Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / Сiрахъ

Библия - Церковнославянская

Премѹ́дрости соломѡ́ни Сiрахъ Тѡві́т

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

1 Почита́й врача̀ проти́вѹ потре́бъ че́стїю є҆гѡ̀, и҆́бо гд҇ь созда̀ є҆го̀:

2 ѿ вы́шнѧгѡ бо є҆́сть и҆зцѣле́нїе, и҆ ѿ царѧ̀ прїи́метъ да́ръ.

3 Хѹдо́жество врача̀ вознесе́тъ главѹ̀ є҆гѡ̀, и҆ пред̾ вельмо́жами ѹ҆диви́мь бѹ́детъ.

4 Гд҇ь созда̀ ѿ землѝ врачєва́нїѧ, и҆ мѹ́жъ мѹ́дрый не возгнѹша́етсѧ и҆́ми.

5 Не ѿ дре́ва ли ѡ҆слади́сѧ вода̀, да позна́на бѹ́детъ си́ла є҆гѡ̀;

6 И҆ то́й да́лъ є҆́сть хѹдо́жество человѣ́кѡмъ, да сла́витсѧ въ чѹдесѣ́хъ свои́хъ:

7 тѣ́ми ѹ҆врачева̀ и҆ ѿѧ́тъ бѡлѣ́зни и҆́хъ.

8 Мѷрова́рецъ си́ми состро́итъ смѣше́нїе, и҆ не сконча́ютсѧ дѣла̀ є҆гѡ̀, и҆ ми́ръ ѿ негѡ̀ є҆́сть на лицы̀ землѝ.

9 Ча́до, въ болѣ́зни твое́й не презира́й, но моли́сѧ гд҇еви, и҆ то́й тѧ̀ и҆зцѣли́тъ:

10 ѿстѹпѝ ѿ прегрѣше́нїѧ и҆ напра́ви рѹ́цѣ, и҆ ѿ всѧ́кагѡ грѣха̀ ѡ҆чи́сти се́рдце (твоѐ):

11 да́ждь благоѹха́нїе и҆ па́мѧть семїда́ла и҆ ѹ҆ма́сти приноше́нїе, а҆́кибы не пе́рвѣе приносѧ́й:

12 и҆ да́ждь мѣ́сто врачѹ̀, гд҇ь бо є҆го̀ созда̀: и҆ да не ѹ҆дали́тсѧ ѿ тебє̀, потре́бенъ бо тѝ є҆́сть.

13 Е҆́сть вре́мѧ, є҆гда̀ въ рѹкѹ̀ є҆гѡ̀ благоѹха́нїе:

14 и҆́бо и҆ ті́и гд҇еви мо́лѧтсѧ, да ѹ҆пра́витъ и҆̀мъ поко́й и҆ и҆зцѣле́нїе ра́ди ѡ҆здравле́нїѧ.

15 Согрѣша́ѧй пред̾ сотво́ршимъ є҆го̀ впаде́тъ въ рѹ́цѣ врачѹ̀.

16 Ча́до, над̾ мертвеце́мъ и҆сточѝ сле́зы и҆ ѩ҆́коже ѕлѣ̀ стра́ждѹщь начнѝ пла́чь: и҆ ѩ҆́коже досто́итъ є҆мѹ̀, соскѹ́тай тѣ́ло є҆гѡ̀ и҆ не пре́зри погребе́нїѧ є҆гѡ̀.

17 Го́рекъ сотворѝ пла́чь и҆ рыда́нїе тепло̀, и҆ сотворѝ сѣ́тованїе, ѩ҆́коже є҆мѹ̀ досто́итъ, де́нь є҆ди́нъ и҆ два̀ хѹле́нїѧ ра́ди, и҆ ѹ҆тѣ́шисѧ печа́ли ра́ди:

18 ѿ печа́ли бо сме́рть быва́етъ, и҆ печа́ль серде́чнаѧ слѧ́четъ крѣ́пость.

19 Въ нанесе́нїи пребыва́етъ и҆ печа́ль, и҆ житїѐ ни́щагѡ въ се́рдцы.

20 Не да́ждь въ печа́ль се́рдца твоегѡ̀, ѡ҆ста́ви ю҆̀ помѧнѹ́въ послѣ҄днѧѧ.

21 Не забѹ́ди, нѣ́сть бо возвраще́нїѧ: и҆ є҆мѹ̀ по́льзы не сотвори́ши, и҆ себѐ ѡ҆ѕло́биши.

