Holy Bible project logo icon
FREE OFF-line Bible for Android Get Bible on Google Play QR Code Android Bible
Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / Сiрахъ

Библия - Церковнославянская

Премѹ́дрости соломѡ́ни Сiрахъ Тѡві́т

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51

1 Возлю́бленный бг҃омъ и҆ челѡвѣ́ки мѡѷсе́й, є҆гѡ́же па́мѧть во благослове́нїихъ.

2 Ѹ҆подо́билъ є҆́сть є҆го̀ сла́вѣ ст҃ы́хъ и҆ возвели́чи є҆го̀ во стра́сѣ врагѡ́въ.

3 Во словесѣ́хъ є҆гѡ̀ зна́мєнїѧ ѹ҆ста́ви и҆ просла́ви є҆го̀ пред̾ лице́мъ царе́й: заповѣ́да є҆мѹ̀ къ лю́демъ свои҄мъ и҆ показа̀ є҆мѹ̀ сла́вѹ свою̀:

4 въ вѣ́рѣ и҆ кро́тости є҆гѡ̀ ѡ҆ст҃ѝ є҆го̀, и҆збра̀ є҆го̀ ѿ всѧ́кїѧ пло́ти.

5 Слы́шанъ сотвори́лъ є҆́сть є҆мѹ̀ гла́съ сво́й и҆ введѐ є҆го̀ во мглѹ̀,

6 и҆ дадѐ є҆мѹ̀ пред̾ лице́мъ за́пѡвѣди, зако́нъ жи́зни и҆ вѣ́дѣнїѧ, є҆́же наѹчи́ти ї҆а́кѡва завѣ́тѹ и҆ сѹдба́мъ є҆гѡ̀ ї҆и҃лѧ.

7 А҆арѡ́на возвы́си ст҃а, подо́бна є҆мѹ̀ бра́та є҆гѡ̀ ѿ колѣ́на леѵі́ина,

8 поста́ви є҆мѹ̀ завѣ́тъ вѣ́ченъ и҆ дадѐ є҆мѹ̀ ї҆ере́йство люді́й, ѹ҆блажѝ є҆го̀ благоѹкраше́нїемъ и҆ препоѧ́са є҆го̀ ѻ҆де́ждою сла́вы,

9 ѡ҆блечѐ є҆го̀ въ соверше́нїе хвале́нїѧ и҆ ѹ҆твердѝ є҆го̀ сосѹ́дами крѣ́пости,

10 ѡ҆сте́гнми и҆ поди́ромъ и҆ є҆пѡмі́дою,

11 и҆ ѡ҆крѹжѝ є҆го̀ шипки҄ златы́ми и҆ звонцы҄ мно́гими ѡ҆́крестъ, глаша́ти гла́съ во стѹпа́нїихъ є҆гѡ̀, слы́шанъ твори́ти гла́съ въ це́ркви въ па́мѧть сынѡ́мъ люді́й свои́хъ:

12 ѻ҆де́ждою ст҃о́ю, со зла́томъ и҆ ѵ҆акі́нѳомъ и҆ порфѵ́рою, дѣ́ломъ пестродѣ́лца, сло́вомъ сѹда̀, ѩ҆вле́ньми и҆́стины,

13 и҆стка́нною багрѧ́ностїю, дѣ́ломъ хѹдо́жничимъ, ка́мєнїи многоцѣ́нными, и҆зваѧ́ньми печа́ти, въ свѧза́нїи зла́та, дѣ́ломъ каменнодѣ́лателѧ, на па́мѧть въ писа́нїи и҆зва́ѧннѣмъ по числѹ̀ колѣ́нъ ї҆и҃левыхъ:

14 вѣне́цъ зла́тъ верхѹ̀ кїда́ра, и҆з̾ѡбраже́нїе печа́ти ст҃ы́ни, похвала̀ че́сти, дѣ́ло крѣ́пости, вожделѣ҄нїѧ ѻ҆че́съ краси҄ма прекра҄сна.

15 Пре́жде є҆гѡ̀ не бы́ша такѡва́ѧ до вѣ́ка.

16 Не ѡ҆блече́сѧ и҆ноплеме́нникъ, то́чїю сы́нове є҆гѡ̀ и҆ внѹ́чата є҆гѡ̀ пр҇нѡ.

