́ка ме́ртва, нн҃ѣ ѩ҆́кѡ бо́га почтѐ: и҆ предадѐ подрѹ҄чнымъ та҄йны и҆ жє́ртвы:

16 пото́мъ вре́менемъ возмо́гшїй нечести́вый ѡ҆бы́чай, а҆́ки зако́нъ храни́мь бы́сть, и҆ мѹчи́телей повелѣ́нїемъ почита́єма бѧ́хѹ и҆зва҄ѧннаѧ:

17 и҆̀хже въ лицѐ не могѹ́ще чествова́ти человѣ́цы да́льнагѡ ра́ди ѡ҆бита́нїѧ, и҆здале́ча лицѐ и҆з̾ѡбрази́вше, ѩ҆́вный ѡ҆́бразъ почита́емагѡ царѧ̀ сотвори́ша, ѩ҆́кѡ да ѿстоѧ́щаго а҆́ки бли́з̾ сѹ́щаго ласка́ютъ со прилѣжа́нїемъ.

18 Въ продолже́нїе же ѕлоче́стїѧ и҆ не разѹмѣ́ющихъ принѹ́ди хѹдо́жниково любоче́стїе.

19 Се́й бо хотѧ̀ ѹ҆годи́ти держа́вствѹющемѹ, произведѐ хи́тростїю (свое́ю) подо́бїе на лѹ́чшее:

20 мно́жество же человѣ҄къ, привлече́но благоѡбра́зїемъ дѣ́ла, пре́жде вма́лѣ чествова́наго человѣ́ка нн҃ѣ въ бо́га вмѣни́ша.

21 И҆ сїѐ бы́сть житїю̀ въ прельще́нїе, ѩ҆́кѡ и҆лѝ ѕлоключе́нїю, и҆лѝ мѹчи́телствѹ послѹжи́вше человѣ́цы, несоѻ́бщно и҆́мѧ ка́менїю и҆ древа́мъ ѡ҆бложи́ша.

22 Посе́мъ не дово́лно бѣ̀ прельща́тисѧ ѡ҆ бж҃їи ра́зѹмѣ, но и҆ въ вели́цѣй живѹ́ще безѹ́мїѧ бра́ни, толи҄каѧ ѕла҄ѧ мі́ръ и҆менѹ́ютъ.

23 И҆́бо и҆лѝ дѣтоѹбі́йствєнныѧ жє́ртвы, и҆лѝ сокровє́нныѧ та҄йны, и҆лѝ неи́стѡвныѧ ѿ и҆ны́хъ зако́нѡвъ пи́ршєства творѧ́ше,

24 нижѐ житїѧ̀, нижѐ бра́кѡвъ чи́стыхъ є҆щѐ хранѧ́тъ: є҆ди́нъ же дрѹга́го и҆лѝ навѣ́томъ ѹ҆бива́етъ, и҆лѝ блѹдѧ̀ ѡ҆скорблѧ́етъ.

25 Всѧ҄ же смѣ́шєна сѹ́ть, кро́вь и҆ ѹ҆бі́йство, татьба̀ и҆ ле́сть, растлѣ́нїе, невѣ́рство, смѧте́нїе, заклина́нїе, молва̀ благи́хъ,

26 благода́ти забве́нїе, дѹша́мъ ѡ҆скверне́нїе, рожде́нїю премѣне́нїе, бра́кѡвъ безчи́нїе, прелюбодѣѧ́нїе и҆ стѹдодѣѧ́нїе.

27 Недосто́йныхъ бо и҆́мене їдѡлѡвъ слѹже́нїе нача́ло всѧ́кагѡ ѕла̀, и҆ вина̀ и҆ коне́цъ є҆́сть:

28 и҆́бо и҆лѝ веселѧ́щесѧ неи́стовствѹютъ, и҆лѝ проро́чествѹютъ лѡ́жнаѧ, и҆лѝ живѹ́тъ непра́веднѣ, и҆лѝ кленѹ́тсѧ ско́рѡ.

29 На бездѹ҄шныѧ бо їдѡлы надѣ́ющесѧ, ѕлѣ̀ кленѹ́щесѧ казни́ми бы́ти не ча́ютъ.

30 За ѻ҆боѧ́ же на ни́хъ прїи́детъ сѹ́дъ: поне́же ѕлѣ̀ мѹ́дрствоваша ѡ҆ бз҃ѣ, вне́млюще їдѡлѡмъ, и҆ непра́веднѡ клѧ́шасѧ ле́стїю, презрѣ́вше преподо́бїе.

31 Не бо̀ си́ла кленѹ́щихъ, но согрѣша́ющымъ сѹ́дъ нахо́дитъ всегда̀ на престѹпле́нїе непра́ведныхъ.

<< ← Prev Top Next → >>