22 Помѧнѝ сѹ́дъ є҆гѡ̀, ѩ҆́кѡ си́це и҆ тво́й: мнѣ̀ вчера̀, а҆ тебѣ̀ дне́сь.

23 Въ поко́и мертвеца̀ ѹ҆поко́й па́мѧть є҆гѡ̀, и҆ ѹ҆тѣ́шисѧ ѡ҆ не́мъ во и҆схо́дѣ дѹ́ха є҆гѡ̀.

24 Премѹ́дрость кни́жника во благовре́менїи пра́зднества, и҆ ѹ҆малѧ́ѧйсѧ дѣѧ́нїемъ свои́мъ ѹ҆премѹ́дритсѧ.

25 Чи́мъ ѹ҆мѹдри́тсѧ держа́й ѡ҆ра́ло и҆ хвалѧ́йсѧ ѻ҆стно́мъ, гонѧ́й волы̀ и҆ ѡ҆браща́ѧйсѧ въ дѣ́лѣхъ и҆́хъ, и҆ по́вѣсть є҆гѡ̀ въ сынѣ́хъ ю҆́нчихъ;

26 Се́рдце своѐ да́стъ возры́ти бразды҄, и҆ бдѣ́нїе є҆гѡ̀ на насыще́нїихъ ю҆́ницъ.

27 Та́кѡ всѧ́къ древодѣ́лѧ и҆ а҆рхїте́ктѡнъ, и҆́же нѡ́щи ѩ҆́кѡ дни҄ провожда́етъ, дѣ́лаѧ и҆зваѧ҄нїѧ печа́тей, и҆ прилѣжа́нїе є҆гѡ̀ и҆змѣни́ти разли́чїе:

28 се́рдце своѐ да́стъ ѹ҆подо́бити живописа́нїе, и҆ бдѣ́нїе є҆гѡ̀ є҆́же соверши́ти дѣ́ло.

29 Та́кожде и҆ кова́чь сѣдѧ̀ бли́з̾ на́ковални и҆ соглѧ́даѧй дѣ́ло желѣ́за: кѹре́нїе ѻ҆гнѧ̀ ѹ҆дрѹчи́тъ тѣ́ло є҆гѡ̀, и҆ теплото́ю пе́щи ѹ҆трѹди́тсѧ:

30 гла́съ мла́та ѡ҆бнови́тъ ѹ҆́хо є҆гѡ̀, и҆ прѧ́мѡ подо́бїю сосѹ́да ѻ҆́чи є҆гѡ̀:

31 се́рдце своѐ вда́стъ на сконча́нїе дѣ́лъ, и҆ бдѣ́нїе є҆гѡ̀ ѹ҆краси́ти до конца̀.

32 Та́кожде и҆ скѹде́льникъ сѣдѧ̀ на дѣ́лѣ свое́мъ и҆ вертѧ̀ нога́ма свои́ма ко́ло,

33 и҆́же въ печа́ли лежи́тъ вы́нѹ на дѣ́лѣ свое́мъ, и҆зчислѧ́емо всѐ дѣ́ланїе є҆гѡ̀:

34 мы́шцею свое́ю воѡбрази́тъ бре́нїе и҆ пред̾ нога́ма преклони́тъ крѣ́пость є҆гѡ̀:

35 се́рдце своѐ вда́стъ сконча́ти сосѹ́дъ, и҆ бдѣ́нїе є҆гѡ̀ ѡ҆чи́стити пе́щь.

36 Всѝ сі́и на рѹ́ки своѧ҄ надѣ́ютсѧ, и҆ кі́йждо въ дѣ́лѣ свое́мъ ѹ҆мѹдрѧ́етсѧ.

37 Без̾ тѣ́хъ не насели́тсѧ гра́дъ, и҆ не вселѧ́тсѧ, ни похо́дѧтъ и҆ въ собо́рище не во́змѹтсѧ:

38 на престо́лѣ же сѹді́й не сѧ́дѹтъ и҆ завѣ́та сѹдѹ̀ не размы́слѧтъ, нижѐ и҆́мѹтъ и҆звѣща́ти наказа́нїѧ и҆ сѹда̀, и҆ въ при́тчахъ не ѡ҆брѧ́щѹтсѧ:

39 но то́кмѡ зда́нїємъ житє́йскимъ прилѣжа́тъ, и҆ моле́нїе и҆́хъ въ дѣ́ланїи хѹдо́жества.

<< ← Prev Top Next → >>