17 Жє́ртвы и҆́хъ приноси҄мы бѧ́хѹ по всѧ҄ дни҄ непреста́ннѡ два́жды.

18 И҆спо́лни мѡѷсе́й рѹ́цѣ и҆ пома́за є҆го̀ є҆ле́емъ ст҃ы́мъ.

19 Бы́сть є҆мѹ̀ въ завѣ́тъ вѣ́ченъ, и҆ сѣ́мени є҆гѡ̀ во дне́хъ не́ба, слѹжи́ти є҆мѹ̀ вкѹ́пѣ и҆ свѧще́нствовати, и҆ благословлѧ́ти лю́ди є҆гѡ̀ и҆́менемъ є҆гѡ̀.

20 И҆збра̀ є҆го̀ ѿ всѣ́хъ живы́хъ принестѝ же́ртвѹ гд҇еви, ѳѷмїа́мъ и҆ благоѹха́нїе на па́мѧть, на ѡ҆чище́нїе лю́демъ свои҄мъ.

21 Дадѐ є҆мѹ̀ за́пѡвѣди своѧ҄, вла́сть въ завѣ́тѣхъ сѹде́бъ, наѹчи́ти ї҆а́кѡва свидѣ́нїємъ и҆ въ зако́нѣ є҆гѡ̀ просвѣти́ти ї҆и҃лѧ.

22 Воста́ша на́нь чѹжді́и, и҆ возревнова́ша є҆мѹ̀ въ пѹсты́ни мѹ́жїе, и҆́же при даѳа́нѣ и҆ а҆вїрѡ́нѣ, и҆ со́нмъ коре́овъ въ ѩ҆́рости и҆ гнѣ́вѣ.

23 Ви́дѣ гд҇ь и҆ не бл҃говолѝ, и҆ сконча́шасѧ ѩ҆́ростїю гнѣ́ва:

24 сотворѝ въ ни́хъ зна́мєнїѧ, погѹби́ти ѧ҆̀ ѻ҆гне́мъ пла́мене.

25 И҆ приложѝ а҆арѡ́нови сла́вѹ и҆ дадѐ є҆мѹ̀ наслѣ́дїе: нача́тки пе́рвыхъ жи҄тъ раздѣлѝ є҆мѹ̀.

26 Хлѣ́бъ въ пе́рвыхъ ѹ҆гото́ва на сы́тость: и҆́бо жє́ртвы гд҇ни ѩ҆́сти бѹ́дѹтъ, ѩ҆̀же дадѐ є҆мѹ̀ и҆ сѣ́мени є҆гѡ̀.

27 Ѻ҆ба́че въ землѝ люді́й не наслѣ́дствитъ, и҆ въ лю́дехъ не бѹ́детъ є҆мѹ̀ ча́сти: са́мъ бо ча́сть є҆гѡ̀ и҆ наслѣ́дїе.

28 И҆ фїнее́съ сы́нъ є҆леаза́ровъ тре́тїй во сла́вѣ, є҆гда̀ ревнова́ше стра́хѹ гд҇ню, и҆ ста̀ въ превраще́нїи люді́й бла́гостїю ѹ҆се́рдїѧ дѹшѝ своеѧ̀, и҆ ѹ҆молѝ ѡ҆ ї҆и҃ли.

29 Сегѡ̀ ра́ди поста́вленъ є҆мѹ̀ бы́сть завѣ́тъ ми́ренъ, предста́телемъ бы́ти ст҃ы́хъ и҆ лю́демъ є҆гѡ̀, да бѹ́детъ є҆мѹ̀ и҆ сѣ́мени є҆гѡ̀ свѧще́нства вели́чество во вѣ́къ.

30 И҆ завѣ́тъ даві́дѹ, сы́нѹ ї҆ессе́овѹ ѿ колѣ́на ї҆ѹ́дова, наслѣ́дство царѧ̀ сы́на ѿ сы́на є҆ди́нагѡ: достоѧ́нїе свѧще́нства а҆арѡ́нѹ и҆ сѣ́мени є҆гѡ̀.

31 Да да́стъ на́мъ премѹ́дрость въ сердца́хъ на́шихъ сѹди́ти лю́демъ є҆гѡ̀ въ пра́вдѹ, да не потребѧ́тсѧ блага҄ѧ и҆́хъ и҆ сла́ва и҆́хъ въ ро́ды и҆́хъ.

<< ← Prev Top Next → >>